Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 5:1-21

5  Hikuva ha swi tiva leswaku loko yindlu+ ya hina ya laha misaveni, ku nga ntsonga+ lowu, yi hahluka,+ hi ta kuma muako lowu humaka eka Xikwembu, ku nga yindlu leyi nga endliwangiki hi mavoko,+ leyi nga riki na makumu+ ematilweni.  Hikuva endlwini leyi ya ku tshama eka yona ha konya+ hakunene, hi navela swinene ku ambala leyi nga ya hina leyi humaka etilweni,+  leswaku, loko hi yi ambarile hakunene, a hi nge kumiwi hi nga ambalanga.+  Entiyisweni, hina lava hi nga entsongeni lowu ha konya, hi tshikileriwile; hikuva a hi lavi ku yi hluvula, kambe hi lava ku ambala yin’wana,+ leswaku leswi faka swi mitiwa hi vutomi.+  Kutani loyi a hi lunghiseleleke xilo xolexi i Xikwembu,+ lexi hi nyikeke mfungho+ wa leswi nga ta ta, ku nga moya.+  Hikokwalaho minkarhi hinkwayo hi ni xivindzi lexi tiyeke naswona ha swi tiva leswaku, loko ha ha ri ni kaya ra hina emirini, a hi kona eHosini,+  hikuva hi famba hi ripfumelo, ku nga ri hi ku vona.+  Kambe hi ni xivindzi lexi tiyeke naswona hi swi tsakela swinene ku hambana ni miri ni ku endla kaya ra hina swin’we ni Hosi.+  Hikokwalaho hi tlhela hi swi endla xikongomelo xa hina leswaku, ku nga khathariseki leswaku hi ni kaya ra hina eka yena kumbe a hi kona eka yena,+ hi amukeleka eka yena.+ 10  Hikuva hinkwerhu hi fanele hi kombisiwa emahlweni ka xitshamo xa vuavanyisi xa Kreste,+ leswaku un’wana ni un’wana a ta kuma hakelo yakwe hi swilo leswi endliwaka hi ku tirhisa miri, hi ku ya hi swilo leswi a a hanya hi swona, swi nga ha va swi ri swinene kumbe swi bihile.+ 11  Hikokwalaho, hi ku tiva ku chava+ ka Hosi, hi tshamela ku khorwisa+ vanhu, kambe hina hi kombisiwile eka Xikwembu. Hambiswiritano, ndzi tshemba leswaku hi kombisiwile emapfalweni+ ya n’wina. 12  Nakambe a hi tibumabumeli+ eka n’wina, kambe hi mi nyika xivangelo xa ku tibuma malunghana na hina,+ leswaku mi ta swi kota ku hlamula lava tibumaka hi ku languteka+ ka le handle kambe ku nga ri ka mbilu.+ 13  Hikuva loko a hi hlanya,+ a hi ta va hi hlanya eka Xikwembu; loko hi hlutekile emianakanyweni,+ hi hlutekele n’wina. 14  Hikuva rirhandzu leri Kreste a nga na rona ra hi susumeta, hikuva leswi hi swona leswi hi swi avanyiseke, leswaku munhu un’we u fele hinkwavo;+ xisweswo hinkwavo va file; 15  naswona u fele hinkwavo leswaku lava va hanyaka va nga ha tihanyeli,+ kambe va hanyela loyi+ a va feleke a tlhela a pfuxiwa.+ 16  Hikwalaho ku sukela sweswi a hi tivi munhu hi tlhelo ra nyama.+ Hambiloko hi tive Kreste hi tlhelo ra nyama,+ hakunene sweswi a ha ha n’wi tivisi xisweswo nikatsongo.+ 17  Hikwalaho loko un’wana a ri ni vun’we na Kreste, u va xivumbiwa lexintshwa;+ swilo swa khale swi hundzile,+ waswivo, ku ni swilo leswintshwa.+ 18  Kambe swilo hinkwaswo swi huma eka Xikwembu, lexi endleke leswaku hi vuyelelana+ na xona ha Kreste xi tlhela xi hi nyika vutirheli+ bya ku vuyelelana, 19  hileswaku, Xikwembu ha Kreste+ xi endle leswaku misava+ yi vuyelelana na xona,+ a xi yi hlayeli swivi+ swa yona, naswona xi hi nyike rito+ ra ku vuyelelana.+ 20  Hikokwalaho hi+ vayimeri+ lava khomelaka Kreste,+ onge hi loko Xikwembu xi endla xikombelo ha hina.+ Leswi hi nga vakhomeri va Kreste ha kombela+ hi ku: “Vuyelelanani ni Xikwembu.” 21  Loyi a nga xi tivangiki xidyoho+ u endliwe a va xidyoho+ hikwalaho ka hina, leswaku hina hi ta va ku lulama+ ka Xikwembu ha yena.

Tinhlamuselo ta le hansi