Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Daniyele 1:1-21

1  Elembeni ra vunharhu ra vuhosi bya Yoyakimi+ hosi ya Yuda, Nebukadnetsara hosi ya Babilona u te eYerusalema, a wu rhendzela.+  Hi ku famba ka nkarhi Yehovha a nyiketa Yoyakimi hosi ya Yuda+ evokweni ra yena ni xiphemu xa swingolongondzwana+ swa yindlu ya Xikwembu xa ntiyiso, a swi tisa etikweni ra Xinara+ endlwini ya xikwembu xa yena; swingolongondzwana leswi u swi tise endlwini ya xuma ya xikwembu+ xa yena.  Kutani hosi yi byela Axipenazi, mutirhi wa yona lonkulu wa le hubyeni,+ leswaku a tisa vana van’wana va Israyele ni vana va le vuhosini ni vana va lava nga exiyin’weni xa le henhla,+  ku nga vana lava va nga riki na xivati+ nikatsongo, kambe va ri vo saseka naswona va ri ni ku twisisa eka vutlhari hinkwabyo,+ va ri lava toloveleke vutivi, lava twisisaka leswi tiviwaka,+ lava va nga ni vuswikoti bya ku yima exigodlweni xa hosi;+ leswaku a ta va dyondzisa ku tsala, ni ririmi ra Vakalidiya.  Ku tlula kwalaho, siku ni siku hosi a yi va avela xiphemu xa switshongo+ swa hosi ni vhinyo leyi yi yi nwaka, yi va wundla malembe manharhu, leswaku va yima emahlweni ka hosi eku heleni ka masiku lawa.  Exikarhi ka vona a ku ri ni vana van’wana va Yuda, Daniyele,+ Hananiya, Mixayele na Azariya.+  Hiloko mutirhi lonkulu wa le hubyeni a va thya mavito.+ A thya Daniyele vito ra Beltexatsara;+ Hananiya ra Xadraka; Mixayele ra Mixaka; Azariya ra Abedinigo.+  Kambe Daniyele a a tiyimiserile embilwini yakwe leswaku a a nga ta tinyamisa+ hi switshongo swa hosi ni hi ku nwa vhinyo ya yona. U hambete a kombela mutirhi lonkulu wa le hubyeni leswaku a nga n’wi nyiki, leswaku a nga ta tinyamisa.+  Hikwalaho Xikwembu xa ntiyiso xi nyika Daniyele musa wa rirhandzu ni tintswalo emahlweni ka mutirhi lonkulu wa le hubyeni.+ 10  Kutani mutirhi lonkulu wa le hubyeni a byela Daniyele, a ku: “Ndzi chava hosi yanga leyi nga mufumi, leyi yi vekeke swakudya swa n’wina ni swakunwa swa n’wina.+ Kutani, ha yini yi fanele yi vona swikandza swa n’wina swi ri ni gome loko swi ringanisiwa ni vana lava va nga tintangha ta n’wina, ha yini mi fanele mi endla nhloko ya mina yi va ni nandzu ehosini?” 11  Kambe Daniyele u byele murindzi loyi mutirhi lonkulu wa le hubyeni+ a a n’wi veke leswaku a langutela Daniyele, Hananiya, Mixayele na Azariya: 12  “Ndzi kombela u ringa malandza ya wena ku ringana masiku ya khume, u va pfumelela va hi nyika matsavu+ leswaku hi dya ni mati leswaku hi nwa; 13  naswona nghohe ya hina ni nghohe ya vana lava va dyaka switshongo swa hosi a yi vonake emahlweni ka wena, kutani u endla eka malandza ya wena hi ku ya hi leswi u swi vonaka.” 14  Eku heteleleni a va yingisa emhakeni leyi kutani a va ringa ku ringana masiku ya khume. 15  Eku heleni ka masiku ya khume, nghohe ya vona a yi vonaka yi saseke ngopfu naswona nyama ya vona a yi nyuherile ku tlula vana hinkwavo lava a va dya switshongo swa hosi.+ 16  Hiloko murindzi a ya emahlweni a susa switshongo swa vona ni vhinyo ya vona yo nwa a va nyika matsavu.+ 17  Vana lava va mune, Xikwembu xa ntiyiso xi va nyike vutivi ni ku twisisa ka matsalwa hinkwawo ni vutlhari;+ Daniyele a a twisisa mixaka hinkwayo ya swivono ni milorho.+ 18  Eku heleni ka masiku lawa hosi a yi vule leswaku va tisiwa ha wona,+ mutirhi lonkulu wa le hubyeni u va tise ni le mahlweni ka Nebukadnetsara. 19  Hosi yi sungula ku vulavula na vona, eka vona hinkwavo a ku kumekanga munhu loyi a a fana na Daniyele, Hananiya, Mixayele na Azariya;+ va yima emahlweni ka hosi.+ 20  Emhakeni yin’wana ni yin’wana leyi lavaka vutlhari ni ku twisisa+ leyi hosi yi va vutiseke yona, yi va kume va tlula vaprista hinkwavo lava va endlaka masalamusi+ ni vangoma+ lava a va ri endhawini hinkwayo leyi yi fumaka eka yona, hilaha ku andzisiweke ka khume. 21  Daniyele a ya emahlweni ku fikela elembeni ro sungula ra hosi Korexe.+

Tinhlamuselo ta le hansi