Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 9:1-15

9  Kutani malunghana ni vutirheli+ lebyi nga bya vakwetsimi, ndzi nga va ndzi swi hundzeleta loko ndzi mi tsalela ha byona,  hikuva ndza yi tiva mianakanyo ya n’wina yo lungheka leyi ndzi tibumaka ha yona eka va le Makedoniya malunghana na n’wina, leswaku Akaya ri tshame ri lunghekile ku ringana lembe+ sweswi, naswona vunyingi bya vona byi khutaziwe hi ku hiseka ka n’wina.  Kambe ndzi mi rhumela vamakwerhu, leswaku ku tibuma ka hina ha n’wina ku nga vi ka hava emhakeni leyi, kambe leswaku mi ta lungheka+ hakunene, hilaha a ndzi tala ku vula hakona leswaku mi ta va mi lunghekile.  Loko swi nga ri tano, hi ndlela yo karhi, loko va le Makedoniya vo ta na mina va mi kuma mi nga lunghekanga, hina—ku nga ri n’wina—hi ta khomiwa hi tingana hi ku tiyiseka loku ka hina.  Hikokwalaho ndzi ehlekete leswaku swi fanerile leswaku ndzi khutaza vamakwerhu va ta eka n’wina ka ha ri emahlweni ni ku lunghiselela ka ha ri emahlweni nyiko ya n’wina ya ku hanana leyi tshembisiweke+ ka ha ri emahlweni, leswaku yi ta lungheka yi ri nyiko ya ku hanana naswona ku nga ri nchumu lowu dyeleriweke.+  Kambe malunghana ni leswi, loyi a byalaka katsongo,+ u ta tlhela a tshovela katsongo; naswona loyi a byalaka hi xitalo,+ u ta tlhela a tshovela hi xitalo.  Un’wana ni un’wana a a endle hilaha a boheke hakona embilwini yakwe, ku nga ri hi ku vilela+ kumbe hi ku sindzisiwa, hikuva Xikwembu xi rhandza munyiki+ la tsakeke.  Ku tlula kwalaho, Xikwembu xa swi kota ku endla leswaku musa wa xona hinkwawo lowu nga faneriwiki wu mi talela, leswaku, hambiloko minkarhi hinkwayo mi eneriseke hilaha ku heleleke eka hinkwaswo, mi va ni swo tala entirhweni+ wun’wana ni wun’wana lowunene.  (Hilaha ku tsariweke hakona: “Xi ave hinkwako-nkwako, xi nyike lava nga swisiwana, ku lulama ka xona ku tshama hi masiku.”+ 10  Kutani yena la nyikaka mbewu hi xitalo eka muhaxi ni xinkwa xo dya,+ u ta mi nyika mbewu a tlhela a mi andzisela yona leswaku mi yi haxa naswona u ta engetela ntswalo wa ku lulama ka n’wina.)+ 11  Ma fuwisiwa eka hinkwaswo, mi fuwiseriwa ku hanana ka mixaka hinkwayo, loku humesaka marito ya ku nkhensa eka Xikwembu+ ha hina; 12  hikuva vutirheli bya ntirho lowu wa le rivaleni a hi ku enerisa hi xitalo ntsena leswi laviwaka hi vakwetsimi,+ kambe i ku tlhela ku fuwisiwa hi marito yo tala ya ku nkhensa Xikwembu. 13  Hi xitiyisekiso lexi nyikeriwaka hi vutirheli lebyi, va vangamisa Xikwembu hikuva mi titsongahatela mahungu lamanene malunghana na Kreste,+ hilaha mi vulaka hakona erivaleni leswaku ma titsongahata, ni hikwalaho ka leswi mi hananaka emunyikelweni wa n’wina eka vona ni le ka hinkwavo;+ 14  naswona hi ku mi kombelela, va mi kumbuka hikwalaho ka musa lowu nga faneriwiki+ lowukulu wa Xikwembu lowu nga eka n’wina. 15  A ku nkhensiwe Xikwembu hikwalaho ka nyiko+ ya xona ya mahala leyi nga hlamuselekiki.

Tinhlamuselo ta le hansi