Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 31:1-30

31  Muxe a ya emahlweni a vulavula marito lawa eka tiko hinkwaro ra Israyele,  a ku eka vona: “Namuntlha+ ndzi ni malembe ya 120 hi vukhale. A ndzi nge he pfumeleriwi ku huma ni ku nghena,+ hilaha Yehovha a ndzi byeleke hakona a ku, ‘A wu nge wu peli nambu lowu wa Yordani.’+  Yehovha Xikwembu xa n’wina hi yena la pelaka emahlweni ka n’wina.+ Yena u ta lovisa matiko lawa emahlweni ka n’wina, n’wina mi fanele mi wa hlongola.+ Yoxuwa hi yena la pelaka emahlweni ka n’wina,+ hilaha Yehovha a vuleke hakona.  Kunene Yehovha u ta ma endla hilaha a endleke Sihoni+ na Ogo+ hakona, tihosi ta Vaamori ni tiko ra tona, loko a ti lovisa.+  Yehovha u ma tshikele eka n’wina,+ mi fanele mi wa endla hi ku landza hinkwaswo leswi ndzi mi leriseke swona.+  Vanani ni xivindzi, mi va ni matimba.+ Mi nga chavi kumbe mi tshuka emahlweni ka wona,+ hikuva Yehovha Xikwembu xa n’wina hi yena la fambaka na n’wina. A nge mi tshiki kumbe a mi siya hilaha ku heleleke.”+  Muxe a vitana Yoxuwa a n’wi byela emahlweni ka mahlo ya tiko hinkwaro ra Israyele a ku: “Vana ni xivindzi, u va ni matimba,+ hikuva wena—u ta nghenisa vanhu lava etikweni leri Yehovha a ri hlambanyeleke vatata wa vona ku va nyika rona, wena u ta va nyika rona ri va ndzhaka.+  Yehovha hi yena la fambaka emahlweni ka wena. Yena u ta hambeta a va na wena.+ A nge ku tshiki kumbe a ku siya hilaha ku heleleke. U nga tshuki u chava kumbe u chavisiwa.”+  Kutani Muxe a tsala nawu+ lowu a wu nyika vaprista, vana va Levhi,+ lava va rhwalaka areka ya ntwanano+ wa Yehovha, ni vakulukumba hinkwavo va Israyele. 10  Muxe a ya emahlweni a va lerisa, a ku: “Emakumu ka malembe man’wana ni man’wana ya nkombo, hi nkarhi lowu vekiweke wa lembe ra ku ntshunxa,+ enkhubyeni wa mintsonga,+ 11  loko tiko hinkwaro ra Israyele ri ta ku ta vona xikandza xa Yehovha+ Xikwembu xa n’wina endhawini leyi a nga ta yi hlawula,+ mi ta hlaya nawu lowu emahlweni ka tiko hinkwaro ra Israyele ri yingisile.+ 12  Hlengeletani vanhu,+ vavanuna ni vavasati ni vana ni muluveri la nga endzeni ka tinyangwa ta n’wina, leswaku va yingisa nileswaku va dyondza,+ hikuva va fanele va chava Yehovha Xikwembu xa n’wina,+ va khathalela ku hetisisa marito hinkwawo ya nawu lowu. 13  Kutani vana va vona lava va nga swi tivangiki va ta yingisa,+ va fanele va dyondza ku chava Yehovha Xikwembu xa n’wina masiku hinkwawo lawa mi hanyaka ehenhla ka misava leyi mi pelaka Yordani ku ya yi teka.”+ 14  Endzhaku ka sweswo Yehovha a byela Muxe a ku: “Waswivo! Masiku ya leswaku u fa ma tshinele.+ Vitana Yoxuwa, mi yima entsongeni wa nhlangano leswaku ndzi ta n’wi lerisa.”+ Kutani Muxe na Yoxuwa va ya yima entsongeni wa nhlangano.+ 15  Hiloko Yehovha a humelela entsongeni a ri epapeni lerikulu, kutani papa lerikulu ri yima enyangweni ya ntsonga.+ 16  Yehovha a byela Muxe a ku: “Waswivo! U etlela ni vatata wa wena;+ kunene vanhu lava va ta suka va yima+ va endla rimbewu leri nga amukelekiki ni swikwembu swimbe swa tiko leri va yaka eka rona,+ exikarhi ka vona, kunene va ta ndzi fularhela+ naswona va tlula ntwanano wa mina lowu ndzi wu endleke na vona.