Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Amosi 9:1-15

9  Ndzi vone Yehovha a yime ehenhla ka alitari,+ kutani a ku: “Bana tinhloko ta phuphu, leswaku tinyangwa ti ninginika. U ti hubula etinhlokweni, hinkwato ka tona.+ Kutani xiphemu xa tona xo hetelela ndzi ta xi dlaya hi banga. A nga kona wa vona la balekaka, loyi a nga ta baleka khwatsi, naswona a nga kona eka vona loyi a balekaka, loyi a nga ta pona.+  Loko va cela eSheol, voko ra mina ri ta va teka kona;+ loko va tlhandlukela ematilweni, ndzi ta va xikisa kona.+  Loko va tifihla ehenhla ka Karimeli, kunene ndzi ta va lavisisa kona, kunene ndzi va teka.+ Loko va titumbeta emahlweni ka mahlo ya mina evuandlalweni bya lwandle,+ ndzi ta lerisa nyoka kwale hansi, yi fanele yi va luma.  Loko va ya evukhumbini emahlweni ka valala va vona, ndzi ta lerisa banga kwale, ri fanele ri va dlaya;+ ndzi ta veka tihlo ra mina ehenhla ka vona hi vubihi, ku nga ri hi vunene.+  Kutani Hosi leyi Lawulaka, Yehovha wa mavuthu, hi yena Loyi a khumbaka tiko, lerova ri n’oka;+ vaaki va rona va ta rila;+ kunene ri ta tlakuka ku fana na Nayili, hinkwaro ka rona, ri mbombomela ku fana na Nayili wa Egipta.+  “‘Yena loyi a akaka swikhandziyo swakwe ematilweni,+ ni muako wakwe ehenhla ka misava leyi a yi simekeke;+ loyi a vitanaka mati ya lwandle,+ leswaku a ma chulula ehenhla ka vuandlalo bya misava+—vito rakwe i Yehovha.’+  “‘Xana a mi fani na vona vana va Kuxi eka mina, N’wina vana va Israyele?’ ku vula Yehovha. ‘Xana Israyele a ndzi n’wi humesanga etikweni ra Egipta,+ ni Vafilisita+ va huma eKreta, na Siriya a huma eKiri?’+  “‘Waswivo! Mahlo ya Yehovha, Hosi leyi Lawulaka ma le henhla ka mfumo lowu nga ni vudyoho,+ kunene u ta wu lovisa ehenhla ka vuandlalo bya misava.+ Nilokoswiritano, yindlu ya Yakobe ndzi ta yi lovisa hi ku helela,’+ ku vula Yehovha.  ‘Hikuva waswivo, ndzi humesa xileriso naswona ndzi ta hlunguhla yindlu ya Israyele exikarhi ka matiko hinkwawo,+ hilaha munhu a hlunguhlaka sefo hakona, lerova ku nga vi ni ribye leri welaka emisaveni. 10  Va ta dlayiwa hi banga—vadyohi hinkwavo va vanhu va mina,+ lava va nge: “Khombo a ri nge tshineli kumbe ku fika eka hina.”’+ 11  “‘Esikwini rero ndzi ta yimisa+ ntsonga+ wa Davhida lowu wu weke,+ kunene ndzi ta lunghisa mavangwa ya vona. Marhumbi ya wona ndzi ta ma pfuxa, kunene ndzi ta wu aka ku fana ni le masikwini ya khale swinene,+ 12  leswaku va dya ndzhaka ya leswi swi seleke swa Edomu,+ ni matiko hinkwawo lawa vito ra mina ri vitaniweke eka wona,’+ ku vula Yehovha, la endlaka leswi. 13  “‘Waswivo! Masiku ma ta,’ ku vula Yehovha, ‘kutani murimi u ta rhangela mutshoveri,+ loyi a pyanyaka madiriva, u ta rhangela loyi a rhwalaka mbewu;+ kutani tintshava ti ta thona vhinyo yo tsokombela,+ switsunga hinkwaswo swi ta n’oka.+ 14  Kutani ndzi ta vuyisa vanhu va mina va Israyele+ lava nga makhumbi, va ta aka miti leyi lovisiweke, va tshama eka yona,+ va rima masimu ya vhinya, va nwa vhinyo ya wona, va rima mintanga, va dya mihandzu ya yona.’+ 15  “‘Kunene ndzi ta va simeka emisaveni ya vona, a va nge he simuriwi emisaveni ya vona leyi ndzi va nyikeke yona,’+ Yehovha Xikwembu xa wena u vurile.”

Tinhlamuselo ta le hansi