Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vatesalonika 3:1-18

3  Xo hetelela, vamakwerhu, yanani emahlweni mi hi khongelela,+ leswaku rito ra Yehovha+ ri hambeta ri famba hi rivilo+ ni ku vangamisiwa tanihi leswi entiyisweni swi nga tano eka n’wina;  ni leswaku hi kutsuriwa eka vanhu+ lava vavisaka ni lava hombolokeke, hikuva ripfumelo a hi ra vanhu+ hinkwavo.  Kambe Hosi ya tshembeka, yi ta mi tiyisa ni ku mi sirhelela eka lowo homboloka.+  Ku tlula kwalaho, hi ni ku tiyiseka+ eHosini malunghana na n’wina, leswaku ma swi endla swilo leswi hi swi lerisaka+ ni leswaku mi ta ya emahlweni mi swi endla.  Onge Hosi yi nga ya emahlweni yi kongomisa timbilu ta n’wina hilaha ku humelelaka leswaku mi rhandza+ Xikwembu ni leswaku mi tiyisela+ hikwalaho ka Kreste.  Sweswi ha mi lerisa,+ vamakwerhu, hi vito ra Hosi Yesu Kreste, leswaku mi hambana+ ni makwerhu un’wana ni un’wana la fambaka hi ndlela leyi nga hlelekangiki+ naswona a nga fambiki hi ku ya hi ndhavuko lowu mi wu amukeleke eka hina.+  Hikuva n’wina ma yi tiva ndlela leyi mi faneleke mi hi+ tekelela ha yona, hikuva a hi tikhomanga hi ndlela leyi nga hlelekangiki exikarhi ka n’wina+  naswona a hi dyanga swakudya mahala+ hambi ku ri eka mani. Ku hambana ni sweswo, hi ku tikarhata+ ni hi ntirho wa matimba, vusiku ni nhlikanhi a hi tirha leswaku hi nga tikirheti ndzhwalo wo tika hambi ku ri eka mani wa n’wina.+  Ku nga ri leswaku a hi na mfanelo,+ kambe leswaku hi tinyikela ku va xikombiso eka n’wina leswaku mi tekelela hina.+ 10  Entiyisweni, ni loko ha ha ri na n’wina, a hi tshamela ku mi lerisa+ hi ku: “Loko munhu a nga lavi ku tirha, ni ku dya a nga tshuki a dya.”+ 11  Hikuva hi twa leswaku van’wana va famba hi ndlela leyi nga hlelekangiki+ exikarhi ka n’wina, a va tirhi nikatsongo kambe va nghenelela eka leswi nga va khumbiki.+ 12  Vanhu vo tano hi va lerisa ni ku va khongotela eka Hosi Yesu Kreste leswaku loko va tirha hi ku rhula va ta dya swakudya leswi va tikumelaka+ swona hi voxe. 13  Loko ku ri n’wina, vamakwerhu, mi nga tshiki ku endla leswi lulameke.+ 14  Kambe loko munhu a nga yingisi rito+ ra hina hi papila leri, tshamani mi n’wi funghile,+ tshikani ku tihlanganisa na yena,+ leswaku a ta khomiwa hi tingana.+ 15  Hambiswiritano mi nga n’wi teki a ri nala, kambe hambetani mi n’wi tsundzuxa+ kukotisa makwenu. 16  Onge Hosi ya ku rhula yi nga mi nyika ku rhula nkarhi hinkwawo hi tindlela+ hinkwato. Hosi a yi ve na n’wina hinkwenu. 17  Hi lawa marungula ya mina Pawulo, lama tsariweke hi voko+ ra mina, leswi nga mfungho epapileni rin’wana ni rin’wana; leyi hi yona ndlela leyi ndzi tsalaka ha yona. 18  Musa lowu nga faneriwiki+ wa Hosi ya hina Yesu Kreste a wu ve na n’wina hinkwenu.

Tinhlamuselo ta le hansi