Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 2:1-17

2  Hikuva ndzi tiendlele xiboho lexi hi ndzexe, leswaku ndzi nga vuyi eka n’wina ndzi hlunamile.+  Hikuva loko ndzi mi hlunamisa,+ kunene i mani la nga ta ndzi khanisa loko ku nga ri yena loyi mina ndzi n’wi hlunamiseke?  Kutani ndzi tsale swilo leswi, leswaku, loko ndzi ta, ndzi nga hlunamisiwi+ hi lava a ndzi fanele ku tsaka+ ha vona; hikuva ndza tiyiseka+ hi n’wina hinkwenu leswaku ntsako lowu ndzi nga na wona i wa n’wina hinkwenu.  Hikuva ndzi mi tsalele hi mihloti yo tala hikwalaho ka nhlomulo lowukulu ni hi mbilu yo vaviseka,+ ku nga ri leswaku mi hlunamisiwa,+ kambe leswaku mi tiva rirhandzu leri ndzi nga na rona ngopfu-ngopfu eka n’wina.  Loko munhu a vange ku hlunama,+ a nga hlunamisanga mina, kambe u mi hlunamise hinkwenu hi mpimo wo karhi—ndzi nga mi tikerisi ngopfu hi leswi ndzi swi vulaka.  Ku tshinya+ loku, loku nyikeriweke hi vunyingi ku enele eka munhu wo tano,  lerova ku hambana ni sweswo, sweswi mi fanele mi n’wi rivalela+ hi musa ni ku n’wi chavelela, leswaku hi ndlela yo karhi munhu wo tano a nga mitiwi hi ku hlunama+ ngopfu.  Hikokwalaho ndza mi khongotela leswaku mi tiyisekisa rirhandzu+ ra n’wina eka yena.  Hikuva ndzi tsala leswaku ndzi kumisisa xitiyisekiso xa n’wina, ku vona loko mi yingisa swilo+ hinkwaswo. 10  Xilo xin’wana ni xin’wana lexi mi rivalelaka mani na mani hi musa, na mina+ ndza n’wi rivalela. Entiyisweni, loko ku ri mina, xin’wana ni xin’wana lexi ndzi xi rivaleleke hi musa, loko ndzi rivalele hi musa xilo xo karhi, a ndzi rivalela hikwalaho ka n’wina emahlweni ka Kreste; 11  leswaku hi nga tlhariheriwi hi Sathana,+ hikuva ha ma tiva makungu+ yakwe. 12  Kutani loko ndzi fika eTrowasi+ ku ya vula mahungu lamanene malunghana na Kreste, xisweswo ndzi pfuleriwa nyangwa eHosini,+ 13  a ndzi kumanga ku wisa emoyeni wa mina hikwalaho ka ku va ndzi nga n’wi kumanga Tito+ makwerhu, kambe ndzi va lerile ndzi hundzela eMakedoniya.+ 14  Kambe a ku nkhensiwe Xikwembu lexi minkarhi hinkwayo xi hi kongomisaka+ enxaxamelweni wa ku hlula hi fambisana+ na Kreste naswona xi endla nun’hwelo wa ku tiviwa ka xona wu twiwa ha hina endhawini+ yin’wana ni yin’wana! 15  Hikuva eka Xikwembu hi nun’hwelo+ wo nandziha wa Kreste exikarhi ka lava ponisiwaka ni le xikarhi ka lava lovaka;+ 16  eka lavo hetelela hi nun’hwelo lowu humaka eku feni wu ya eku feni,+ eka lavo sungula hi nun’hwelo lowu humaka evuton’wini wu ya evuton’wini. Naswona i mani la fanelekaka kahle eka swilo leswi?+ 17  Hina ha faneleka; hikuva a hi vaxavisi va rito ra Xikwembu+ hilaha vanhu vo tala va nga hakona,+ kambe hi vulavula+ hi vutshembeki, ina, leswi hi rhumiweke hi Xikwembu, hi voniwa hi Xikwembu, swin’we na Kreste.

Tinhlamuselo ta le hansi