Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 13:1-14

13  Sweswi i ra vunharhu+ ndzi ta eka n’wina. “Mhaka yin’wana ni yin’wana yi fanele yi tiyisiwa+ hi nomu wa timbhoni timbirhi kumbe tinharhu.”  Leswi ndzi swi vuleke eku sunguleni, ndza swi vula ra vumbirhi, onge hiloko ndzi ri kona kasi a ndzi kona, ndzi swi vula ka ha ri emahlweni eka lava se va dyoheke ni le ka lavan’wana hinkwavo, leswaku loko ndzo tshuka ndzi ta nakambe a ndzi nge tsetseleli,+  hileswi mi lavaka xitiyisekiso xa leswaku Kreste u vulavula hi ku tirhisa mina,+ Kreste la nga tsanangiki eka n’wina kambe la nga ni matimba exikarhi ka n’wina.  I ntiyiso, hakunene u beleriwile+ hikwalaho ka ku tsana,+ kambe wa hanya hikwalaho ka matimba+ ya Xikwembu. Nakambe i ntiyiso leswaku na hina hi tsanile swin’we na yena, kambe hi ta hanya na yena+ hikwalaho ka matimba+ ya Xikwembu eka n’wina.  Tshamani mi ri karhi mi tikambela ku vona loko mi ri eripfumelweni, tshamani mi tikombisa leswi n’wina mi nga swona.+ Kumbe, xana a mi swi xiyi leswaku Yesu Kreste u ni vun’we na n’wina?+ Loko swi nga ri tano a mi amukeleki.  Ndza tshemba hakunene leswaku mi ta swi tiva leswaku hina ha amukeleka.  Kutani hi khongela+ eka Xikwembu leswaku mi nga endli nchumu lexi hoxeke, ku nga ri swona leswaku hina hi ta vonaka hi ri lava amukeriwaka, kambe leswaku n’wina mi ta endla leswi nga swinene, hambileswi hina hi nga ha vonakaka hi nga amukeleki.  Hikuva a hi nge swi koti ku endla nchumu wo karhi lowu kanetanaka ni ntiyiso, kambe ntsena hi nga endla lowu seketelaka ntiyiso.+  Hakunene ha tsaka nkarhi wun’wana ni wun’wana loko hina hi tsanile kambe n’wina mi ri ni matimba;+ naswona hi khongelela swoleswi,+ ku nga ku ololoxiwa ka n’wina. 10  Hi yona mhaka leyi ndzi tsalaka swilo leswi loko ndzi nga ri kona, leswaku, loko ndzi ri kona, ndzi nga endli hi matimba+ hi ku ya hi vulawuri lebyi Hosi yi ndzi nyikeke byona, byo aka+ ku nga ri ku hirimuxa. 11  Xo hetelela, vamakwerhu, yanani emahlweni mi tsaka, mi ololoxeka, mi chaveleleka,+ mi ehleketa hi ku twanana,+ mi hanya hi ku rhula;+ kutani Xikwembu xa rirhandzu ni ku rhula+ xi ta va na n’wina. 12  Xewetanani hi ku ntswontswana ko kwetsima.+ 13  Vakwetsimi hinkwavo va mi rungula. 14  Musa lowu nga faneriwiki wa Hosi Yesu Kreste ni rirhandzu ra Xikwembu ni ku hlanganyela eka moya lowo kwetsima a swi ve na n’wina hinkwenu.+

Tinhlamuselo ta le hansi