Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 16:1-22

16  “A ku hlayisiwe n’hweti ya Abibi,+ naswona u fanele u tlangela paseka eka Yehovha Xikwembu xa wena,+ hikuva hi n’hweti ya Abibi Yehovha Xikwembu xa wena u ku humese aEgipta nivusiku.+  U fanele u endlela Yehovha Xikwembu+ xa wena xitlhavelo xa paseka entlhambini wa tinyimpfu ni le ntlhambini wa tihomu,+ endhawini leyi Yehovha a nga ta yi hlawulela vito rakwe leswaku ri tshama kona.+  U nga tshuki u dya nchumu lowu nga ni comela swin’we na xona ku ringana masiku ya nkombo.+ U ta xi dya swin’we ni swinkwa leswo-ke-comela, xinkwa xa ku xaniseka, hikuva u hume etikweni ra Egipta+ hi ku hatlisa, leswaku u tsundzuka siku ra ku huma ka wena etikweni ra Egipta emasikwini hinkwawo ya vutomi+ bya wena.  U nga tshuki u voniwa u ri ni mbila leyi vileke endhawini ya wena hinkwayo ku ringana masiku ya nkombo,+ naswona nyama yin’wana ni yin’wana leyi u nga ta yi endla xitlhavelo emadyambyini ya siku ro sungula yi nga tshuki yi heta vusiku hinkwabyo ku fikela nimixo.+  A wu nge pfumeleriwi ku endla xitlhavelo xa paseka ni le ka wun’we wa miti leyi Yehovha Xikwembu xa wena a ku nyikaka yona.  Kambe endhawini leyi Yehovha Xikwembu xa wena a yi hlawuleke leswaku vito rakwe ri tshama kona,+ u ta endla xitlhavelo xa paseka nimadyambu hi ku hatlisa loko dyambu ri pela,+ hi nkarhi lowu vekiweke wa ku huma ka wena aEgipta.  U ta sweka u tlhela u dyela+ endhawini leyi Yehovha Xikwembu xa wena a nga ta yi hlawula,+ kutani nimixo, u fanele u hundzuluka u ya emintsongeni ya wena.  U ta dya swinkwa leswo-ke-comela ku ringana masiku ya tsevu; kutani hi siku ra vunkombo ku ta va ni nhlengeletano yo xiximeka eka Yehovha Xikwembu xa wena.+ U nga tshuki u endla ntirho.  “U ta tihlayela mavhiki ya nkombo. U ta sungula ku hlaya mavhiki+ ya nkombo loko rihwevo ri sungula ku tsema mahlanga ya mavele. 10  Kutani u fanele u tlangela nkhuvo wa mavhiki eka Yehovha Xikwembu xa wena,+ hi ku landza gandzelo ra ku tirhandzela ra voko ra wena leri u nga ta ri nyikela, hilaha Yehovha Xikwembu xa wena a nga ta ku katekisa hakona.+ 11  U fanele u tsaka emahlweni ka Yehovha Xikwembu xa wena,+ wena ni n’wana wa wena wa jaha ni wa nhwanyana ni hlonga ra wena ra xinuna ni ra xisati ni Mulevhi la nga endzeni ka tinyangwa ta wena, ni muluveri+ ni n’wana+ la nga riki na tatana ni noni,+ lava nga exikarhi ka n’wina, endhawini leyi Yehovha Xikwembu xa wena a nga ta yi hlawulela vito rakwe leswaku ri tshama kona.+ 12  U fanele u tsundzuka leswaku u ve hlonga aEgipta,+ kutani u fanele u hlayisa naswona u hetisisa swileriso leswi.+ 13  “U ta tlangela nkhuvo wa mintsonga+ ku ringana masiku ya nkombo loko u hlengeleta leswi humaka exivuyeni xa wena ni le xikamelweni xa mafurha ni xa vhinyo. 14  U fanele u tsaka hi nkarhi wa nkhuvo+ wa wena, wena ni n’wana wa wena wa jaha ni wa nhwanyana, ni hlonga ra wena ra xinuna ni ra xisati ni Mulevhi ni muluveri ni n’wana la nga riki na tatana ni noni, lava va nga endzeni ka tinyangwa ta wena. 15  U ta tlangela nkhuvo+ eka Yehovha Xikwembu xa wena ku ringana masiku ya nkombo, endhawini leyi Yehovha a nga ta yi hlawula, hikuva Yehovha Xikwembu xa wena u ta ku katekisa+ entshovelweni wa wena hinkwawo ni le ntirhweni wun’wana ni wun’wana wa voko ra wena, u fanele u tsaka+ hilaha ku heleleke. 16  “Kanharhu hi lembe vaxinuna hinkwavo va wena va fanele va humelela emahlweni ka Yehovha Xikwembu xa wena endhawini leyi a nga ta yi hlawula:+ enkhubyeni wa swinkwa leswo-ke-comela+ ni le nkhubyeni wa mavhiki+ ni le nkhubyeni wa mintsonga,+ a nga kona la nga ta humelela emahlweni ka Yehovha a nga khomanga nchumu.+ 17  Nyiko ya voko ra un’wana ni un’wana yi fanele yi ringana ni nkateko lowu Yehovha Xikwembu xa wena a ku nyikeke wona.+ 18  “U ta tivekela vaavanyisi+ ni valanguteri+ endzeni ka tinyangwa ta wena hinkwato leti Yehovha Xikwembu xa wena a ku nyikaka tona hi tinyimba ta wena, va fanele va avanyisa vanhu hi ku avanyisa ko lulama. 19  U nga tshuki u soholota vuavanyisi.+ U nga tshuki u va ni xihlawuhlawu+ kumbe u amukela xifumbarheriso, hikuva xifumbarheriso xi dlaya mahlo ya lavo tlhariha,+ naswona xi soholota marito ya lavo lulama. 20  Vululami—vululami u fanele u byi lava,+ leswaku u ta ya emahlweni u hanya, hakunene u teka tiko leri Yehovha Xikwembu xa wena a ku nyikaka rona.+ 21  “U nga tshuki u tibyalela murhi wa muxaka wihi ni wihi wu va mhandzi yo kwetsima ekusuhi ni alitari ya Yehovha Xikwembu, leyi u nga ta tiendlela yona.+ 22  “Naswona u nga tshuki u tiyimisela nsika yo kwetsima,+ nchumu lowu Yehovha Xikwembu xa wena a wu vengaka hakunene.+

Tinhlamuselo ta le hansi