Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Amosi 6:1-14

6  “Khombo eka lava va tshamisekeke+ eSiyoni ni le ka lava va tshembaka ntshava ya Samariya! Hi lava va hlawulekeke exiphen’wini lexikulu xa matiko, yindlu ya Israyele yi tile eka vona.  Fambani mi ya eKaline, kutani mi vona; mi suka kona mi ya eHamati+ lowu nga ni vanhu vo tala, mi rhelela mi ya eGati+ wa Vafilisita. Xana ya antswa ku tlula mimfumo leyi, kumbe, xana ndhawu ya yona i yikulu ku tlula ndhawu ya n’wina?+  Xana siku ra khombo mi ri susa emianakanyweni ya n’wina,+ naswona xana mi tshineta ndhawu ya n’wina yo tshama ya madzolonga?+  N’wina lava etlelaka emasangwini lama endliweke hi timhondzo ta tindlopfu,+ lava pavalalaka emibedweni ya vona, lava va dyaka makhuna ya ntlhambi ni swinkunzana exikarhi ka marhole lama nonisiweke;+  lava va sumaka risimu hi ku landza mpfumawulo wa xitende;+ lava va tiendleleke swichayachayana swa risimu,+ kukota Davhida;  lava va nwaka hi minkambana ya vhinyo+, lava va totaka hi mafurha yo hlawuleka swinene,+ lava va nga vabyisiwangiki hi maxangu ya Yosefa.+  “Hikokwalaho sweswi va ta ya evukhumbini va rhangele lava va yaka evukhumbini,+ kutani huwa ya lava va pavalalaka yi fanele yi hela.  “‘Yehovha, Hosi leyi Lawulaka u hlambanyile hi moya-xiviri wakwe,’+ ku vula Yehovha, Xikwembu xa mavuthu, ‘“Ndza ku nyenya ku tinyungubyisa ka Yakobe,+ swihondzo swakwe swo tshama eka swona ndzi swi vengile,+ ndzi ta nyiketa muti ni leswi swi teleke eka wona.+  Kutaku loko ku sele vavanuna va khume endlwini yin’we, na vona va fanele va fa.+ 10  Kutani makwavo wa tata wakwe u ta va rhwala ha un’we-un’we, a va hisa ha un’we-un’we, leswaku a humesa marhambu endlwini.+ U ta byela mani na mani loyi a nga eswiphen’wini swa le mpfungwe swa yindlu, ‘Xana va ha ri kona van’wana eka wena?’ Kunene yena u ta ku, ‘A ku na munhu!’ Kutani wena u ta ku, ‘Miyela! Hikuva a hi wona nkarhi wa ku vulavula hi vito ra Yehovha.’”+ 11  “‘Hikuva, waswivo, Yehovha wa lerisa,+ kunene u ta hirimuxa yindlu leyikulu yi va swiphemu-phemu, yindlu leyitsongo yi va swipetlu-petlu.+ 12  “‘Xana tihanci ti ta tsutsuma eribyeni, kumbe, xana munhu u ta rima hi homu? Hikuva n’wina mi hundzule vululami+ byi va ximilana lexi nga ni chefu ni mihandzu ya ku lulama yi va xibaha, 13  n’wina lava tsakelaka nchumu lowu nga riki wona;+ lava vulaka va ku: “Xana a hi titekelanga tinanga hi ntamu wa hina?”+ 14  Maswivo! Ndzi yimisa tiko+ ku lwa na n’wina, N’wina yindlu ya Israyele,’ ku vula Yehovha Xikwembu xa mavuthu, ‘ri fanele ri mi tshikilela ku suka evunghenweni bya Hamati+ ku ya enkoveni wa Arabha.’”

Tinhlamuselo ta le hansi