Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Amosi 5:1-27

5  “Yingisani rito leri ndzi ri vulaka eka n’wina ku fana ni risimu ra xirilo,+ N’wina yindlu ya Israyele:   “Nhwana,+ ku nga Israyele, u wile;+A nge he tlheli a pfuka.+U siyiwe ehenhla ka misava ya yena;A nga kona loyi a n’wi pfuxaka.+  “Hikuva Yehovha, Hosi leyi Lawulaka u te, ‘Muti lowu a wu huma wu ri ni 1 000 wu ta sala ni 100; lowu wu humaka wu ri ni 100 wu ta sala na khume, endlwini ya Israyele.’+  “Hikuva Yehovha u vule leswi endlwini ya Israyele, ‘Ndzi laveni,+ mi ya emahlweni mi hanya.+  Mi nga lavisisi Bethele,+ mi nga ti eGiligala,+ naswona mi nga tsemakanyi eBera-xeba;+ kunene Giligala wu ta ya evukhumbini;+ loko ku ri Bethele, wu ta va nchumu wa mangava.+  Lavani Yehovha, mi ya emahlweni mi hanya,+ leswaku a nga tirhi kukota ndzilo,+ Wena yindlu ya Yosefa,+ leswaku wu nga lovisi, naswona Bethele wu nga pfumali munhu wa ku wu tima,+  n’wina lava hundzulaka vululami byi va xibaha,+ lava va lahleleke ku tshembeka emisaveni.+  Muendli wa nhlengeleto wa tinyeleti wa Kima+ ni nhlengeleto wa tinyeleti+ wa Kesili,+ Loyi a hundzulaka ndzhuti lowukulu+ wu va mixo, Loyi a endlaka nhlikanhi wu va munyama kukota vusiku,+ Loyi a vitanaka mati ya le lwandle, leswaku a ma chulula ehenhla ka vuandlalo bya misava+—vito ra yena i Yehovha;+  loyi a endlaka leswaku loyi a nga ni matimba a hlaseriwa hi ku phanga, leswaku ku phanga ku wela ndhawu leyi tiyisiweke. 10  “‘Mutshinyi va n’wi vengile enyangweni,+ loyi a vulavulaka leswi hetisekeke va n’wi nyenya.+ 11  Hikokwalaho, leswi mi tekaka ndzuvo wa purasi eka xisiwana, mi tshamelaka ku teka ndzuvo wa mavele eka xona;+ mi ake tindlu ta maribye lama tsemiweke,+ kambe a mi nge tshami eka tona; mi byale masimu ya vhinya lama navelekaka, kambe a mi nge yi nwi vhinyo ya wona.+ 12  Hikuva ndzi yi tivile nhlayo ya swiendlo swa n’wina swa ku pfukela+ ni ku tala ka swidyoho swa n’wina,+ N’wina lava va vengaka munhu wo lulama,+ n’wina lava tekaka mali yo siva nomu,+ lava va tlheriseke swisiwana+ swa ha ri enyangweni.+ 13  Hikokwalaho loyi a nga ni ku twisisa u ta miyela enkarhini wolowo, hikuva wu ta va nkarhi wa khombo.+ 14  “‘Lavani leswinene, ku nga ri leswo biha,+ leswaku mi ya emahlweni mi hanya;+ nileswaku Yehovha Xikwembu xa mavuthu a ta va na n’wina, hilaha mi vuleke hakona.+ 15  Vengani leswo biha, mi rhandza leswinene,+ vululami mi byi nyika ndhawu enyangweni.+ Kumbexana Yehovha Xikwembu xa mavuthu u ta kombisa tintswalo+ eka lava seleke va Yosefa.’+ 16  “Hikokwalaho Yehovha Xikwembu xa mavuthu, Yehovha, u te, ‘Emintsendzeleni hinkwayo ku ta va ni ku kalakala,+ eswitarateni hinkwaswo vanhu va ta vula va ku: “Yoo! Yoo!” Kutani va ta vitana murimi a ta rila,+ ni lava va nga ni ntokoto wa ku titshandza va kalakala.’+ 17  ‘Emasin’wini hinkwawo ya vhinya ku ta va ni ku kalakala;+ hikuva ndzi ta hundza exikarhi ka n’wina,’+ Yehovha u vurile. 18  “‘Khombo eka lava va navelaka siku ra Yehovha!+ Kutani, xana siku ra Yehovha ri ta vula yini eka n’wina?+ Ri ta va ni munyama, a ku nge vi na ku vonakala,+ 19  ku fana ni loko munhu a balekela nghala, kutani a hlangana ni bere; ku fana ni loko a nghena endlwini kutani a khoma khumbi a tiseketela, ivi a lumiwa hi nyoka.+ 20  Xana siku ra Yehovha a ri nge vi munyama, ri pfumala ku vonakala; xana a ri nge dzwihali, ri pfumala ku vangama?+ 21  Minkhuvo ya n’wina ndzi yi vengile, ndzi yi bakanyile,+ a ndzi nge wu tsakeli nun’hwelo wa tinhlengeletano ta n’wina to xiximeka.+ 22  Kambe loko mi ndzi humesela magandzelo yo hisiwa lama heleleke,+ a ndzi nge ma tsakeli magandzelo ya n’wina ya tinyiko,+ naswona a ndzi nge swi languti switlhavelo swa n’wina swa xinakulobye swa swifuwo leswi nonisiweke.+ 23  Susa ku pfilunganyeka ka tinsimu ta wena eka mina; naswona ndzi nga wu twi mpfumawulo wa miloti wa switende swa wena.+ 24  Vululami a byi khuluke kukota mati,+ ni ku tshembeka kukota xinambyana lexi khulukaka nkarhi hinkwawo.+ 25  Xana mi ndzi tshinetele switlhavelo kumbe magandzelo emananga ku ringana malembe ya 40, N’wina yindlu ya Israyele?+ 26  Kunene mi ta rhwala Sakuti hosi ya n’wina na Kayiwani,+ swifaniso swa n’wina, nyeleti ya xikwembu xa n’wina, lexi mi tiendleleke xona.+ 27  Ndzi ta mi yisa evukhumbini entsungeni wa Damaska,’+ loyi vito ra yena a nga Yehovha Xikwembu xa mavuthu u vurile.”+

Tinhlamuselo ta le hansi