Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

3 Yohane 1:1-14

 Nkulukumba,+ eka Gayo, murhandziwa loyi ndzi n’wi rhandzaka+ hi ntiyiso.  Murhandziwa,+ ndzi khongelela leswaku eka swilo hinkwaswo u fuwa+ ni ku va ni rihanyo+ lerinene, kukota leswi moya-xiviri wa wena wu fuwaka.+  Hikuva ndzi tsake ngopfu swinene loko ku te vamakwerhu va nyikela vumbhoni bya ntiyiso lowu u nga na wona, tanihi leswi u hambetaka u famba entiyisweni.+  Ndzi hava xivangelo lexikulu xa ku nkhensa ku tlula swilo leswi, ku twa leswaku vana va mina va tama va famba entiyisweni.+  Murhandziwa, u endla ntirho wo tshembeka eka xin’wana ni xin’wana lexi u xi endlelaka vamakwerhu,+ kasi i vafambi,+  lava nyikeleke vumbhoni bya rirhandzu ra wena emahlweni ka vandlha. Lava ndzi kombela leswaku u va fambisa hi mukhuva lowu fanelaka Xikwembu.+  Hikuva va hume hikwalaho ka vito ra xona va nga teki nchumu+ eka vanhu va matiko.  Hikokwalaho, hina hi boheka ku amukela vanhu vo tano hi malwandla,+ leswaku hi va vatirhi-kulobye entiyisweni.+  Ndzi tsalele vandlha swin’wana, kambe Diyotrefo, loyi a lavaka ku tiveka emahlweni+ ka vona, xin’wana ni xin’wana+ lexi humaka eka hina a nga xi amukeli hi xichavo.+ 10  Hi yona mhaka leyi loko ndzi ta, ndzi nga ta endla leswaku ku tsundzukiwa mintirho ya yena leyi a tamaka a yi endla,+ a jakatseka hi hina hi marito+ yo homboloka. Nakambe, leswi a nga enerisekiki hi swilo leswi, yena a nga va amukeli hi xichavo vamakwerhu,+ naswona lava va lavaka ku va amukela+ u ringeta ku va sivela ni ku va hlongola+ evandlheni. 11  Murhandziwa, vana mutekeleri wa leswi nga swinene,+ kambe ku nga ri wa leswo biha. Loyi a endlaka leswinene u huma eka Xikwembu.+ Loyi a endlaka swo biha a nga si xi vona Xikwembu.+ 12  Demetriyo u nyikeriwe vumbhoni hi vanhu hinkwavo ni hi ntiyiso hi woxe. Entiyisweni, na hina hi nyikela vumbhoni,+ naswona wa swi tiva leswaku vumbhoni lebyi hi byi nyikelaka i bya ntiyiso.+ 13  A ndzi ri ni swilo swo tala swa ku ku tsalela swona, kambe a ndzi naveli ku tama ndzi ku tsalela hi inki ni xitsalo.+ 14  Kambe ndzi langutela ku ku vona ku nga ri khale, naswona hi ta vulavula hi langutanile.+ Onge u nga va ni ku rhula.+ Vanakulorhi va ku rungula.+ Ndzi rungulele+ vanakulorhi hi mavito.

Tinhlamuselo ta le hansi