Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 24:1-22

24  “Loko wanuna o tshuka a teka wansati a n’wi endla nsati wakwe, kutaku loko a nga ha n’wi tsakeli ematihlweni yakwe hikwalaho ka leswi a kumeke nchumu wo karhi lowu nga tengangiki eka yena,+ u fanele a n’wi tsalela papila ra ku dlaya vukati,+ a n’wi khomisa rona evokweni rakwe, a n’wi hlongola endlwini+ yakwe.  Yena u fanele a huma endlwini yakwe a famba a ya tekiwa hi nuna+ un’wana.  Loko nuna lowo hetelela o n’wi venga naswona a n’wi tsalele papila ra ku n’wi tshika, a ri veke evokweni rakwe naswona a n’wi hlongorile endlwini yakwe, kumbe loko nuna lowo hetelela la n’wi tekeke a va nsati wakwe o fa,  n’wini wakwe wo sungula, loyi a n’wi hlongoleke a nge pfumeleriwi ku tlhela a n’wi teka a va nsati wakwe endzhaku ka loko a nyamisiwile;+ hikuva wolowo i nchumu lowu nyenyetsaka emahlweni ka Yehovha, kutani u nga tshuki u dyohisa tiko leri Yehovha Xikwembu xa wena a ku nyikaka rona ri va ndzhaka.  “Loko wanuna a ha ku teka nsati,+  a nga fanelanga a ya enyimpini kumbe a sindzisiwa ku endla nchumu wun’wana ni wun’wana. U fanele a tshama a ntshunxekile endlwini yakwe ku ringana lembe rin’we, naswona u fanele a tsakisa+ nsati wakwe loyi a n’wi tekeke.  “A nga kona la faneleke a teka ribye ro sila kumbe xisilo xa rona, xi va xitiyisekiso xa nandzu,+ hikuva lexi a xi tekeke xi va xitiyisekiso xa nandzu i moya-xiviri.  “Loko munhu o tshuka a kumeka a tlhakisa+ moya-xiviri wa vamakwavo va vana va Israyele, a wu khome hi tihanyi naswona a wu xavisile,+ mutlhakisi yoloye u fanele a fa. U fanele u susa swo biha exikarhi ka n’wina.+  “Tivoneleni eka vuvabyi bya nhlokonho,+ leswaku mi tikhathalela naswona mi endla hi ku landza hinkwaswo leswi vaprista, ku nga Valevhi va nga ta mi letela swona.+ Mi fanele mi xiya+ ku endla hilaha ndzi va leriseke hakona.  Mi fanele mi tsundzuka leswi Yehovha Xikwembu xa n’wina a swi endleke eka Meriyamu endleleni loko mi huma aEgipta.+ 10  “Loko wo tshuka u lomba munhu-kuloni hi xikweleti xa muxaka wun’wana ni wun’wana,+ u nga tshuki u nghena endlwini yakwe leswaku u n’wi tekela lexi a endleke xitiyisekiso xa nandzu+ ha xona. 11  U fanele u yima ehandle, kutani munhu loyi a ku kweletaka u ta ku tisela xitiyisekiso xa nandzu. 12  Loko munhu yoloye a karhateka, u nga tshuki u ya eku etleleni ni xitiyisekiso xakwe xa nandzu.+ 13  Hakunene u fanele u n’wi tlherisela xitiyisekiso xa nandzu hi ku hatlisa loko dyambu ri pela,+ u fanele a etlela hi nguvu yakwe,+ u fanele a ku katekisa;+ kutani swi ta vula ku lulama eka wena emahlweni ka Yehovha Xikwembu xa wena.+ 14  “U nga tshuki u dyelela mutirhi la thoriweke loyi a karhatekaka, loyi a nga xisiwana, hambi i wa vamakwenu kumbe wa valuveri lava nga etikweni ra wena, endzeni ka tinyangwa+ ta wena. 15  U ta n’wi nyika tihakelo+ takwe hi siku rakwe, ti nga tshuki ti peleriwa hi dyambu, hikuva wa karhateka naswona u tlakusele moya-xiviri wakwe etihakelweni takwe; leswaku a nga rili ha wena eka Yehovha,+ kutani swi ta va xidyoho eka wena.+ 16  “Vatatana va nga tshuki va dlayiwa hikwalaho ka vana, naswona vana va nga tshuki va dlayiwa hikwalaho ka vatatana.+ Un’wana ni un’wana u ta dlayiwa hikwalaho ka xidyoho+ xakwe. 17  “U nga tshuki u soholota vuavanyisi bya muluveri+ kumbe bya n’wana la nga riki na tatana,+ naswona u nga tshuki u teka nguvu ya noni yi va xitiyisekiso xa nandzu.+ 18  U fanele u tsundzuka leswaku a wu ri hlonga aEgipta kutani Yehovha Xikwembu xa wena a ku kutsula u huma kona.+ Hi yona mhaka leyi ndzi ku lerisaka leswaku u endla nchumu lowu. 19  “Loko wo tshuka u tshovela ntshovelo wa wena ensin’wini,+ ivi u rivala nyandza ensin’wini, u nga tshuki u tlhela u ya yi teka. Yi ta salela muluveri, n’wana la nga riki na tatana ni noni;+ leswaku Yehovha Xikwembu xa wena a ku katekisa exiendlweni xin’wana ni xin’wana xa voko+ ra wena. 20  “Loko wo tshuka u hlakahla murhi wa wena wa mutlhwari, u nga tshuki u kambisisa marhavi ya wona loko u hetile. Ma ta salela muluveri, n’wana la nga riki na tatana ni noni.+ 21  “Loko wo tshuka u hlengeleta madiriva ya nsimu ya wena ya vhinya, u nga tshuki u hlengeleta leswi salaka loko u heta. Swi ta salela muluveri, n’wana la nga riki na tatana ni noni. 22  U fanele u tsundzuka leswaku u ve hlonga etikweni ra Egipta.+ Hi yona mhaka leyi ndzi ku lerisaka leswaku u endla nchumu lowu.+

Tinhlamuselo ta le hansi