Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Amosi 2:1-16

2  “Yehovha u te, ‘“Hikwalaho ka swiendlo swinharhu swa Mowabu+ swa ku pfukela, ni hikwalaho ka mune wa swona, a ndzi nge byi tlherisi, hikwalaho ka leswi wu hisaka marhambu ya hosi ya Edomu ma va mhemba.+  Ndzi ta rhumela ndzilo eka Mowabu, wu fanele wu lovisa swihondzo swo tshama eka swona swa Keriyoti;+ Mowabu wu fanele wu fa hi huwa, hi hungwe, hi mpfumawulo wa nanga.+  Kutani ndzi ta lovisa muavanyisi exikarhi ka wona, tihosana ta wona hinkwato ndzi ta ti dlaya na wona,”+ Yehovha u vurile.’  “Yehovha u te, ‘Hikwalaho ka swiendlo swinharhu swa Yuda swa ku pfukela,+ ni hikwalaho ka mune wa swona, a ndzi nge byi tlherisi, hikwalaho ka leswi va bakanyaka nawu wa Yehovha,+ ni hikwalaho ka leswi va nga swi hlayisangiki swileriso swa yena; kambe mavunwa ya vona,+ lama landzeleriweke hi vatata wa vona, ma va tsendzelekisile.+  Ndzi ta rhumela ndzilo eka Yuda, wu fanele wu lovisa swihondzo swo tshama eka swona swa Yerusalema.’+  “Yehovha u te, ‘Hikwalaho ka swiendlo swinharhu swa Israyele swa ku pfukela,+ ni hikwalaho ka mune wa swona, a ndzi nge byi tlherisi, hikwalaho ka leswi va xavisaka munhu wo lulama leswaku va kuma silivhere, ni xisiwana hi ntsengo wa maphaxani.+  Va hefemutekela ritshuri ra misava leri nga enhlokweni ya lava nga swisiwana;+ ndlela ya lavo rhula va yi hambukisa;+ kutani wanuna ni tata wakwe va ye eka nhwanyana wun’we,+ hi xikongomelo xo nyamisa vito ra mina ro kwetsima.+  Va etlela etingubyeni leti tekiweke ti ri xitiyisekiso xa nandzu+ etlhelo ka alitari yin’wana ni yin’wana;+ va nwa vhinyo ya lava va rihisiweke endlwini ya swikwembu swa vona.’+  “‘Kambe loko ku ri mina, ndzi lovise Muamori+ hikwalaho ka vona, loyi a a tlakuke ku fana ni ku tlakuka ka mikedari, loyi a a ri ni matimba ku fana ni mirhi leyikulu;+ ndzi herise mihandzu ya yena leyi nga ehenhla ni timitsu ta yena leti nga ehansi.+ 10  Kutani mina ndzi mi humesile etikweni ra Egipta,+ ndzi mi fambise emananga ku ringana malembe ya 40,+ leswaku mi teka tiko ra Muamori.+ 11  Ndzi hambete ndzi veka vana van’wana va n’wina va va vaprofeta,+ van’wana va majaha ya n’wina va va Vanaziri.+ Xana leswi a swi fanelanga swi va tano, N’wina vana va Israyele?’ ku vula Yehovha. 12  “‘Kambe mi hambete mi nyika Vanaziri vhinyo leswaku va nwa,+ naswona mi lerise vaprofeta, mi ku: “Mi nga tshuki mi profeta.”+ 13  Maswivo, leswi swi nga ehansi ka n’wina ndza swi ninginisa, hilaha golonyi leyi teleke nyandza ya mavele lawa ma ha ku tsemiwaka yi ninginikaka hakona. 14  Ndhawu yo balekela eka yona yi fanele yi nga vi kona eka loyi a nga ni rivilo,+ naswona a nga kona loyi a nga ni matimba loyi a nga ta tiyisa matimba yakwe, a nga kona munhu wa matimba loyi a nga ta ponisa moya-xiviri wakwe.+ 15  A nga kona loyi a tamelaka vurha loyi a nga ta yima, a nga kona loyi a nga ni milenge ya rivilo loyi a nga ta baleka, a nga kona mugadi wa hanci loyi a nga ta ponisa moya-xiviri wakwe.+ 16  Loyi a tiyeke mbilu exikarhi ka vavanuna va matimba, u ta baleka a nga ambalanga nchumu esikwini rero,’+ ku vula Yehovha.”

Tinhlamuselo ta le hansi