Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vatesalonika 2:1-17

2  Hambiswiritano, vamakwerhu, malunghana ni vukona+ bya Hosi ya hina Yesu Kreste ni ku hlengeleteriwa ka hina eka yena,+ hi kombela leswaku n’wina  mi nga ninginisiwi hi ku hatlisa emianakanyweni ya n’wina hambi ku ri ku nyanyuriwa hi marito lama huhuteriweke+ kumbe hi rungula+ ra nomu kumbe hi papila+ leri vonakaka onge ri huma eka hina, ri kombisa leswaku siku+ ra Yehovha ri fikile.  Ku nga tshuki ku va ni la mi kanganyisaka hi mukhuva wo karhi, hikuva a ri nge fiki ku nga si fika vugwinehi+ ni munhu wo kala nawu+ a nga si hlavuteriwa,+ n’wana wa ku lovisiwa.+  U lwisana+ a tlhela a titlakusela ehenhla ka un’wana ni un’wana la vuriwaka “xikwembu” kumbe xilo lexi xiximiwaka, lerova u tshama ehansi etempeleni ya Xikwembu, a tikombisa erivaleni leswaku i xikwembu.+  Xana a mi tsundzuki leswaku, loko ndza ha ri na n’wina, a ndzi tshamela ku mi byela+ swilo leswi?  Kutani sweswi se ma xi tiva xilo+ lexi nga xirhalanganya,+ leswaku a ta hlavuteriwa enkarhini+ wakwe lowu faneleke.  I ntiyiso, xihundla xa ku kala nawu loku ana se xa tirha;+ kambe ku fikela ntsena loko loyi a nga xirhalanganya enkarhini wolowu a suka endleleni.+  Kunene lowo kala nawu u ta hlavuteriwa, loyi Hosi Yesu a nga ta n’wi dlaya hi moya wa nomu+ wakwe a n’wi herisa loko vukona+ byakwe byi humelela erivaleni.  Kambe vukona bya lowo kala nawu byi fambisana ni matirhelo+ ya Sathana ni mintirho hinkwayo ya matimba hi mahlori ya mavunwa ni swihlamariso+ 10  ni hi vuxisi+ hinkwabyo lebyi nga lulamangiki eka lava va lovaka,+ leswi nga ndzihiso hikuva a va ku amukelanga ku rhandza+ ntiyiso leswaku va ta ponisiwa. 11  Hi yona mhaka leyi Xikwembu xi tshikaka matirhelo ya xidyoho ma hundzela eka vona, leswaku va ta kholwa mavunwa,+ 12  leswaku hinkwavo va avanyisiwa hikuva a va wu kholwanga ntiyiso+ kambe va tsakele leswi nga lulamangiki.+ 13  Hambiswiritano, hi boheka ku nkhensa Xikwembu minkarhi hinkwayo hikwalaho ka n’wina, vamakwerhu lava rhandziwaka hi Yehovha, hikuva Xikwembu xi mi lange+ ku sukela eku sunguleni leswaku mi ponisiwa hi ku mi kwetsimisa+ hi moya+ ni hi ripfumelo ra n’wina entiyisweni.+ 14  Xi mi vitanele swona leswi hi mahungu lamanene lawa hi ma vulaka,+ leswaku mi kuma ku vangama ka Hosi ya hina Yesu Kreste.+ 15  Hikwalaho, vamakwerhu, yimani mi tiyile+ naswona mi hambeta mi khomelela emindhavukweni+ leyi mi dyondzisiweke yona, ku nga khathariseki leswaku a ku ri hi rungula ra nomu kumbe hi papila ra hina. 16  Ku tlula kwalaho, onge Hosi ya hina Yesu Kreste hi byakwe ni Xikwembu Tata wa hina, lava hi rhandzeke+ naswona va hi nyikeke nchavelelo lowu nga heriki ni ntshembo+ lowunene hi musa lowu nga faneriwiki, 17  va nga chavelela timbilu ta n’wina ni ku mi tiyisa exiendlweni xin’wana ni xin’wana lexinene ni le ritweni.+

Tinhlamuselo ta le hansi