Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 18:1-22

18  “A ku na xiavelo kumbe ndzhaka ya Israyele leyi nga ta va ya vaprista, ku nga Valevhi,+ nyimba hinkwayo ya Levhi. Va ta dya gandzelo ra Yehovha leri endliwaka hi ndzilo ni ndzhaka ya yena.+  Hikwalaho a ku na ndzhaka leyi nga ta va ya yena exikarhi ka vamakwavo. Yehovha i ndzhaka yakwe,+ hilaha a n’wi byeleke hakona.  “Kutani leswi swi fanele swi hambeta swi va mfanelo leyi faneleke ya vaprista, leyi humaka eka vanhu, eka lava va endlaka xitlhavelo, ku nga ha va nkunzi kumbe nyimpfu: Munhu u fanele a nyika muprista xiphanga ni tinhlaya ni khwiri.  U fanele u n’wi nyika swo sungula swa mavele ya wena,+ vhinyo ya wena leyintshwa, mafurha ya wena, swo sungula swa voya bya wena lebyi tsemetiweke bya ntlhambi wa wena.  Hikuva hi yena loyi Yehovha Xikwembu xa wena a n’wi hlawuleke eka tinyimba hinkwato ta wena leswaku a yima a tirhela evitweni ra Yehovha, yena ni vana vakwe nkarhi hinkwawo.+  “Loko Mulevhi o tshuka a huma emitini yin’wana ya wena ya tiko hinkwaro ra Israyele, laha a tshameke a tshama kona nkarhinyana,+ kutani a ta endhawini leyi Yehovha a nga yi hlawula,+ hikwalaho ka ku navela kun’wana ni kun’wana ka moya-xiviri wakwe,  u fanele a tirhela hi vito ra Yehovha Xikwembu xakwe ku fana ni vamakwavo hinkwavo, Valevhi lava va yimeke kwalaho emahlweni ka Yehovha.+  U fanele a dya xiavelo lexi ringanaka,+ handle ka swilo leswi a swi xavisaka swa swilo swa vakokwa wakwe.  “Loko u ta va u nghenile etikweni leri Yehovha Xikwembu xa wena a ku nyikaka rona, u nga tshuki u dyondza ku endla hi ku landza swilo leswi nyenyetsaka swa matiko wolawo.+ 10  Ku nga tshuki ku kumiwa eka wena munhu un’wana ni un’wana la hundzisaka n’wana wakwe wa jaha kumbe wa nhwanyana endzilweni,+ un’wana ni un’wana la hlahluvaka,+ la endlaka masalamusi+ kumbe un’wana ni un’wana la endlaka mihlolo+ kumbe noyi,+ 11  kumbe la loyaka+ van’wana kumbe un’wana ni un’wana la vutisaka mungoma+ kumbe muvhumbhi lonkulu wa swiendlakalo+ kumbe un’wana ni un’wana la vutisisaka lava feke.+ 12  Hikuva vanhu hinkwavo lava endlaka swilo leswi i nchumu lowu nyenyetsaka eka Yehovha, naswona hikwalaho ka swilo leswi nyenyetsaka, Yehovha Xikwembu xa wena wa ma hlongola emahlweni ka wena.+ 13  U fanele u tikombisa u pfumala xihoxo eka Yehovha Xikwembu xa wena.+ 14  “Hikuva matiko lawa u ma hlongolaka a ma hamba ma yingisa lava va endlaka masalamusi+ ni lava va vhumbhaka;+ kambe loko ku ri wena, Yehovha Xikwembu xa wena a nga ku nyikanga nchumu lowu fanaka ni leswi.+ 15  Yehovha Xikwembu xa wena u ta ku yimisela muprofeta a huma exikarhi ka wena, a huma eka vamakwenu, ku fana na mina—yena mi fanele mi n’wi yingisa+ 16  hi ku pfumelelana ni hinkwaswo leswi u swi kombeleke eka Yehovha Xikwembu xa wena eHorebe, hi siku ra nhlengeletano,+ u ku, ‘U nga tlheli u ndzi twisa rito ra Yehovha Xikwembu xanga, naswona u nga endli leswaku ndzi tlhela ndzi vona ndzilo lowu lowukulu, leswaku ndzi nga fi.’+ 17  Hiloko Yehovha a ndzi byela a ku, ‘Va endle kahle hi ku vulavula leswi va swi vuleke.+ 18  Ndzi ta va yimisela muprofeta a huma exikarhi ka vamakwavo, ku fana na wena;+ hakunene ndzi ta veka marito ya mina enon’wini wakwe,+ kunene u ta va byela hinkwaswo leswi ndzi nga ta n’wi lerisa swona.+ 19  Kutani munhu la nga ta ka a nga yingisi marito ya mina lawa a nga ta ma vulavula hi vito ra mina, ndzi ta lava leswaku a ndzi hlamusela.+ 20  “‘Hambiswiritano, muprofeta la tiyaka nhlana ku vulavula hi vito ra mina rito leri ndzi nga n’wi lerisangiki leswaku a ri vula,+ kumbe loyi a vulavulaka hi vito ra mina eka swikwembu swin’wana,+ muprofeta yoloye u fanele a fa.+ 21  Loko wo tshuka u vula embilwini ya wena u ku: “Xana hi ta ri tivisa ku yini rito leri Yehovha a nga ri vulangiki?”+ 22  loko muprofeta a vulavula hi vito ra Yehovha kutani rito ra kona ri nga humeleli kumbe ri nga hetiseki, rero i rito leri Yehovha a nga ri vulangiki. Muprofeta yoleyo u ri vule hi ku tikukumuxa.+ U nga n’wi chavi.’+

Tinhlamuselo ta le hansi