Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 17:1-20

17  “U nga tshuki u endlela Yehovha Xikwembu xa wena xitlhavelo hi nkunzi kumbe hi nyimpfu leyi lamaleke, nchumu wun’wana ni wun’wana wo biha; hikuva i nchumu lowu nyenyetsaka eka Yehovha Xikwembu xa wena.+  “Loko ko tshuka ku kumeka exikarhi ka n’wina, eka wun’wana wa miti leyi Yehovha Xikwembu xa wena a ku nyikaka yona, wanuna kumbe wansati la endlaka swo biha ematihlweni ya Yehovha Xikwembu xa wena lerova a tlula ntwanano wakwe,+  kutani a famba a ya gandzela swikwembu swin’wana naswona a swi nkhinsamela kumbe a nkhinsamela dyambu kumbe n’weti kumbe vuthu hinkwaro ra le matilweni,+ nchumu lowu ndzi nga wu lerisangiki,+  kutani u byeriwile ha swona, u swi twile naswona u swi lavisisile swinene, kutani waswivo, nchumu lowu wu tiyisiwa leswaku i ntiyiso,+ leswaku nchumu lowu wu nyenyetsaka wu endliwile eIsrayele,  u fanele u n’wi humesela ehandle ka tinyangwa ta wena, wanuna loyi kumbe wansati loyi a endleke nchumu lowu wo biha, ina, wanuna kumbe wansati, u fanele u khandla munhu yoloye hi maribye, munhu yoloye u fanele a fa.+  Loyi a faka u fanele a dlayiwa hi nomu wa timbhoni timbirhi kumbe timbhoni+ tinharhu. A nge dlayiwi hi nomu wa mbhoni+ yin’we.  Voko ra timbhoni ri fanele ri va ro sungula ku n’wi dlaya, endzhaku ka sweswo ku landzela+ voko ra vanhu hinkwavo; u fanele u susa swo biha exikarhi ka wena.+  “Loko mhaka ya xiboho xa vuavanyisi yo tshuka yi va leyi nga tolovelekangiki eka wena,+ leyi khumbaka ku halatiwa+ ka ngati, leyi vangeke xirilo+ kumbe ku endliweke xiendlo xa madzolonga, timhaka ta mholovo+ endzeni ka tinyangwa ta wena, u fanele u pfuka u tlhandlukela endhawini leyi Yehovha Xikwembu xa wena a nga ta yi hlawula,+  u fanele u ya eka vaprista,+ ku nga Valevhi, ni le ka muavanyisi+ loyi a nga ta va a ri kona emasikwini wolawo, u fanele u vutisa, va fanele va ku byela rito ra xiboho xa vuavanyisi.+ 10  Kutani u fanele u endla hi ku pfumelelana ni rito leri va nga ta ku byela rona ri huma endhawini leyi Yehovha a nga ta yi hlawula; u fanele u xiya ku endla hi ku landza hinkwaswo leswi va nga ta ku letela swona. 11  U ta endla hi ku pfumelelana ni nawu lowu va nga ta ku boxela wona, ni hi ku landza xiboho xa vuavanyisi lexi va nga ta ku byela xona.+ U nga tshuki u hambukela exineneni kumbe eximatsini+ eritweni leri va nga ta ku byela rona. 12  Kutani munhu la nga ta tikukumuxa hi ku nga yingisi muprista la yimeke kwalaho leswaku a tirhela Yehovha Xikwembu xa wena kumbe hi ku nga yingisi muavanyisi,+ munhu yoloye u fanele a fa;+ u fanele u susa swo biha hinkwaswo eIsrayele.+ 13  Vanhu hinkwavo va ta swi twa kutani va chava,+ va nge he tlheli va tikukumuxa. 14  “Loko u hetelela u fika etikweni leri Yehovha Xikwembu xa wena a ku nyikaka rona, naswona u ri tekile, u tshama eka rona,+ kutani u te, ‘Inge ndzi tivekela hosi ehenhla ka mina ku fana ni matiko hinkwawo lawa ma ndzi rhendzeleke’;+ 15  hakunene u fanele u tivekela hosi leyi Yehovha Xikwembu xa wena a nga ta ku hlawulela yona.+ U fanele u veka ehenhla ka wena hosi leyi humaka exikarhi ka vamakwenu. A wu nge pfumeleriwi ku veka ehenhla ka wena munhu wumbe la nga riki makwenu. 16  Ntsena a nga fanelanga a tiengetelela+ tihanci kumbe a endla leswaku vanhu va tlhelela aEgipta ku endlela leswaku a engetela tihanci;+ kasi Yehovha u mi byerile a ku, ‘Mi nga pfuki mi tlhela hi ndlela leyi.’ 17  Nakambe a nga tiandziseli vavasati, leswaku mbilu yakwe yi nga hambuki;+ kumbe a tiengetelela swinene silivhere ni nsuku.+ 18  Kutaku loko a tshama exiluvelweni xa mfumo wakwe, yena u fanele a titsalela buku, kopi ya nawu eka lowu wu languteriwaka hi vaprista, ku nga Valevhi.+ 19  “Yi fanele yi tshama na yena, naswona u fanele a yi hlaya masiku hinkwawo ya vutomi byakwe,+ ku endlela leswaku a dyondza ku chava Yehovha Xikwembu xakwe, leswaku a hlayisa marito hinkwawo ya nawu lowu ni swileriso leswi, a swi endla;+ 20  leswaku mbilu yakwe yi nga titlakuseli ehenhla ka vamakwavo+ nileswaku a nga hambuki exilerisweni a ya exineneni kumbe eximatsini,+ ku endlela leswaku a lehisa masiku yakwe emfun’weni wakwe,+ yena ni vana vakwe exikarhi ka Israyele.

Tinhlamuselo ta le hansi