Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 8:1-24

8  Sweswi ha mi tivisa, vamakwerhu, hi ta musa lowu nga faneriwiki wa Xikwembu lowu nyikiweke mavandlha ya Makedoniya,+  leswaku hi nkarhi wa ndzingo lowukulu loko va xaniseka, ntsako wa vona lowukulu ni vusiwana bya vona lebyikulu swi andzise+ rifuwo ra ku hanana ka vona.  Hi ku ya hi vuswikoti+ bya vona bya xiviri, ina, ndzi nyikela vumbhoni, leswi a swi ri ehenhla ka vuswikoti bya vona bya xiviri,  kasi vona a va hambeta va hi kombela hi xikhongotelo lexikulu hi ku tilavela ka vona lunghelo ra ku nyika ka musa ni ra ku hlanganyela evutirhelini lebyi vekeriweke vakwetsimi.+  Ku nga ri ntsena hilaha a hi tshembe hakona, kambe va sungule va tinyikela eHosini+ ni le ka hina hi ku ya hi ku rhandza ka Xikwembu.  Leswi swi hi susumetele ku khutaza Tito+ leswaku, leswi ku nga yena la swi sunguleke exikarhi ka n’wina, xisweswo u fanele a tlhela a hetisa ku nyika loku fanaka ka musa eka n’wina.  Nilokoswiritano, leswi mi andzaka eka hinkwaswo,+ eripfumelweni ni le ritweni ni le vutivini+ ni le ku gingiritekeni hinkwako ni le rirhandzwini leri ra hina eka n’wina, onge na n’wina mi nga andza eku nyikeni loku ka musa.  A hi ndlela ya ku mi lerisa,+ kambe ndzi vulavula hi ndlela leyi hikwalaho ka ku gingiriteka ka van’wana ni ku kambela ku tiya ka rirhandzu ra n’wina.  Hikuva ma wu tiva musa lowu nga faneriwiki wa Hosi ya hina Yesu Kreste, leswaku hambileswi a a fuwile, u ve xisiwana hi mhaka+ ya n’wina, leswaku mi fuwa+ hikwalaho ka vusiwana byakwe. 10  Malunghana ni leswi ndzi nyikela mavonelo+ ya mina: hikuva mhaka leyi yi pfuna n’wina,+ hi ku vona leswaku hi lembe leri ana se ri hundzeke, mi sungule ku swi endla, mi tlhela mi kombisa ni leswaku ma swi lava ku swi endla;+ 11  kutani sweswi, swi endleni mi heta, leswaku, leswi a mi lunghekele ku swi endla, xisweswo swi fanele swi hetisiwa hi leswi mi nga na swona. 12  Hikuva loko ku lungheka ku ri kona ku sungula, swi amukeleka hi ku hlawuleka hi ku ya hi leswi munhu a nga na swona,+ ku nga ri hi leswi a nga riki na swona. 13  A ndzi vuli swona leswaku van’wana+ swi va olovela, kambe n’wina swi mi nonon’hwela; 14  kambe hi ku ringanisela, leswi mi seleke na swona sweswi swi pfala ku kayivela ka vona, leswaku leswi va seleke na swona swi pfala ku kayivela ka n’wina, ku va+ ni ku ringana-ringana. 15  Hilaha ku tsariweke hakona: “Munhu loyi a a ri ni swo tala a nga kumanga swo tala ngopfu, ni munhu loyi a a ri ni switsanana a nga kumanga leswitsanana+ ngopfu.” 16  Kutani a ku nkhensiwe Xikwembu hi ku va xi veke ku mi gingiritekela loku fanaka embilwini ya Tito,+ 17  hikuva hakunene u amukele xikhutazo, kambe, hi ku gingiriteka ngopfu, u ta eka n’wina hi ku tilavela kakwe. 18  Kambe hi n’wi rhumela swin’we ni makwerhu loyi ndhuma yakwe mayelana ni mahungu lamanene yi hangalakeke emavandlheni hinkwawo. 19  Ku nga ri sweswo ntsena, kambe u tlhele a vekiwa+ hi mavandlha leswaku a va n’wendzi-kulorhi mayelana ni nyiko leyi ya musa leyi nga ta tameriwa hi hina leswaku ku vangamisiwa+ Hosi ni leswaku xi va xitiyisekiso xa mianakanyo+ ya hina leyi lunghekeke. 20  Xisweswo hi papalata leswaku ku nga vi na munhu hambi a ri wihi la kumaka xihoxo+ eka hina mayelana ni munyikelo+ lowu wo hanana lowu nga ta tameriwa hi hina. 21  Hikuva hi “endla lunghiselelo ro tshembeka, ku nga ri ntsena emahlweni ka Yehovha, kambe ni le mahlweni ka vanhu.”+ 22  Ku tlula kwalaho, hi n’wi rhumela ni makwerhu loyi hakanyingi hi kombiseke eka swilo swo tala leswaku wa gingiriteka, kambe sweswi u gingiriteka ngopfu swinene hikwalaho ka ku tiyiseka lokukulu ha n’wina. 23  Kambe, loko ku ri ni xivutiso xo karhi malunghana na Tito, u hlanganyela na mina naswona i mutirhi-kulorhi+ leswaku mi vuyeriwa; kumbe loko ku ri malunghana ni vamakwerhu, i vaapostola va mavandlha ni ku vangama ka Kreste. 24  Hikokwalaho va kombiseni xitiyisekiso xa rirhandzu+ ra n’wina ni xa leswi hi tibumeke+ ha swona malunghana na n’wina, emahlweni ka mavandlha.

Tinhlamuselo ta le hansi