Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 25:1-19

25  “Loko ko tshuka ku pfuka mholovo exikarhi ka vanhu,+ kutani va humelela leswaku va ta avanyisiwa,+ va fanele va va avanyisa, va vula leswaku la lulameke u lulamile nileswaku la hombolokeke u hombolokile.+  Kutani loko la hombolokeke a faneriwa hi ku biwa,+ muavanyisi u fanele a n’wi pavalarisa a n’wi ba hi minkhavi+ ya nhlayo leyi fambisanaka ni xiendlo xakwe xo homboloka.  A nga n’wi ba hi minkhavi ya 40. A nga engeteli nchumu, hikuva a nga hambeta a n’wi ba hi minkhavi yo tala ku engetela eka leyi,+ entiyisweni makwenu a tsongahateka ematihlweni ya wena.  “U nga tshuki u siva nomu wa nkunzi loko yi hula ntshovelo.+  “Loko vamakwavo vo tshuka va tshama swin’we kutani un’wana wa vona a fa a nga ri na n’wana, nsati wa loyi a feke a nga tshuki a va wa wanuna wa le handle la nga tiviwiki. Makwavo wa nuna wakwe u ta ya eka yena a n’wi teka a va nsati wakwe, a teka nsati wa makwavo.+  N’wana wa mativula la nga ta n’wi tswala, u ta thyiwa vito ra makwavo+ la feke, leswaku vito rakwe ri nga herisiwi eIsrayele.+  “Kutani loko wanuna loyi a nga swi tsakeli ku teka noni ya makwavo, noni ya makwavo yi fanele yi tlhandlukela enyangweni, eka vakulukumba,+ yi ku, ‘Makwavo wa nuna wa mina u arile ku hlayisa vito ra makwavo eIsrayele. A nga pfumelanga ku ndzi teka tanihi leswi a ndzi ri nsati wa makwavo.’  Vakulukumba va muti wa ka vona va fanele va n’wi vitana va vulavula na yena, yena u fanele a yima a ku, ‘A ndzi swi tsakelanga ku n’wi teka.’+  Kutani noni ya makwavo yi fanele yi n’wi tshinelela emahlweni ka mahlo ya vakulukumba, yi n’wi hluvula phaxani ra nenge+ wakwe, yi n’wi tshwutela exikandzeni+ yi hlamula yi ku, ‘Ku ta endliwa tano eka wanuna la nga ta ka a nga wu aki ndyangu wa makwavo.’+ 10  Kutani eIsrayele vito rakwe u ta vitaniwa ‘Yindlu ya loyi a hluvuriweke phaxani.’ 11  “Loko vavanuna vo tshuka va lwa, kutani nsati wa un’wana a tshinela ku ta kutsula nuna wakwe evokweni ra loyi a n’wi baka, a tshambuluta voko a n’wi khoma hi swirho swakwe swa le xihundleni,+ 12  u fanele u n’wi tsema voko. Tihlo ra wena ri nga vi na nsovo.+ 13  “U nga tshuki u va ni swipimo+ swa mixaka yimbirhi leswi hambaneke enkwameni wa wena, lexikulu ni lexitsongo. 14  U nga tshuki u va ni mixaka yimbirhi leyi hambaneke ya mimpimo ya tiefa+ endlwini ya wena, leyikulu ni leyitsongo. 15  U ta tshama u ri ni ntiko lowu kongomeke ni lowu lulameke. U ta tshama u ri ni mpimo wa efa lowu kongomeke ni lowu lulameke, leswaku masiku ya wena ma leha emisaveni leyi Yehovha Xikwembu xa wena a ku nyikaka yona.+ 16  Hikuva un’wana ni un’wana la endlaka swilo leswi, un’wana ni un’wana la endlaka hi ku kala vululami, i nchumu lowu nyenyetsaka eka Yehovha Xikwembu xa wena.+ 17  “Mi ta tsundzuka leswi Amaleke a mi endleke swona endleleni loko mi huma aEgipta,+ 18  ndlela leyi a hlanganeke na n’wina ha yona endleleni, a hlasela hinkwavo lava a va pepetsekile endzhaku ka n’wina, kasi a mi hele matimba naswona mi karhele; a nga xi chavanga Xikwembu.+ 19  Kutaku loko Yehovha Xikwembu xa wena a ku wisisile eka valala va wena hinkwavo lava va ku rhendzeleke etikweni leri Yehovha Xikwembu xa wena a ku nyikaka rona ri va ndzhaka,+ leswaku u ri teka, u ta endla leswaku ku nga ha tshuki ku vulavuriwa hi Amaleke ehansi ka matilo.+ U nga tshuki u rivala.

Tinhlamuselo ta le hansi