Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 12:1-21

12  Ndzi fanele ndzi tibuma. A swi pfuni nchumu; kambe ndzi ta hundzela eka swivono+ swa masingita ni le ka tinhlavutelo ta Hosi.  Ndzi tiva munhu loyi a nga ni vun’we na Kreste, loyi emalembeni ya 14 lama hundzeke—leswaku a a ri hi miri a ndzi swi tivi, kumbe a a nga ri hi miri a ndzi swi tivi; swi tiviwa hi Xikwembu—a tekeriweke+ etilweni ra vunharhu a ri tano.  Ina, ndza n’wi tiva munhu wo tano—leswaku a a ri hi miri kumbe a a nga ri hi miri,+ swi tiviwa hi Xikwembu—  leswaku u tekeriwe eparadeyisini+ kutani a twa marito lama nga vuriwiki, lawa swi nga pfumeleriwiki leswaku munhu a ma vula.  Ndzi ta tibuma hi munhu wo tano, kambe a ndzi nge tibumi ha mina, loko ku nga ri hi ku tsana+ ka mina.  Hikuva loko ndzo tshuka ndzi lava ku tibuma,+ a swi vuli swona leswaku ndzi ta va ndzi nga anakanyeli, hikuva ndzi ta va ndzi vulavula ntiyiso. Kambe ndzi tshika ku tibuma leswaku ku nga vi na munhu la engetelaka ndhuma leyi tlulaka leswi a vonaka ndzi ri xiswona kumbe leswi a swi twaka eka mina,  ntsena hikwalaho ka tinhlavutelo ta mina leti tlurisaka. Hikokwalaho, leswaku ndzi nga titwi ndzi tlakusiwe+ ku tlurisa, ndzi nghenisiwe mutwa enyameni,+ ntsumi ya Sathana, leswaku yi tshamela ku ndzi makala, leswaku ndzi nga tlakusiwi ku tlurisa.  Hikwalaho ka leswi ndzi kombele Hosi kanharhu+ leswaku wu suka eka mina;  kambe kunene yona yi ndzi byele yi ku: “Musa wa mina lowu nga faneriwiki wu enele+ ha wena; hikuva matimba ya mina ma endliwa lama hetisekeke eku tsaneni.”+ Hikokwalaho, hi ku tsaka lokukulu, swi nga antswa ndzi tibuma hi ku tsana+ ka mina, leswaku matimba ya Kreste ma tshama ehenhla ka mina ku fana ni ntsonga. 10  Hikokwalaho ndza tsaka eku tsaneni, eku rhukaniweni, eswiyin’weni swa ku pfumala, eku xanisiweni ni le ku nonon’hweriweni, hikwalaho ka Kreste. Hikuva loko ndzi tsanile, hi kona ndzi vaka ni matimba.+ 11  Ndzi ve la nga anakanyeliki. Mi ndzi sindzise leswaku ndzi va tano,+ hikuva hi n’wina lava a mi fanele mi ndzi bumabumerile. Hikuva a ndzi vanga wa le hansi eka vaapostola va n’wina lavanene+ ngopfu ni hi nchumu wun’we, hambileswi ndzi nga riki nchumu.+ 12  Hakunene, swikombiso swa muapostola+ swi endliwile exikarhi ka n’wina hi ku tiyisela+ hinkwako, ni hi masingita ni swihlamariso ni mintirho+ ya matimba. 13  Hikuva hi yihi mhaka leyi mi veke va le hansi eka yona ku tlula mavandlha laman’wana hinkwawo, loko ku nga ri swona leswaku mina a ndzi vanga ndzhwalo eka n’wina?+ Ndzi rivaleleni xihoxo lexi hi musa. 14  Maswivo! Se i ra vunharhu+ ndzi lunghekele ku ta eka n’wina, kambe a ndzi nge vi ndzhwalo. Hikuva a ndzi lavi swilo+ swa n’wina, kambe ndzi lava n’wina; hikuva vana+ a hi vona lava faneleke va hlayisela vatswari va vona, kambe i vatswari lava faneleke ku hlayisela vana+ va vona. 15  Loko ku ri mina ndzi ta tirhisa hinkwaswo leswi ndzi nga na swona hi ku tsaka lokukulu naswona ndzi ta tirhisiwa hi ku helela hikwalaho ka mimoya-xiviri+ ya n’wina. Loko ndzi mi rhandza hilaha ku teleke swinene, xana mina ndzi fanele ndzi rhandziwa katsongo? 16  Kambe niloko swi nga va tano, a ndzi mi vangelanga+ ndzhwalo. Nilokoswiritano, mi ri, a ndzi ri ni “vuxisi” naswona ndzi mi khome “hi mano.”+ 17  Hambi ku ri mani loyi ndzi n’wi rhumeke eka n’wina, a ndzi mi dyelelanga ha yena, a hi swona ke? 18  Ndzi khongotele Tito naswona ndzi n’wi rhumele eka n’wina a ri ni makwerhu. Tito a nga mi dyelelanga nikatsongo, a hi swona ke?+ Hi fambe hi moya+ wun’we, a hi swona ke? Hi fambe emitileni leyi fanaka, a hi swona ke? 19  Xana nkarhi lowu hinkwawo a mi ehleketa hi swilo leswi, leswaku hina a hi tihlamulela eka n’wina? Hi vulavula emahlweni ka Xikwembu mayelana na Kreste. Kambe, varhandziwa, swilo hinkwaswo i swa ku aka+ n’wina. 20  Hikuva ndza chava leswaku hi ndlela yo karhi, loko ndzi fika,+ ndzi nga mi kuma mi ri hi ndlela leyi ndzi nga yi naveliki leswaku mi va ha yona naswona ndzi nga tikomba ndzi ri hi ndlela leyi mi nga naveliki leswaku ndzi va yona eka n’wina, kambe, ku ri na sweswo, hi ndlela yo karhi ku nga ha va ni madzolonga, mavondzo,+ swiyimo swa ku hlundzuka, ku kanetana, ku hehla, ku hlevetela, swiyimo swa ku tikukumuxa, mimpfilumpfilu.+ 21  Kumbexana, loko ndzi tlhela ndzi ta, Xikwembu xa mina swi nga ha endleka xi ndzi tsongahata exikarhi ka n’wina, naswona ndzi nga ha kolola hikwalaho ka vo tala lava dyoheke+ eku sunguleni kambe va nga hundzukangiki ethyakeni ra vona ni le vumbhiseni+ ni le ku tikhomeni ko biha+ loku va hanyeke ha kona.

Tinhlamuselo ta le hansi