Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Daniyele 9:1-27

9  Hi lembe ro sungula ra Dariyosi+ n’wana wa Ahasuwerusi wa mbewu ya Vameda,+ loyi a endliweke hosi ya mfumo wa Vakalidiya;+  hi lembe ro sungula ra ku fuma ka yena, mina Daniyele, hi tibuku, ndzi twisise nhlayo ya malembe lawa rito ra Yehovha ri fikeke ha wona eka Yeremiya lowa muprofeta,+ ya ku hetisisa ku herisiwa ka Yerusalema,+ ku nga malembe ya 70.+  Ndzi hambeta ndzi veka xikandza+ xa mina eka Yehovha Xikwembu xa ntiyiso, leswaku ndzi n’wi lava hi xikhongelo+ ni hi swikombelo, hi ku titsona swakudya ni nguvu yo khwaxa ni nkuma.+  Ndzi sungula ku khongela eka Yehovha Xikwembu xanga, ndzi tiphofula ndzi ku:+ “Oho Yehovha Xikwembu xa ntiyiso, Lonkulu+ ni Loyi a chavisekaka, loyi a hlayisaka ntwanano+ ni musa wa rirhandzu+ eka lava va n’wi rhandzaka ni lava va hlayisaka swileriso swa yena,+  hi dyohile+ naswona hi endle leswi hoxeke, hi endle hilaha ku hombolokeke, hi xandzuka;+ hi hambukile eswilerisweni swa wena ni le swibohweni swa wena swa vuavanyisi.+  A hi ma yingisanga malandza ya wena lawa ma nga vaprofeta,+ lawa ma vulavuleke ni tihosi ta hina hi vito ra wena, tihosana ta hina ni vatata wa hina ni vanhu hinkwavo va tiko.+  Wena Yehovha, ku lulama i ka wena, kambe hina hi ni tingana exikandzeni ku fana ni le sikwini leri,+ eka vanhu va Yuda ni le ka vaaki va Yerusalema ni le ka tiko hinkwaro ra Israyele, eka lava va nga ekusuhi ni le ka lava va nga ekule ematikweni lawa u va hangalaseleke eka wona, hikwalaho ka ku pfumala ka vona ku tshembeka, loku va ku kombiseke eka wena.+  “Wena Yehovha, hina hi ni tingana exikandzeni, eka tihosi ta hina, eka tihosana ta hina ni le ka vatata wa hina, hikuva hi ku dyoherile.+  Tintswalo+ ni swiendlo swo rivalela+ i swa Yehovha Xikwembu xa hina, hikuva hi n’wi xandzukerile.+ 10  A hi ri yingisanga rito ra Yehovha Xikwembu xa hina hi ku ka hi nga fambi emilawini ya yena, leyi a yi vekeke emahlweni ka hina hi voko ra malandza yakwe lawa ma nga vaprofeta.+ 11  Vanhu hinkwavo va Israyele va tlule nawu wa wena, va hambukile hi ku ka va nga ri yingisi rito ra wena,+ lerova u chululele ndzhukano ehenhla ka hina ni xihlambanyo+ lexi tiyisiweke lexi xi tsariweke enawini wa Muxe nandza wa Xikwembu xa ntiyiso, hikuva hi xi dyoherile. 12  U hetisise marito yakwe lawa a ma vuleke eka hina+ ni le ka vaavanyisi va hina lava va hi avanyiseke,+ hi ku tisa khombo lerikulu ehenhla ka hina, leri nga si tshamaka ri va kona ehansi ka matilo hinkwawo, ku fana ni leswi swi endliweke eYerusalema.+ 13  Hilaha ku tsariweke hakona enawini wa Muxe,+ khombo leri hinkwaro—ri hi werile,+ naswona a hi n’wi tsakisanga Yehovha Xikwembu xa hina hi ku tlhela exihoxweni+ xa hina ni hi ku kombisa ku twisisa ntiyiso wa wena.+ 14  “Yehovha u tshame a xalamukele khombo leri kutani eku heteleleni a ri tisa ehenhla ka hina,+ hikuva Yehovha Xikwembu xa hina u lulamile emintirhweni ya yena hinkwayo leyi a yi endleke; hina a hi ri yingisanga rito rakwe.+ 15  “Kutani, Wena Yehovha Xikwembu xa hina, wena loyi u humeseke vanhu va wena etikweni ra Egipta hi voko leri nga ni matimba,+ u tiendlela vito ku fana ni le sikwini leri,+ hina hi dyohile,+ hi endle hilaha ku hombolokeke. 