Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Amosi 8:1-14

8  Yehovha, Hosi leyi Lawulaka u ndzi kombile, kutani waswivo, a ku ri ni xirhundzu xa mihandzu ya ximumu.+  Kutani a ku: “Xana u vona yini,+ Amosi?” Hiloko ndzi ku: “Xirhundzu xa mihandzu ya ximumu.”+ Yehovha a ya emahlweni a ku eka mina: “Makumu ma fikile eka vanhu va mina ku nga Israyele.+ A ndzi nge he tlheli ndzi va khomela.+  ‘Tinsimu ta tempele ti ta va ku kolola esikwini rero,’+ ku vula Yehovha, Hosi leyi Lawulaka. ‘Ku ta va ni mintsumbu yo tala.+ Kunene munhu u ta yi cukumetela endhawini yin’wana ni yin’wana—ku ku whii!’  “Yingisani leswi, n’wina lava va kavatlulaka xisiwana,+ ni ku herisa lavo rhula va misava,+  mi ku, ‘Xana swi ta teka nkarhi wo fikela kwihi n’weti wu nga si thwasa+ kutani hi xavisa koroni?+ Ni savata,+ kutani hi xavisa mavele; leswaku hi endla mpimo wa efa wu va wutsongo+ ni ku kurisa xikele ni ku endla swikalo swa vuxisi swi va swa mavunwa;+  leswaku hi xavisa vanhu va xiyimo xa le hansi hi silivhere ni xisiwana hi ntsengo wa maphaxani mambirhi, nileswaku hi xavisa masalela ya mavele?’+  “Yehovha u hlambanyile hi Ku Tlakuka ka Yakobe+ a ku, ‘Mintirho ya vona hinkwayo a ndzi nge yi rivali.+  Xana misava a yi nge tsekatseki hikwalaho ka leswi,+ kutani muaki un’wana ni un’wana wa yona u fanele a rila;+ kunene hinkwayo ka yona yi tlakuka ku fana na Nayili, yi yisiwa hala ni hala ni ku mbombomela ku fana na Nayili wa Egipta?’+  “‘Kutani esikwini rero,’ ku vula Yehovha, Hosi leyi Lawulaka, ‘ndzi ta endla dyambu ri pela ninhlikanhi,+ naswona ndzi ta vanga munyama etikweni, esikwini leri vangamaka. 10  Minkhuvo ya n’wina ndzi ta yi hundzula yi va ku rila,+ tinsimu ta n’wina hinkwato ti ta va risimu ra xirilo, ehenhla ka masenge hinkwawo ndzi ta veka nguvu yo khwaxa kutani ehenhla ka nhloko yin’wana ni yin’wana ku ta va ni mpandla;+ ndzi ta endla xiyimo xi fana ni ku rilela n’wana la nga swakwe,+ makumu ya kona ma ta va siku ra mbitsi.’ 11  “‘Waswivo! Masiku ma ta,’ ku vula Yehovha, Hosi leyi Lawulaka, ‘kutani ndzi ta rhumela ndlala etikweni, ndlala, ku nga ri ya xinkwa, ni torha, ku nga ri ra mati, kambe ra ku twa marito ya Yehovha.+ 12  Kunene va ta tshetsheleka ku suka elwandle ku ya fika elwandle, ku suka en’walungwini ku ya evuhuma-dyambu. Va ta famba-famba va ri karhi va lava rito ra Yehovha, kambe a va nge ri kumi.+ 13  Esikwini rero vanhwana vo saseka ni majaha va ta titivala hikwalaho ka torha;+ 14  lava va hlambanyaka hi nandzu wa Samariya,+ lava va vulaka va ku: “Loko ntsena xikwembu xa wena xa ha hanya, Wena Dani,”+ naswona, “Loko ntsena ndlela ya Bera-xeba+ ya ha hanya!” Kunene va ta wa, a va nge he pfuki.’”+

Tinhlamuselo ta le hansi