Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 6:1-18

6  Leswi hi tirhaka na xona,+ ha mi kombela nakambe leswaku mi nga amukeli musa lowu nga faneriwiki wa Xikwembu kutani mi hupa xikongomelo+ xa wona.  Hikuva xi ri: “Hi nkarhi lowu amukelekaka ndzi mi twile, naswona hi siku ra ku ponisiwa ndzi mi pfunile.”+ Maswivo! Sweswi ngopfu-ngopfu i nkarhi+ lowu amukelekaka. Maswivo! Sweswi i siku ra ku ponisiwa.+  A hi nyiki xivangelo ni xin’we xa ku khunguvanyeka+ hi ndlela hambi yi ri yihi, leswaku vutirheli bya hina byi nga kumiwi byi ri ni xihoxo;+  kambe hi ndlela yin’wana ni yin’wana hi tibumabumela+ tanihi vatirheli va Xikwembu, hi ku tiyisela swo tala, hi mahlomulo, hi swiyimo swa ku pfumala, hi ku nonon’hweriwa,+  hi ku biwa, hi makhotso,+ hi mimpfilumpfilu, hi mintirho, hi vusiku bya nkelunkelu, hi minkarhi yo pfumala swakudya,+  hi vutengi, hi vutivi, hi ku va ni mbilu yo leha,+ hi musa,+ hi moya lowo kwetsima, hi rirhandzu ro pfumala vukanganyisi,+  hi ku vulavula loku nga ka ntiyiso, hi matimba ya Xikwembu;+ hi matlhari+ ya ku lulama evokweni ra xinene ni ra ximatsi,  hi ku vangama ni ku khomisiwa tingana, hi xiviko xo biha ni xiviko lexinene; tanihi vaxisi+ kambe hi ni ntiyiso,  tanihi lava nga tiviwiki kambe ha tiviwa,+ tanihi lava faka kasi, waswivo, ha hanya,+ tanihi lava tshinyiwaka+ kasi a hi yisiwi eku feni,+ 10  tanihi lava nga ni mbitsi kambe hi tshama hi tsakile, tanihi swisiwana kambe hi fuwisa vo tala, tanihi lava nga riki na nchumu kambe hi ni swilo hinkwaswo.+ 11  Nomu wa hina wu pfulekile eka n’wina, Vakorinto, timbilu+ ta hina ti ndlandlamukile. 12  A mi manyananga eka hina,+ kambe mi manyanile eka xinakulobye+ xa n’wina lexikulu. 13  Kutani, ku fana ni ku tlherisela eka n’wina—ndzi vulavula onge hi loko ndzi vulavula ni vana+—na n’wina, ndlandlamukani. 14  Mi nga paniwi ni lava va nga riki vapfumeri.+ Hikuva ku lulama ni ku kala nawu swi ni xinakulobye xihi?+ Kumbe ku vonakala ni munyama+ swi hlangana kwihi? 15  Ku tlula kwalaho, ku ni ntwanano wihi exikarhi ka Kreste na Beliyali?+ Kumbe munhu la pfumelaka u ni xiphemu+ xihi ni loyi a nga riki mupfumeri? 16  Naswona tempele ya Xikwembu yi ni ntwanano wihi ni swifaniso swa hava?+ Hikuva hina hi tempele+ ya Xikwembu lexi hanyaka; hilaha Xikwembu xi vuleke hakona xi ku: “Ndzi ta tshama exikarhi ka vona+ ndzi tlhela ndzi famba exikarhi ka vona, naswona ndzi ta va Xikwembu xa vona kutani vona va ta va vanhu+ va mina.” 17  “‘Hikokwalaho humani exikarhi ka vona, mi tihambanisa,’ ku vula Yehovha, ‘naswona tshikani ku khumba xilo lexi nga basangiki’”;+ “‘kutani ndzi ta mi amukela.’”+ 18  “‘Ndzi ta va tata wa n’wina,+ kutani n’wina mi ta va vana va mina+ va majaha ni va vanhwanyana,’ ku vula Yehovha wa Matimba Hinkwawo.”+

Tinhlamuselo ta le hansi