Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Daniyele 12:1-13

12  “Enkarhini wolowo Mikayele+ u ta yima, hosana leyikulu+ leyi yi yimelaka+ vana va vanhu va wena.+ Kunene ku ta va ni nkarhi wa maxangu lama nga si tshamaka ma va kona ku sukela loko tiko ri ve kona ku fika enkarhini wolowo.+ Enkarhini wolowo vanhu va wena va ta pona,+ un’wana ni un’wana loyi a kumekaka a tsariwe ebukwini.+  Ku ta va ni vo tala va lava va etleleke entshurini wa misava lava nga ta pfuka,+ vona va ta ya evuton’wini lebyi tshamaka hilaha ku nga heriki+ kutani lavan’wana va ta ya endzhukanweni ni le ku nyenyiweni loku tshamaka hilaha ku nga heriki.+  “Lava va nga ni ku twisisa va ta voninga kukota ku vangama ka xibakabaka;+ lava va tisaka vo tala eku lulameni,+ va ta kotisa tinyeleti hilaha ku nga riki na makumu, hi masiku.  “Loko ku ri wena, Wena Daniyele, endla marito lawa ma va xihundla, u lemela buku,+ ku fika enkarhini wa makumu.+ Vo tala va ta famba-famba, kutani vutivi bya ntiyiso byi ta andza.”+  Ndzi languta, mina Daniyele, kutani waswivo, a ku ri ni van’wana vambirhi va yimile,+ un’wana a ri eribuweni leri ra xinambyana kutani un’wana a ri eribuweni lerin’wana ra xinambyana.+  Kutani un’wana a ku eka munhu la ambaleke ntsembyana,+ loyi a a ri ehenhla ka mati ya xinambyana: “Xana makumu ya swilo swo hlamarisa ma ta teka nkarhi wo fikela kwihi ma nga si fika?”+  Kutani ndzi twa munhu la ambaleke ntsembyana, loyi a a ri ehenhla ka mati ya xinambyana, loko a tlakusela voko rakwe ra xinene ematilweni, a hlambanya+ hi Loyi a hanyaka hilaha ku nga riki na makumu:+ “Swi ta va swa nkarhi lowu vekiweke, minkarhi leyi vekiweke ni xiphemu.+ Hi ku hatlisa loko ku fayeteriwa ka matimba ya vanhu vo kwetsima ku ta va ku herile,+ swilo hinkwaswo swi ta hela.”  Loko ku ri mina, ndzi swi twile, kambe a ndzi nga swi twisisi;+ hiloko ndzi ku: “Wena hosi yanga, xiphemu xo hetelela xa swilo leswi xi ta va xihi?”+  A ya emahlweni a ku: “Famba, Daniyele, hikuva marito lawa ma endliwe xihundla, ma lemeriwa ku fikela enkarhini wa makumu.+ 10  Vo tala va ta tiendla va tenga,+ va tibasisa+ ni ku pfumala xisandzu.+ Kunene lavo homboloka va ta endla hilaha ku hombolokeke,+ naswona a va kona vo homboloka lava va nga ta twisisa;+ kambe lava va nga ni vutlhari va ta twisisa.+ 11  “Ku sukela enkarhini wa ku susiwa+ ka xitlhavelo xa nkarhi hinkwawo+ kutani ku vekiwa nchumu lowu nyenyetsaka,+ lowu onhetelaka, ku ta va ni masiku ya 1 290. 12  “Wa tsaka+ loyi a tshamaka a languterile, loyi a fikaka emasikwini ya 1 335! 13  “Loko ku ri wena, yana emakumu;+ u ta wisa,+ kambe u ta yima u kuma xiavelo xa wena eku heleni ka masiku.”+

Tinhlamuselo ta le hansi