Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 20:1-20

20  “Loko wo tshuka u ya enyimpini ku ya lwa ni valala va wena, kunene u vona tihanci ni makalichi ya nyimpi,+ vanhu lava teleke ku ku tlula, u nga tshuki u va chava; hikuva Yehovha Xikwembu xa wena u na wena,+ loyi a ku humeseke etikweni ra Egipta.+  Kutaku loko mi tshinele ekusuhi ni nyimpi, muprista u fanele a tshinela a vulavula ni vanhu.+  U fanele a va byela a ku, ‘Yingisani, N’wina Israyele, namuntlha mi tshinele ku ta lwa ni valala va n’wina. Mi nga tshuki mi pfumelela timbilu ta n’wina ti chava.+ Mi nga chavi kutani mi tsutsuma hikwalaho ka ku chava kumbe mi rhurhumela hikwalaho ka vona,+  hikuva Yehovha Xikwembu xa n’wina u famba na n’wina leswaku a mi lwela eka valala va n’wina, leswaku a mi ponisa.’+  “Valanguteri+ na vona va fanele va byela vanhu va ku, ‘I mani wanuna la akeke yindlu leyintshwa kambe a nga si yi khangulaka? A a tlhelele endlwini yakwe, hi ku chava leswaku a nga fela enyimpini, wanuna un’wana a yi khangula.+  I mani wanuna loyi a rimeke nsimu ya vhinya kambe a nga si yi tirhisaka? A a tlhelele endlwini yakwe, hi ku chava leswaku a nga fela enyimpini, wanuna un’wana a sungula ku yi tirhisa.+  I mani wanuna la tshembiseke wansati kambe a nga si n’wi tekaka? A a tlhelele endlwini+ yakwe, hi ku chava leswaku a nga fela enyimpini, wanuna un’wana a n’wi teka.’  Valanguteri va fanele va ya emahlweni va byela vanhu va ku, ‘I mani wanuna la chavaka ni la nga ni rhumbu?+ A a tlhelele endlwini yakwe leswaku a nga vangeli timbilu ta vamakwavo leswaku ti tshoveka ku fana ni mbilu+ yakwe.’  Kutaku loko valanguteri va hete ku vulavula ni vanhu, va fanele va tlhela va veka varhangeri va mavuthu emahlweni ka vanhu. 10  “Loko wo tshuka u tshinela ekusuhi ni muti ku ta lwa na wona, u fanele u tlhela u wu tivisa marito ya ku rhula.+ 11  Kutani loko wu hlamula hi ndlela ya ku rhula naswona wu ku pfulerile, vanhu hinkwavo lava kumekaka eka wona u fanele u va tirhisa ntirho wo sindzisiwa, va fanele va ku tirhela.+ 12  Kambe loko wu nga ku endli ku rhula na wena,+ kunene wu lwa nyimpi na wena kutani u boheka ku wu sivelela, 13  hakunene Yehovha Xikwembu xa wena u ta tlhela a wu nyikela evokweni ra wena, u fanele u dlaya waxinuna un’wana ni un’wana eka wona hi banga.+ 14  Ntsena vavasati ni vana+ ni swifuwo+ ni hinkwaswo leswi nga ta va emutini, leswi phangiweke swa wona hinkwaswo u ta tiphangela swona;+ u ta dya leswi phangiweke swa valala va wena, leswi Yehovha Xikwembu xa wena a ku nyikeke swona.+ 15  “Hi yona ndlela leyi u nga ta endla ha yona emitini hinkwayo leyi nga ekule swinene na wena, leyi nga riki miti ya matiko lawa. 16  Yehovha Xikwembu xa wena u ku nyika ntsena miti ya vanhu lava yi va ndzhaka leyi u nga fanelangiki u londzovota nchumu wun’wana ni wun’wana lowu hefemulaka wu hanya,+ 17  hikuva hakunene u fanele u yi nyikela endzovisweni, Vaheti, Vaamori, Vakanana, Vaperezi, Vahivhi ni Vayebusi,+ hilaha Yehovha Xikwembu xa wena a ku leriseke hakona; 18  ku endlela leswaku va nga mi dyondzisi ku endla hi ku landza swilo swa vona hinkwaswo leswi nyenyetsaka, leswi va swi endleleke swikwembu swa vona, hakunene mi dyohela Yehovha Xikwembu xa n’wina.+ 19  “Loko wo tshuka u sivelela muti masiku yo tala ku lwa na wona leswaku u wu teka, u nga tshuki u onha mirhi ya wona hi ku yi tsema hi xihloka; hikuva u ta dya eka yona, u nga tshuki u yi tsema,+ hikuva, xana murhi wa le nhoveni wo va munhu leswi u wu sivelelaka? 20  Ntsena murhi lowu u wu tivaka leswaku a hi murhi lowu dyiwaka, wona u nga wu onha, u fanele u wu tsema kutani u aka swisirhelelo+ ha wona leswi ku sirhelelaka eka muti lowu wu lwaka na wena, ku fikela loko wu wa.

Tinhlamuselo ta le hansi