Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 14:1-29

14  “N’wina mi vana va Yehovha Xikwembu xa n’wina.+ Mi nga tshuki mi tixeka+ kumbe mi va ni mpandla+ emimombyeni ya n’wina hikwalaho ka munhu la feke.  Hikuva mi vanhu+ vo kwetsima eka Yehovha Xikwembu xa n’wina, naswona Yehovha u mi hlawurile leswaku mi va vanhu vakwe, ndzhaka+ yakwe yo hlawuleka, exikarhi ka vanhu hinkwavo lava nga evuandlalweni bya misava.  “Mi nga tshuki mi dya nchumu lowu nyenyetsaka wa muxaka wun’wana ni wun’wana.+  Swiharhi leswi mi nga swi dyaka+ hi leswi: nkunzi, nyimpfu ni mbuti,  mbavala, mhala, nhlangu,+ mhunti, nhongo, nyimpfu ya le nhoveni, khemoyisi;  ni xiharhi xin’wana ni xin’wana lexi avaneke sondzo hi le xikarhi xi ri ni mukhandlu emasondzweni, xi dya xi tlhela xi gayela exikarhi ka swiharhi.+ Xona mi nga xi dya.  Ntsena muxaka lowu, mi nga tshuki mi wu dya eka leswi swi dyaka swi tlhela swi gayela kumbe leswi avaneke sondzo: kamela,+ mpfundla+ ni mbila,+ hikuva swi dya swi tlhela swi gayela kambe sondzo ra swona a ri avananga. A swi tenganga eka n’wina.  Ni nguluve,+ hikuva sondzo ra yona ri avanile kambe a yi gayeli. A yi tenganga eka n’wina. Mi nga tshuki mi dya nyama ya swona naswona mi nga tshuki mi khumba+ mintsumbu ya swona.  “Muxaka lowu mi nga wu dyaka eka hinkwaswo leswi nga ematini: Mi nga dya+ hinkwaswo leswi nga ni swipapila ni mahakatimba. 10  Kutani hinkwaswo leswi nga riki na swipapila ni mahakatimba mi nga tshuki mi swi dya.+ A swi tenganga eka n’wina. 11  “Nyenyana yin’wana ni yin’wana leyi tengeke mi nga yi dya. 12  Kambe leti mi nga fanelangiki mi ti dya hi leti: gama, n’hwati, kotimpfumu,+ 13  mangatlu wo tshwuka, mangatlu wa ntima+ ni ximhungu hi ku ya hi muxaka wa xona;  14  ni wukuwuku+ rin’wana ni rin’wana hi ku ya hi muxaka wa rona; 15  ni yinca,+ xikhovha, sekwa ra le nhoveni ni rikhozi hi ku ya hi muxaka wa rona; 16  xikhovha lexitsongo, xikhovha+ xa tindleve to leha, sekwa lerikulu, 17  gumba+, koti, ngulukwani, 18  ntavila, rikolwa hi ku ya hi muxaka wa rona, marimamahlanga ni mangadyana.+ 19  Kutani swivumbiwa hinkwaswo leswi nga ni timpapa swa leswi swi fambaka swi tele a swi tenganga eka n’wina.+ Swi nga tshuki swi dyiwa. 20  Xivumbiwa xin’wana ni xin’wana lexi tengeke, lexi hahaka mi nga xi dya. 21  “Mi nga tshuki mi dya ntsumbu+ wun’wana ni wun’wana. Mi nga wu nyika muluveri la nga endzeni ka tinyangwa ta n’wina, yena u ta wu dya; kumbe wu nga xaviseriwa munhu wumbe, hikuva n’wina mi vanhu vo kwetsima eka Yehovha Xikwembu xa n’wina. “Mi nga tshuki mi sweka ximbutana entswambeni+ wa mana wa xona. 22  “Hakunene u fanele u nyikela vukhume bya ntshovelo hinkwawo wa mbewu ya wena, lowu humaka ensin’wini, lembe ni lembe.+ 23  Kutani u fanele u dyela xiphemu xa vukhume xa mavele+ ya wena emahlweni ka Yehovha Xikwembu xa wena, endhawini leyi a nga ta yi hlawula leswaku vito rakwe ri tshama kona, vhinyo ya wena leyintshwa, mafurha ya wena, mativula ya ntlhambi wa wena wa tihomu ni ya ntlhambi wa wena wa tinyimpfu;+ ku endlela leswaku u dyondza ku chava Yehovha Xikwembu xa wena nkarhi hinkwawo.+ 24  “Kutani loko riendzo ro tshuka ri leha swinene eka wena,+ hikuva a wu nge swi koti ku swi rhwala, tanihi leswi ndhawu leyi Yehovha Xikwembu xa wena a nga ta yi hlawulela ku veka vito rakwe,+ yi ta va yi ri ekule na wena, (hikuva Yehovha Xikwembu xa wena u ta ku katekisa,)+ 25  kutani u fanele u swi cinca swi va mali, naswona u fanele u tsondzela mali evokweni ra wena ivi u ya endhawini leyi Yehovha Xikwembu xa wena a nga ta yi hlawula. 26  U fanele u humesa mali eka xin’wana ni xin’wana lexi moya-xiviri wa wena wu xi navelaka,+ ku nga ha va eka tihomu, tinyimpfu, timbuti, vhinyo, swakunwa leswi pyopyaka+ ni xin’wana ni xin’wana lexi moya-xiviri wa wena wu nga xi lavaka eka wena; u fanele u xi dyela kwalaho emahlweni ka Yehovha Xikwembu xa wena naswona u tsaka,+ wena ni vandyangu wa wena. 27  Mulevhi la nga etinyangweni ta wena u nga tshuki u n’wi lahla,+ hikuva a nga na xiavelo kumbe ndzhaka swin’we na wena.+ 28  “Eku heleni ka malembe manharhu u ta humesa xiphemu hinkwaxo xa vukhume xa ntshovelo wa wena elembeni rero,+ u fanele u xi veka endzeni ka tinyangwa ta wena. 29  Kutani Mulevhi,+ hikuva a nga na xiavelo kumbe ndzhaka swin’we na wena ni muluveri+ ni n’wana la nga riki na tatana ni noni,+ lava nga endzeni ka tinyangwa ta wena va fanele va ta, naswona va fanele va dya va xurha; ku endlela leswaku Yehovha Xikwembu xa wena a ku katekisa+ entirhweni+ wun’wana ni wun’wana wa voko ra wena, lowu u nga ta wu endla.

Tinhlamuselo ta le hansi