Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 21:1-23

21  “Loko munhu o tshuka a kumiwa a dlayiwile emisaveni leyi Yehovha Xikwembu xa wena a ku nyikaka yona leswaku u yi teka, a wele enhoveni, kutani ku nga tiviwi leswaku u dlayiwe hi mani,+  vakulukumba va wena ni vaavanyisi+ va wena va fanele va huma va ya pima miti leyi rhendzeleke loyi a dlayiweke;  ku fanele ku va muti lowu nga ekusuhi ni loyi a dlayiweke. Vakulukumba va muti wolowo va fanele va teka xihon’wana entlhambini lexi nga si tirhisiwaka, lexi nga si tlhandlekiwaka joko;  kutani vakulukumba va muti wolowo va fanele va ngirimela ni xihon’wana enkoveni lowu khulukaka mati, lowu hi ntolovelo ku nga rimiwiki eka wona kumbe ku nga byariwiki timbewu, va fanele va tshova nhamu ya xihon’wana kwalaho enkoveni.+  “Kutani vaprista, ku nga vana va Levhi va fanele va tshinela, hikuva hi vona lava Yehovha Xikwembu xa wena a va hlawuleke leswaku va n’wi tirhela+ naswona va dzunisa+ hi vito ra Yehovha, ni lava nomu wa vona wu nga ta herisa+ mholovo yin’wana ni yin’wana ni xiendlo xin’wana ni xin’wana xa madzolonga.  Kutani vakulukumba hinkwavo va muti wolowo lava nga ekusuhi ni loyi a dlayiweke va ta hlambela mavoko+ ya vona ehenhla ka xihon’wana lexi nhamu ya xona yi nga tshoviwa enkoveni;  va ta hlamula va ku, ‘Mavoko ya hina a ma halatanga ngati leyi, hambi ku ri mahlo ya hina a ma yi vonanga loko yi halatiwa.+  Oho Yehovha, u nga wu hlayeli emilandzwini ya vanhu va wena, ku nga Israyele, lava u va kutsuleke,+ naswona u nga veki nandzu wa ngati+ leyi nga riki na nandzu exikarhi ka vanhu va wena, ku nga Israyele.’ Kutani nandzu wa ngati wu nga hlayeriwi emilandzwini ya vona.  Kutani wena—u ta susa nandzu wa ngati leyi nga riki na nandzu exikarhi ka wena,+ hikuva u ta endla leswi lulameke ematihlweni ya Yehovha.+ 10  “Loko wo tshuka u ya enyimpini u ya lwa ni valala va wena, naswona Yehovha Xikwembu xa wena a va nyikete evokweni+ ra wena, kutani u va endle va va makhumbi;+ 11  exikarhi ka lava va nga makhumbi u vone wansati wa xivumbeko xo saseka ivi u tihlanganisa na yena+ u n’wi teka leswaku a va nsati wa wena, 12  u fanele u n’wi tisa exikarhi ka yindlu ya wena. U fanele a byevula nhloko+ yakwe naswona a tsemeta min’wala yakwe, 13  a susa nkhancu wa vukhumbi byakwe eka yena naswona a tshama endlwini ya wena a rilela tata wakwe ni mana wakwe n’hweti hinkwayo ya ku rhendzeleka ka n’weti;+ endzhaku ka sweswo u ta tivana na yena, u fanele u n’wi teka a va mutekiwa wa wena, kutani u fanele a va nsati wa wena. 14  Kutaku loko u nga n’wi tsakeli, u fanele u n’wi tshika a famba+ hi ku rhandza ka moya-xiviri wakwe; kambe u nga tshuki u n’wi xavisa hi mali. U nga tshuki u n’wi khoma hi tihanyi+ endzhaku ka loko u n’wi tsongahatile. 15  “Loko wanuna o tshuka a va ni vasati vambirhi, un’wana a rhandziwa kasi un’wana a vengiwa, kutani loyi a rhandziwaka ni loyi a vengiwaka, va n’wi tswalele vana, n’wana wa mativula a va wa loyi a vengiwaka,+ 16  kutaku siku leri a nga ta nyika vana vakwe ndzhaka eka leswi a nga na swona, a nge pfumeleriwi leswaku a endla n’wana wa loyi a rhandziwaka a va mativula yakwe leswaku n’wana wa mativula+ wa loyi a vengiwaka, a lahlekeriwa. 17  Hikuva u fanele a teka n’wana wa loyi a vengiwaka ku ri yena wa mativula hi ku n’wi nyika swiphemu swimbirhi eka hinkwaswo leswi a kumiwaka a ri na swona,+ hikuva yoloye i masungulo ya matimba+ yakwe ya ku tswala. Mfanelo ya xikhundlha xa ku va mativula i ya yena.+ 18  “Loko munhu o tshuka a va ni n’wana wo sihalala ni la xandzukaka,+ yena a nga yingisi rito ra tata wakwe ni rito ra mana+ wakwe, va n’wi lulamisile kambe a nga va yingisi,+ 19  tata wakwe ni mana wakwe va fanele va n’wi khoma va n’wi humesela eka vakulukumba va muti wa ka vona ni le nyangweni ya ndhawu+ ya ka vona, 20  va fanele va byela vakulukumba va muti wa ka vona va ku, ‘N’wana loyi wa hina wa sihalala naswona wa xandzuka; a nga ri yingisi rito ra hina,+ u ni makolo+ naswona i xidakwa.’+ 21  Kutani vavanuna hinkwavo va muti wa ka vona va fanele va n’wi khandla hi maribye, u fanele a fa. Hikwalaho u fanele u susa swo biha exikarhi ka wena, tiko hinkwaro ra Israyele ri ta swi twa, kutani ri chava+ hakunene. 22  “Loko ko tshuka ku va ni munhu la nga ni xidyoho lexi faneriwaka hi xigwevo xa rifu, kutani u n’wi dlayile+ naswona u n’wi hayeke emhandzini,+ 23  ntsumbu wakwe wu nga tshuki wu tshama vusiku hinkwabyo emhandzini;+ kambe hakunene u fanele u n’wi lahla esikwini rero, hikuva loyi a hayekiweke+ u rhukaniwe hi Xikwembu; u nga tshuki u nyamisa misava ya wena leyi Yehovha Xikwembu xa wena a ku nyikaka yona leswaku yi va ndzhaka.+

Tinhlamuselo ta le hansi