Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Amosi 7:1-17

7  Yehovha, Hosi leyi Lawulaka u ndzi kombile, kutani waswivo, a a endla ndzeyana ya tinjiya eku sunguleni ka ku huma ka leswi byariweke endzhaku.+ Kutani waswivo, a ku ri leswi byariweke endzhaku, endzhaku ka byanyi lebyi tsemiweke bya hosi.  Kuteloko ti hete ku dya swimila swa tiko, ndzi ku: “Oho Yehovha, Hosi leyi Lawulaka, ndzi kombela u rivalela.+ I mani la nga ta suka a yima eka Yakobe? Hikuva yena hi lontsongo!”+  Yehovha a tisola ha swona.+ Yehovha u te: “A swi nge endleki.”  Yehovha, Hosi leyi Lawulaka u ndzi kombe leswi, kutani waswivo, Yehovha, Hosi leyi Lawulaka a a endla leswaku ku va ni ku kanetana hi ku tirhisa ndzilo;+ hiloko wu dya xidziva xa mati lexikulu, wu dya xiphemu xa tiko.  Ndzi ku: “Oho Yehovha, Hosi leyi Lawulaka, ndzi kombela u tshika.+ I mani la nga ta suka a yima eka Yakobe? Hikuva yena hi lontsongo!”+  Yehovha a tisola ha swona.+ “Sweswo, na swona a swi nge endleki,” Yehovha, Hosi leyi Lawulaka u vurile.  Leswi hi swona leswi a endleke leswaku ndzi swi vona, kutani waswivo, Yehovha a a yime erirhangwini leri endliweke hi ngoti ya ku kongomisa,+ a a tamele ngoti ya ku kongomisa.  Yehovha a ku eka mina: “Xana u vona yini, Amosi?” Hiloko ndzi ku: “Ngoti ya ku kongomisa.” Yehovha a ya emahlweni a ku: “Waswivo, ndzi veka ngoti ya ku kongomisa exikarhi ka vanhu va mina va Israyele.+ A ndzi nge he tlheli ndzi va khomela.+  Kunene tindhawu leti tlakukeke ta Isaka+ ti ta sala ti ri marhumbi, vukwetsimelo+ bya Israyele byi ta onhiwa;+ ndzi ta lwa ni yindlu ya Yerobuwamu hi banga.”+ 10  Amaziya lowa muprista wa Bethele+ a rhumela rito eka Yerobuwamu+ lowa hosi ya Israyele, a ku: “Amosi u khire mfanelo ya wena endzeni ka yindlu ya Israyele.+ Tiko a ri swi koti ku ma lehisela mbilu marito yakwe hinkwawo.+ 11  Hikuva Amosi u te, ‘Yerobuwamu u ta dlayiwa hi banga; loko ku ri Israyele, kunene u ta ya evukhumbini a suka emisaveni yakwe.’”+ 12  Amaziya a ya emahlweni a byela Amosi a ku: “Wena la vonaka swivono,+ famba, balekela etikweni ra Yuda, u ya dya xinkwa kona, u profeta kona. 13  Kambe eBethele u nga ha tlheli u profeta,+ hikuva i vukwetsimelo bya hosi+ naswona i yindlu ya mfumo.” 14  Hiloko Amosi a hlamula Amaziya, a ku: “A ndzi nga ri muprofeta naswona a ndzi nga ri n’wana wa muprofeta;+ kambe a ndzi ri murisi,+ ndzi kha makuwa ya swinkuwana. 15  Kutani Yehovha a ndzi teka, ndzi tshika ku risa ntlhambi, Yehovha a ya emahlweni a ku eka mina, ‘Famba u ya profetela vanhu va mina va Israyele.’+ 16  Yingisa rito ra Yehovha, ‘Xana u ri: “U nga tshuki u profeta ku lwa na Israyele,+ naswona u nga tshuki u vula rito+ ku lwa ni yindlu ya Isaka”? 17  Hikokwalaho Yehovha u te: “Loko ku ri nsati wa wena, u ta va nghwavava emutini.+ Loko ku ri vana va wena va majaha ni va vanhwanyana, va ta wisiwa hi banga. Loko ku ri misava ya wena, yi ta aviwa hi pindza ra ku pima. Loko ku ri wena, u ta fela emisaveni leyi nga tengangiki;+ loko ku ri Israyele, kunene u ta ya evukhumbini a suka emisaveni ya yena.”’”+

Tinhlamuselo ta le hansi