Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Daniyele 10:1-21

10  Hi lembe ra vunharhu ra Korexe+ lowa hosi ya le Peresiya, ku ni mhaka leyi yi hlavuteriweke Daniyele, loyi vito rakwe a a vitaniwa Beltexatsara;+ mhaka ya kona a yi ri ntiyiso, naswona a ku ri ni ntirho lowukulu wa nyimpi.+ Kutani a twisisa mhaka leyi, a twisisa nchumu lowu wu voniweke.+  Emasikwini wolawo, mina Daniyele, ndzi rile+ mavhiki manharhu hinkwawo.  Xinkwa xa switshongo a ndzi xi dyanga, naswona enon’wini wa mina a ku nghenanga nyama kumbe vhinyo, a ndzi tolanga nchumu nikatsongo kukondza ku hela mavhiki manharhu hinkwawo.+  Esikwini ra vu-24 ra n’hweti yo sungula, loko ndzi ri eribuweni ra nambu lowukulu, ku nga Hidekele,+  ndzi tlakuse mahlo ndzi languta, kutani a ku ri ni munhu un’wana loyi a a ambale ntsembyana,+ a khame masenge+ hi nsuku wa le Ufazi.+  Miri wakwe a wu fana ni krisolita,+ xikandza xakwe a xi languteka ku fana ni rihati,+ mahlo yakwe a ma fana ni swisana leswi pfurhaka,+ mavoko yakwe ni ndhawu ya milenge yakwe a swi fana ni ku languteka ka koporo leyi hatimisiweke,+ mpfumawulo wa marito yakwe a wu fana ni mpfumawulo wa ntshungu.  Kutani mina Daniyele ndzi ri ndzexe, ndzi vone xivumbeko; kambe vavanuna lava a va ri na mina, a va xi vonanga xivumbeko.+ Hambiswiritano, va khomiwe hi ku rhurhumela lokukulu, lerova va tsutsuma va ya tumbela.  Kutani mina—ndzi sala ndzi ri ndzexe, lerova ndzi vona xivumbeko lexi lexikulu. A ndzi salanga na matimba, xindzhuti xa mina xi hundzuka ehenhla ka mina xi hela, ndzi sala ndzi nga ri na matimba.+  Kutani ndzi twa mpfumawulo wa marito yakwe; loko ndzi twa mpfumawulo wa marito yakwe, mina ndzi wa hi xikandza ndzi etlela vurhongo,+ xikandza xa mina xi langute emisaveni.+ 10  Kutani waswivo, ku ni voko leri ri ndzi khumbeke,+ hakatsongo-tsongo ri ndzi hlakahla leswaku ndzi nkhinsama hi matsolo ni swandla swa mavoko ya mina. 11  A ya emahlweni a ku eka mina: “Wena Daniyele, wena munhu la navelekaka,+ twisisa marito lawa ndzi ku byelaka wona,+ u yima laha a wu yime kona, hikuva ndzi rhumiwe eka wena sweswi.” Kuteloko a ndzi byela rito leri, ndzi yima, ndzi rhurhumela. 12  A ya emahlweni a ku eka mina: “U nga chavi,+ Wena Daniyele, hikuva ku sukela esikwini ro sungula leri u nyiketeke mbilu ya wena leswaku yi twisisa,+ u titsongahata emahlweni ka Xikwembu xa wena,+ marito ya wena ma twiwile, kutani ndzi tile hikwalaho ka marito ya wena.+ 13  Kambe hosana+ ya vulawuri bya le vuhosini ya le Peresiya+ a yi ndzi sivelerile+ ku ringana masiku ya 21, kutani waswivo, Mikayele,+ un’wana wa tihosana leti tlakukeke,+ u tile a ta ndzi pfuna; loko ku ri mina, ndzi tshame kwalaho tlhelo ka tihosi ta Peresiya.+ 14  Ndzi tele ku ta ku endla leswaku u twisisa leswi nga ta wela varikwenu+ exiphen’wini xo hetelela xa masiku,+ hikuva i xivono+ xa masiku lama nga ta ta.”+ 15  Loko a ndzi byela marito lawa, a ndzi langutise xikandza xa mina emisaveni,+ ndzi nga vulavuli. 16  Kutani waswivo, loyi a fanaka ni vana va vanhu a khumba milomu ya mina,+ hiloko ndzi pfula nomu ndzi vulavula,+ ndzi byela loyi a a yime emahlweni ka mina ndzi ku: “Wena hosi yanga,+ hikwalaho ka xivumbeko lexi, ku ni ku rhurhumela endzeni ka mina, a ndzi vanga na matimba.+ 17  Hikwalaho, xana nandza wa hosi leyi ya mina u swi kotise ku yini ku vulavula ni hosi leyi ya mina?+ Loko ku ri mina, ku fikela sweswi a ndzi na wona matimba, ku hefemula a ku salanga eka mina nikatsongo.”+ 18  Loyi a langutekaka ku fana ni munhu wa la misaveni a tlhela a ndzi khumba, a ndzi tiyisa.+ 19  Kutani a ku: “U nga chavi,+ Wena munhu la navelekaka swinene.+ Onge u nga va ni ku rhula.+ Vana ni matimba, ina, vana ni matimba.”+ Loko a ha ku heta ku vulavula na mina, ndzi titiyisa, eku heteleleni ndzi ku: “Hosi yanga a yi vulavule,+ hikuva u ndzi tiyisile.”+ 20  Kutani a ya emahlweni a ku: “Xana wa swi tiva leswaku ha yini ndzi tile eka wena? Sweswi ndzi ta tlhela ndzi ya lwa ni hosana ya Peresiya.+ Loko ndzi ya, waswivo, hosana ya Grikiya na yona ya ta.+ 21  Hambiswiritano, ndzi ta ku byela swilo leswi tsariweke ehansi eku tsariweni ka ntiyiso,+ naswona a nga kona loyi a khomaka swilo leswi hilaha ku tiyeke swin’we na mina, handle ka Mikayele+ hosana ya n’wina.+

Tinhlamuselo ta le hansi