Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Deteronoma 10:1-22

10  “Hi nkarhi wolowo Yehovha a ndzi byela a ku, ‘Tikovotlele swiphepherhele swimbirhi swa ribye leswi fanaka ni swo sungula,+ kutani u tlandlukela eka mina entshaveni, u fanele u tiendlela areka hi ntsandza.+  Eswiphephereleni ndzi ta tsala marito lawa a ma ri eka swiphepherhele swo sungula leswi u swi fayeke, kutani u fanele u swi veka endzeni ka areka.’  Hiloko ndzi endla areka hi ntsandza wa munga naswona ndzi kovotla swiphepherhele swimbirhi swa ribye leswi fanaka ni swo sungula,+ kutani ndzi tlhandlukela entshaveni, swiphepherhele swimbirhi a swi ri evokweni ra mina.  Kutani a tsala eka swiphepherhele leswi fanaka ni leswi a swi tsariwe eku sunguleni,+ Marito ya Khume,+ lawa Yehovha a mi byeleke wona entshaveni a ri exikarhi ka ndzilo+ hi siku ra nhlengeletano;+ endzhaku ka sweswo Yehovha u ndzi nyike swona.  Hiloko ndzi hundzuluka ndzi rhelela ndzi suka entshaveni,+ ndzi veka swiphepherhele endzeni ka areka leyi ndzi yi endleke, leswaku swi tshama swi ri kwalaho, hilaha Yehovha a ndzi leriseke hakona.+  “Kutani vana va Israyele va suka eBeroti Bene-yakani+ va ya eMosera. Hiloko Aroni a fa, a lahliwa kwalaho;+ Eliyazara n’wana wakwe a sungula ku va mupritsa ematshan’weni yakwe.+  Ku suka kwalaho va ye eGudigoda, naswona ku suka eGudigoda va ye eYotibata,+ tiko ra minkova leyi khulukaka mati.  “Hi nkarhi wolowo Yehovha a hambanisa nyimba ya Levhi+ leswaku yi rhwala areka ya ntwanano+ wa Yehovha, va yima emahlweni ka Yehovha leswaku va n’wi tirhela+ nileswaku va dzunisa hi ku tirhisa vito rakwe ku fikela esikwini+ leri.  Hi yona mhaka leyi Levhi a nga riki na xiavelo naswona a nga riki na ndzhaka+ swin’we ni vamakwavo. Yehovha i ndzhaka yakwe, hilaha Yehovha Xikwembu xa wena a n’wi byeleke hakona.+ 10  Kutani mina—ndzi tshame entshaveni masiku ya 40 ni vusiku+ bya 40, hilaha ku fanaka ni le masikwini yo sungula, Yehovha u tlhele a ndzi yingisa hi nkarhi+ wolowo. Yehovha a nga swi lavanga ku mi lovisa.+ 11  Hiloko Yehovha a ndzi byela a ku, ‘Suka u yima emahlweni ka vanhu leswaku va famba, leswaku va nghena va teka tiko leri ndzi ri hlambanyeleke ku ri nyika vatata wa vona.’+ 12  “Kutani sweswi, Wena Israyele, xana i yini leswi Yehovha Xikwembu xa wena a swi lavaka eka wena+ loko ku nga ri ku chava+ Yehovha Xikwembu xa wena, leswaku u famba etindleleni+ takwe hinkwato ni ku n’wi rhandza+ ni ku tirhela Yehovha Xikwembu xa wena hi mbilu ya wena hinkwayo ni hi moya-xiviri+ wa wena hinkwawo; 13  ku hlayisa swileriso swa Yehovha ni milawu+ yakwe leyi ndzi ku lerisaka yona namuntlha, leswaku swi ku fambela kahle?+ 14  Waswivo, matilo+ i ya Yehovha Xikwembu xa wena, ni matilo ya matilo, misava+ ni hinkwaswo leswi nga eka yona. 15  Yehovha u tihlanganise ni vatata wa wena ntsena leswaku a va rhandza, leswaku a hlawula vana va vona lava nga ta ta endzhaku ka vona,+ hambi ku ri n’wina, exikarhi ka vanhu hinkwavo, ku fana ni le sikwini leri. 16  Kutani mi fanele mi yimbisa nsuvu wa timbilu+ ta n’wina, mi nga tlheli mi nonon’hwisa tinhamu ta n’wina.+ 17  Hikuva Yehovha Xikwembu xa n’wina i Xikwembu xa swikwembu+ ni Hosi ya tihosi,+ Xikwembu lexikulu, lexi nga ni matimba ni lexi chavisekaka,+ lexi nga hlawuliki+ hambi ku ri ku amukela xifumbarheriso,+ 18  lexi avanyiselaka n’wana la nga riki na tatana ni noni+ naswona xi rhandzaka muluveri+ leswaku xi n’wi nyika xinkwa ni nkhancu. 19  Na n’wina rhandzani muluveri,+ hikuva a mi ri valuveri etikweni ra Egipta.+ 20  “U fanele u chava+ Yehovha Xikwembu xa wena. U fanele u tirhela+ yena, u n’wi namarhela,+ u fanele u vula marito+ yo hlambanya hi vito rakwe. 21  Hi Yena la faneriwaka hi ku dzunisiwa+ hi wena, naswona i Xikwembu xa wena, loyi a endleke swilo leswi leswikulu ni leswi chavisekaka leswi mahlo ya wena ma swi voneke.+ 22  Vatata wa wena va rhelele aEgipta+ va ri ni mimoya-xiviri ya 70, kutani sweswi, Yehovha Xikwembu xa wena u ku endle u fana ni tinyeleti ta matilo hi vunyingi.+

Tinhlamuselo ta le hansi