Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 22:1-30

22  “Loko u vona nkunzi ya makwenu kumbe nyimpfu yakwe yi lahleka, u nga tshuki u swi tshika hi vomu.+ Hakunene u fanele u swi tlherisela eka makwenu.+  Loko makwenu a nga ri ekusuhi na wena naswona u nga n’wi tivi, u fanele u xi tisa ekaya ra wena, endzeni ka yindlu ya wena, xi ta tshama na wena kukondza makwenu a xi lava. Kutani u fanele u xi tlherisela eka yena.+  U ta endla sweswo hi mbhongolo yakwe, u ta endla sweswo ni hi nkhancu wakwe naswona u ta endla tano hi nchumu wun’wana ni wun’wana lowu lahlekeke wa makwenu, lowu wu n’wi lahlekeleke, lowu u wu kumaka. A wu nge pfumeleriwi ku wu tshika.  “Loko u vona mbhongolo ya makwenu kumbe nkunzi yakwe yi wa etlhelo ka gondzo, u nga tshuki u swi tshika hi vomu. Hakunene u fanele u n’wi pfuna a swi pfuxa.+  “Xiambalo xa wanuna la tiyeke emirini xi nga tshuki xi ambariwa hi wansati, kumbe hambi ku ri wanuna la tiyeke emirini a nga tshuki a ambala nkhancu wa wansati;+ hikuva munhu un’wana ni un’wana la endlaka swilo leswi i nchumu lowu nyenyetsaka eka Yehovha Xikwembu xa wena.  “Loko xisaka xa nyenyana xo tshuka xi va emahlweni ka wena endleleni, emurhini wun’wana ni wun’wana kumbe emisaveni, xi ri ni mavondlo+ kumbe mandza, kutani mana wa kona a fukamele mavondlo kumbe mandza, u nga tshuki u teka mana wa kona ni vana vakwe.+  Hakunene u fanele u fambisa mana wa kona, kambe u nga titekela vana; ku endlela leswaku swi ku fambela kahle, kunene u lehisa masiku+ ya wena.  “Loko wo tshuka u aka yindlu leyintshwa, u fanele u tlhela u endla guma elwangwini+ ra wena, leswaku u nga veki nandzu wa ngati ehenhla ka yindlu ya wena, hikuva munhu la waka a nga wa a ri ehenhla ka yona.  “U nga tshuki u byala mixaka yimbirhi ya timbewu+ ensin’wini ya wena ya vhinya, u chava leswaku ntshovelo hinkwawo wa timbewu leti u nga ti byalaka ni ntshovelo wa nsimu ya vhinya swi nga tekiwa swi yisiwa evukwetsimelweni. 10  “U nga tshuki u rima hi nkunzi leyi paniweke+ ni mbhongolo. 11  “U nga tshuki u ambala nchumu lowu pfanganiseke+ voya ni ntsembyana. 12  “U fanele u tiendlela makhaxa emakumu ya mune ya swiambalo leswi u tifunengetaka+ ha swona. 13  “Loko wanuna o tshuka a teka nsati kunene a tivana na yena ivi a n’wi venga,+ 14  kutani a n’wi hehle hi swiendlo swo biha naswona a tise vito+ ro biha ehenhla ka yena, a ku, ‘Loyi i wansati loyi ndzi n’wi tekeke, ndzi tshinele ekusuhi na yena, a ndzi byi kumanga vumbhoni bya vunhwana eka yena’;+ 15  tata wa nhwanyana ni mana wakwe va fanele va n’wi teka va humesa vumbhoni bya vunhwana bya nhwanyana loyi eka vakulukumba va muti enyangweni ya wona;+ 16  tata wa nhwanyana u fanele a byela vakulukumba a ku, ‘Wanuna loyi ndzi n’wi nyike n’wana wa mina a va nsati wa yena, kutani wa n’wi venga.+ 17  Sweswi u n’wi hehla hi swiendlo swo biha,+ u ri: “Ndzi kume leswaku n’wana wa wena a nga na vumbhoni bya vunhwana.”+ Kutani vumbhoni bya vunhwana bya n’wana wa mina hi lebyi.’ Va fanele va andlala nkhancu emahlweni ka vakulukumba va muti. 18  Kutani vakulukumba+ va muti va fanele va teka wanuna loyi va n’wi laya.+ 19  Va fanele va n’wi rihisa tixikele ta silivhere ta 100, va ti nyika tata wa nhwanyana, hikuva u tise vito ro biha ehenhla ka nhwana wa Israyele;+ naswona u ta hambeta a va nsati wakwe. A nge pfumeleriwi ku n’wi tshika masiku yakwe hinkwawo. 20  “Hambiswiritano, loko nchumu lowu wu ri ntiyiso, ku nga kumiwanga vumbhoni bya vunhwana eka nhwanyana+ loyi, 21  va fanele va humesela nhwanyana loyi enyangweni ya yindlu ya tata wakwe, vavanuna va muti wa ka vona va fanele va n’wi khandla hi maribye, u fanele a fa, hikuva u endle vuphukuphuku+ lebyi nyumisaka eIsrayele hi ku endla vunghwavava endlwini ya tata+ wakwe. Hikwalaho u fanele u susa swo biha exikarhi ka wena.+ 22  “Loko wanuna o tshuka a kumiwa a etlele ni wansati la nga ni n’wini,+ havambirhi va fanele va fa swin’we, wanuna la etleleke ni wansati swin’we ni wansati+ wa kona. Hikwalaho u fanele u susa swo biha eIsrayele.+ 23  “Loko ko tshuka ku va ni nhwana la tshembisiweke hi wanuna,+ kunene wanuna a n’wi kuma emutini a etlela na yena,+ 24  mi fanele mi va humesa havambirhi enyangweni ya muti wolowo mi va khandla hi maribye, va fanele va fa, nhwanyana u ta fela ku va a nga huwelelanga emutini, kutani wanuna u ta fela ku va a tsongahate nsati wa munhu-kulobye.+ Hikwalaho mi fanele mi susa swo biha exikarhi ka n’wina.+ 25  “Kambe, loko wanuna a kume nhwanyana loyi a tshembisiweke a ri enhoveni, kutani wanuna a n’wi khoma a etlela na yena, wanuna u fanele a fa a ri yexe, 26  nhwanyana yena u nga n’wi endli nchumu. Nhwanyana a nga na xidyoho lexi faneriwaka hi rifu, hikuva swi fana ni loko munhu a pfukela munhu-kulobye, kunene a n’wi dlaya hi vomu,+ a dlaya moya-xiviri, swi tano emhakeni leyi. 27  Hikuva u n’wi kume a ri enhoveni. Nhwanyana la tshembisiweke u huwelerile kambe a ku nga ri na munhu wa ku n’wi ponisa. 28  “Loko wanuna o tshuka a kuma nhwanyana, nhwana la nga si tshembisiwaka, kunene a n’wi khoma a etlela na yena+ kutani va kumiwa,+ 29  wanuna la etleleke na yena u fanele a nyika tata wa nhwanyana tixikele+ ta silivhere ta 50, yena u ta va nsati wakwe hikwalaho ka leswi a n’wi tsongahateke. A nge pfumeleriwi ku n’wi tshika masiku+ yakwe hinkwawo. 30  “A ku na wanuna la nga ta teka nsati wa tata wakwe, leswaku a nga fununguli nguvu ya tata+ wakwe.

Tinhlamuselo ta le hansi