+ 17  Hakunene ku hlundzuka ka mina ku ta va pfurhela esikwini rero,+ kunene ndzi ta va fularhela,+ ndzi va tumbetela xikandza xa mina,+ va fanele va va nchumu lowu nga ta herisiwa; makhombo ni maxangu yo tala ma fanele ma ta ehenhla ka vona,+ va ta boheka ku vula esikwini rero va ku, ‘Xana makhombo lawa ma hi wele hikwalaho ka leswi Xikwembu xa hina xi nga riki kona exikarhi ka hina?’+ 18  Loko ku ri mina, ndzi ta tumbeta xikandza xa mina hilaha ku heleleke esikwini rero, hikwalaho ka vubihi hinkwabyo lebyi va byi endleke, hikuva va hundzukele eka swikwembu swin’wana.+ 19  “Kutani sweswi, titsaleleni risimu leri,+ mi ri dyondzisa vana va Israyele.+ Ri vekeni emilon’wini ya vona leswaku risimu leri ri ta va mbhoni ya mina ehenhla ka vana va Israyele.+ 20  Hikuva ndzi ta va tisa emisaveni leyi ndzi hlambanyeke ha yona eka vatata wa vona,+ leyi khulukaka ntswamba ni vulombe,+ kunene va ta dya+ va xurha, va nyuhela+ naswona va hundzukela eka swikwembu swin’wana,+ hakunene va ta swi tirhela ivi va ndzi khoma hi ndlela leyi nga kombisiki xichavo, va tlula ntwanano wa mina.+ 21  Kutaku loko makhombo ni maxangu yo tala ma va wela ehenhla,+ risimu leri ri ta hlamula emahlweni ka vona ri va mbhoni, hikuva ri nga ka ri nga rivariwi enon’wini wa vana va vona, hikuva ndzi wu tiva kahle mboyamelo+ wa vona lowu va voyamelaka eka wona namuntlha, ndzi nga si va tisa etikweni leri ndzi hlambanyeke ha rona.” 22  Hikwalaho Muxe a tsala risimu leri esikwini rero, leswaku a ta ri dyondzisa vana va Israyele.+ 23  A ya emahlweni a lerisa Yoxuwa n’wana wa Nuni,+ a ku: “Vana ni xivindzi, u va ni matimba,+ hikuva wena—u ta nghenisa vana va Israyele etikweni leri ndzi va hlambanyeleke rona,+ mina ndzi ta hambeta ndzi va na wena.” 24  Hi ku hatlisa loko Muxe a hete ku tsala marito ya nawu lowu ebukwini ku fikela loko ma helerile,+ 25  Muxe a lerisa Valevhi, lava va rhwalaka areka ya ntwanano+ wa Yehovha, a ku: 26  “Loko mi teka buku leyi ya nawu,+ mi fanele mi yi veka etlhelo ka areka+ ya ntwanano wa Yehovha Xikwembu xa n’wina, yi fanele yi va mbhoni ehenhla ka n’wina.+ 27  Hikuva mina—ndzi ku tiva kahle ku xandzuka ka n’wina+ ni ku sihalala ka nhamu ya n’wina.+ Loko mi tikhome hi mukhuva wa mahanyelo ya ku xandzuka eka Yehovha+ ndza ha hanya na n’wina namuntlha, swi ta va swikulu swinene endzhaku ka rifu ra mina! 28  Ndzi hlengeleteleni vakulukumba va tinyimba ta n’wina ni valanguteri va n’wina,+ ndzi va byela marito lawa va yingisile, naswona ndzi teka matilo ni misava swi va timbhoni ehenhla ka vona.+ 29  Hikuva ndzi swi tiva kahle leswaku endzhaku ka rifu ra mina mi ta endla hi ndlela leyi onhakeke hakunene,+ mi ta hambuka endleleni leyi ndzi mi leriseke yona; kutani khombo+ ri ta boheka ku mi wela eku heleni ka masiku, hikuva mi ta endla swo biha ematihlweni ya Yehovha ku ri ku n’wi hlundzukisa hi mintirho ya mavoko ya n’wina.”+ 30  Muxe a ya emahlweni a vulavula marito ya risimu leri ku ya fika eku heleni ka rona, nhlengeletano hinkwayo ya Israyele yi yingisile:+

Tinhlamuselo ta le hansi