Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 23:1-25

23  “A ku na wanuna la tsheniweke+ hi ku fayiwa marhanga ya vununa+ kumbe hi ku tsemiwa xirho xa vununa la nga nghenaka enhlengeletanweni ya Yehovha.  “A ku na n’wana la tswaleriweke+ ehandle la nga nghenaka enhlengeletanweni ya Yehovha. Hambi ku ri exitukulwaneni xa vukhume, ku hava ni un’we wa ka vona la nga nghenaka evandlheni ra Yehovha.  “A ku na Muamone kumbe Mumowabu la nga nghenaka enhlengeletanweni ya Yehovha.+ Hambi ku ri exitukulwaneni xa vukhume, ku hava ni un’we eka vona la nga nghenaka evandlheni ra Yehovha, hilaha ku nga riki na makumu,  hikwalaho ka leswi va nga mi pfunangiki+ hi xinkwa ni mati endleleni loko mi huma aEgipta,+ hikuva va thole Balama n’wana wa Beyori, a suka ePetoro wa Mesopotamiya leswaku a mi rhuketela.+  Yehovha Xikwembu xa wena a nga swi lavanga ku yingisa Balama;+ kambe Yehovha Xikwembu xa wena u hundzule ndzhukano wu va nkateko+ hikwalaho ka wena, hikuva Yehovha Xikwembu xa wena wa ku rhandza.+  U nga tshuki u endla leswaku va va ni ku rhula nileswaku va humelela emasikwini hinkwawo ya wena, hilaha ku nga riki na makumu.+  “U nga tshuki u nyenya Muedomu, hikuva i makwenu.+ “U nga tshuki u nyenya Muegipta, hikuva wena u ve muluveri etikweni+ rakwe.  Vana lava va nga velekeriwaka vona va ri xitukulwana xa vunharhu, va nga nghena enhlengeletanweni ya Yehovha.  “Loko wo tshuka u huma enxaxeni u ya lwa ni valala va wena, u fanele u tlhela u tihlayisa eka nchumu wun’wana ni wun’wana wo biha.+ 10  Loko ko tshuka ku va ni munhu la tshamaka a nga tenganga hikwalaho ka thyaka leri vaka kona nivusiku,+ u fanele a ya ehandle ka nxaxa. A nga tshuki a nghena exikarhi ka nxaxa.+ 11  Loko ri sungula ku mphumela, u ta hlamba hi mati, kutani eku peleni ka dyambu a nga nghena exikarhi ka nxaxa.+ 12  U fanele u va ni ndhawu leyi tumbeleke leyi u yi tirhisaka ehandle ka nxaxa, u fanele u huma u ya eka yona. 13  U fanele u va ni mhingu swin’we ni switirhisiwa swa wena, leswi u swi tirhisaka, kutaku loko u ntlutlama ehandle, u fanele u tlhela u cela khele hi yona, u hundzuluka u funengeta thyaka+ ra wena. 14  Hikuva Yehovha Xikwembu xa wena u famba-famba endzeni ka nxaxa wa wena leswaku a ku kutsula+ ni ku nyiketa valala va wena eka wena;+ nxaxa wa wena wu fanele wu kwetsima+ leswaku a nga voni nchumu lowu nga tengangiki, kunene a ku fularhela a nga ha fambisani na wena.+ 15  “U nga tshuki u nyiketa hlonga eka n’wini wa rona loko ri balekela eka wena ri suka eka n’wini wa rona.+ 16  Ri ta hambeta ri tshama na wena, endhawini yihi ni yihi leyi ri nga yi hlawulaka eka wun’wana wa miti+ ya wena, kun’wana ni kun’wana laha ri ku rhandzaka. U nga tshuki u ri khoma hi tihanyi.+ 17  “Ku hava nhwanyana ni un’we wa Israyele la nga ta va nghwavava+ ya le tempeleni, naswona munhu un’wana ni un’wana wa vana va Israyele a nga tshuki a va nghwavava+ ya le tempeleni. 18  U nga tshuki u tisa hakelo+ ya wansati wa nghwavava kumbe nxavo wa mbyana+ endlwini ya Yehovha Xikwembu xa wena yi va ya xitshembiso xihi ni xihi lexi hlambanyiweke, hikuva havumbirhi bya swona i nchumu lowu nyenyetsaka eka Yehovha Xikwembu xa wena. 19  “U nga tshuki u hakerisa makwenu ntswalo,+ ntswalo wa mali, ntswalo wa swakudya,+ ntswalo wa nchumu wun’wana ni wun’wana lowu munhu a nga hakerisaka ntswalo eka wona. 20  Munhu wumbe+ u nga ha n’wi hakerisa ntswalo, kambe makwenu u nga tshuki u n’wi hakerisa ntswalo;+ leswaku Yehovha Xikwembu xa wena a ku katekisa entirhweni wun’wana ni wun’wana wa wena etikweni leri u yaka ku ya ri teka.+ 21  “Loko wo tshuka u endla xitshembiso lexi hlambanyiweke eka Yehovha+ Xikwembu xa wena, u nga hlweli ku xi hetisisa,+ hikuva Yehovha Xikwembu xa wena u ta xi lava hakunene eka wena, kunene ku ta va xidyoho eka wena.+ 22  Kambe loko wo tshika ku endla xitshembiso lexi hlambanyiweke, a ku nge vi xidyoho eka wena.+ 23  U fanele u hlayisa+ marito ya nomu wa wena, naswona u fanele u endla hilaha u endleke xitshembiso lexi hlambanyiweke hakona eka Yehovha Xikwembu xa wena, xi va gandzelo ra ku tirhandzela leri u ri vuleke hi nomu+ wa wena. 24  “Loko wo tshuka u ya ensin’wini ya vhinya ya munhu-kuloni, u fanele u dya madiriva lama ringaneke ku enerisa moya-xiviri wa wena ntsena, kambe u nga tshuki u chela man’wana exikutswini xa wena.+ 25  “Loko wo tshuka u nghena etinhlangeni ta mavele ya munhu-kuloni, u fanele u kha ntsena min’oko leyi wupfeke hi voko ra wena, kambe u nga tshuki u tsema tinhlanga ta mavele ta munhu-kuloni+ hi rihwevo.

Tinhlamuselo ta le hansi