16  Oho Yehovha, hi ku ya hi mintirho ya wena hinkwayo yo lulama,+ ndzi kombela leswaku ku hlundzuka ka wena ni vukarhi bya wena swi tlhela emutini wa wena wa Yerusalema, ntshava ya wena yo kwetsima;+ hikuva hikwalaho ka swidyoho swa hina ni swihoxo swa vatatana,+ Yerusalema ni vanhu va wena i ndzhukano eka hinkwavo lava va hi rhendzeleke.+ 17  Kutani yingisa, Wena Xikwembu xa hina, xikhongelo xa nandza wa wena ni swikombelo swa yena, u voningisa+ xikandza xa wena ehenhla ka vukwetsimelo bya wena lebyi seleke byi ri rhumbi,+ hikwalaho ka Yehovha. 18  Rhiya ndleve, Wena Xikwembu xanga, u yingisa.+ Pfula mahlo ya wena u vona swiyimo swa hina swa gome ni muti lowu a wu vitaniwa hi vito ra wena;+ hikuva hi tisa swikombelo swa hina emahlweni ka wena,+ ku nga ri hikwalaho ka swiendlo swa hina swo lulama, kambe hikwalaho ka tintswalo ta wena to tala.+ 19  Wena Yehovha, yingisa.+ Wena Yehovha, rivalela.+ Wena Yehovha, nyikela nyingiso, u teka goza.+ U nga hlweli,+ hikwalaho ka wena, Wena Xikwembu xanga, hikuva vito ra wena ri vitaniwile ehenhla ka muti wa wena ni le henhla ka vanhu va wena.”+ 20  Loko ndza ha vulavula ni ku khongela, ndzi phofula xidyoho xa mina ni xidyoho+ xa varikwerhu, ku nga Israyele,+ ndzi tisa xikombelo xa mina xa tintswalo emahlweni ka Yehovha Xikwembu xanga malunghana ni ntshava yo kwetsima+ ya Xikwembu xanga, 21  ni loko ndza ha vulavula exikhongelweni, waswivo, Gabriyele,+ loyi ndzi n’wi voneke exivonweni eku sunguleni,+ ndzi hele matimba hi ku karhala, u fike ekusuhi na mina hi nkarhi wa ku endliwa ka gandzelo ra nyiko nimadyambu.+ 22  A ya emahlweni a nyika ku twisisa, a vulavula na mina, a ku: “Wena Daniyele, sweswi ndzi tele ku ta ku nyika vutlharhi lebyi nga ni ku twisisa.+ 23  Eku sunguleni ka swikombelo swa wena ku hume rito, kutani mina ndzi tele ku ta nyikela xiviko, hikuva u munhu loyi a navelekaka swinene.+ Hikwalaho ehleketisisa+ hi mhaka leyi, u twisisa nchumu lowu u wu voneke. 24  “Ku ni mavhiki ya 70 lawa ma vekeriweke vanhu+ va ka n’wina ni muti wa ka n’wina wo kwetsima,+ leswaku ku hetiwa ku tlula nawu,+ ni ku heta xidyoho,+ ni ku kombela ku rivaleriwa xihoxo,+ ni ku tisa ku lulama hilaha ku nga riki na makumu,+ ni ku vehela xilemo+ exivonweni ni muprofeta, ni ku tota Ndhawu yo Kwetsima ya Ndhawu yo Kwetsima Ngopfu.+ 25  U fanele u tiva, u twisisa leswaku ku sukela eku humeni ka rito+ ro vuyisela ni ku pfuxa Yerusalema+ ku fika eka Mesiya+ lowa Murhangeri,+ ku ta va ni mavhiki ya nkombo, ni mavhiki ya 62.+ Entiyisweni wu ta tlhela wu akiwa, wu va ni ntsendzele ni nsele wa mati, kambe eminkarhini ya mahlomulo. 26  “Endzhaku ka mavhiki ya 62, Mesiya u ta dlayiwa,+ a nga vi na nchumu xa yena.+ “Kutani muti ni ndhawu yo kwetsima+ ya vanhu swi ta lovisiwa+ hi vanhu va murhangeri loyi a taka. Makumu ya swona ma ta ta hi ndhambi. Ku ta va ni nyimpi ku fika emakumu; leswi bohiweke i ku onheteriwa.+ 27  “U fanele a hlayisa ntwanano+ wu tirha eka vo tala, ku ringana vhiki rin’we;+ exiphen’wini xa vhiki u ta herisa xitlhavelo ni gandzelo ra nyiko.+ “Ehenhla ka ripapa ra swilo swo nyenyetsa ku ta va ni loyi a onhetelaka;+ ku fikela eku herisiweni, nchumu lowu wu bohiweke wu ta chuluriwa ni le henhla ka loyi a onhiweke.”+

Tinhlamuselo ta le hansi