Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 11:1-33

11  Ndzi navela leswaku mi ndzi lehisela mbilu hi ku pfumala ku anakanyela+ lokutsongo. Kambe, entiyisweni, ma ndzi lehisela mbilu!  Hikuva ndzi ni mavondzo eka n’wina hi mavondzo+ ya vukwembu, hikuva mina hi xiviri ndzi mi vutele+ eka nuna+ un’we leswaku ndzi ta mi nyiketa mi ri nhwana la tengeke+ eka Kreste.+  Kambe ndza chava leswaku hi ndlela yo karhi, hilaha nyoka yi kanganyiseke Evha+ hakona hi vukanganyisi bya yona, mianakanyo ya n’wina yi nga onhiwa+ eka ku tshembeka ni ku tenga loku faneleke Kreste.+  Hikuva, hilaha swi nga hakona, loko un’wana a fika a ta chumayela ha Yesu un’wana ku nga ri yena loyi hi chumayelaka+ ha yena, kumbe mi amukela moya wun’wana ku nga ri wona lowu mi wu amukeleke,+ kumbe mahungu lamanene+ ku nga ri wona lawa mi ma amukeleke, mi n’wi+ lehisela mbilu hi ku olova.  Hikuva ndzi xiya leswaku a ndzi si kumeka ndzi ri wa le hansi+ hambi ku ri hi nchumu wun’we eka vaapostola va n’wina lavanene+ ngopfu.  Kambe hambiloko ndzi pfumala vutshila eku vulavuleni,+ hakunene a ndzi byi pfumali evutivini;+ kambe hi ndlela yin’wana ni yin’wana a hi byi kombisa eka n’wina eka swilo hinkwaswo.+  Kumbe, xana ndzi endle xidyoho hi ku titsongahata+ leswaku n’wina mi tlakusiwa, hileswi ndzi mi byeleke mahungu lamanene ya Xikwembu hi ku tsaka handle ka nxavo?+  Mavandlha man’wana ndzi ma kanganyisile hi ku amukela malunghiselelo ku endlela leswaku ndzi tirhela n’wina;+  kasi loko ndza ha ri na n’wina naswona ndzi wele eku pfumaleni, a ndzi vanga ndzhwalo ni le ka un’we,+ hikuva vamakwerhu lava humaka eMakedoniya+ va nyikele hi xitalo leswi ndzi swi kayivelaka. Ina, ndzi tihlayisile hi tindlela hinkwato leswaku ndzi nga vi ndzhwalo eka n’wina naswona ndzi ta ya emahlweni ndzi tihlayisa tano.+ 10  I ntiyiso+ wa Kreste eka mina leswaku a ku nge vekiwi xihinga eku tibumeni+ loku ka mina eswifundzheni swa Akaya. 11  Hi xivangelo xihi? Hikuva a ndzi mi rhandzi ke? Xikwembu xa swi tiva leswaku ndza mi rhandza.+ 12  Kutani leswi ndzi swi endlaka ndza ha ta swi endla,+ leswaku ndzi ta herisa vukanganyisi eka lava lavaka vukanganyisi leswaku va ta kumiwa va ringana na hina exikhundlheni lexi va tibumaka ha xona. 13  Hikuva vanhu vo tano i vaapostola va mavunwa, vatirhi+ lava xisaka, va tihundzula vaapostola va Kreste.+ 14  Naswona a swi hlamarisi, hikuva Sathana hi byakwe u tihundzula ntsumi ya ku vonakala.+ 15  Hikokwalaho a hi nchumu lowukulu loko vatirheli+ vakwe na vona va tihundzula vatirheli va ku lulama. Kambe makumu ya vona ma ta ya hi mintirho+ ya vona. 16  Nakambe ndzi ri, Ku nga vi na munhu la ehleketaka leswaku a ndzi anakanyeli. Kambe, loko kunene mi ehleketa tano, ndzi amukeleni hambiloko ndzi vonaka ndzi nga anakanyeli, leswaku na mina ndzi ta tibuma+ katsongo. 17  Leswi ndzi swi vulavulaka a ndzi swi vulavuli hi ku landza xikombiso xa Hosi, kambe i ndlela leyi vonakaka yi nga ri ya ku anakanyela, hi ku tiyiseka loku tlurisaka ka ku tibuma.+ 18  Leswi vo tala va tibumaka hi ku ya hi nyama,+ na mina ndzi ta tibuma. 19  Hikuva mi va lehisela mbilu hi ku tsaka vanhu lava nga anakanyeliki, hi ku vona leswaku n’wina ma anakanyela. 20  Entiyisweni, mi va lehisela mbilu hinkwavo lava va mi endlaka mahlonga,+ hinkwavo lava mitaka leswi mi nga na swona, hinkwavo lava tekaka leswi mi nga na swona, hinkwavo lava titlakusaka eka n’wina, hinkwavo lava mi baka exikandzeni.+ 21  Ndzi vula leswi tsongahataka hina, onge hi loko xiyimo xa hina xi tsanile. Kambe loko un’wana a endla hi vurhena eka nchumu wo karhi—a ndzi anakanyeli+ loko ndzi vulavula—na mina ndzi endla hi vurhena eka swona. 22  Xana vona i Vaheveru? Na mina ndzi yena.+ Xana vona i Vaisrayele? Na mina ndzi yena. Xana vona i mbewu ya Abrahama? Na mina ndzi yona.+ 23  Xana vona i vatirheli va Kreste? Ndzi angula kukotisa munhu la pengaka, mina ndzi mupengi lonkulu:+ emintirhweni ndzi lo vuya hi xitalo,+ emakhotsweni ndzi lo vuya hi xitalo,+ ndzi bukuteriwe hilaha ku tlurisaka, ndzi ve ekusuhi ni mafu ko tala.+ 24  Ka ntlhanu eka Vayuda ndzi kume minkhavi+ ya 40 ku sala wun’we, 25  ndzi biwe hi tinhonga+ kanharhu, ndzi khandliwe hi maribye+ kan’we, ndzi tshovekeriwe hi xikepe+ kanharhu, vusiku byin’we ni siku rin’we ndzi swi hete endzeni-ndzeni ka lwandle; 26  ndzi ve emaendzweni ko tala, emakhombyeni ya milambu, emakhombyeni ya tinsulavoya,+ emakhombyeni ya le rixakeni+ ra mina, ndzi ve emakhombyeni ya matiko,+ emakhombyeni emutini,+ emakhombyeni emananga, emakhombyeni elwandle, emakhombyeni exikarhi ka vamakwerhu va mavunwa, 27  entirhweni ni le ku tikarhateni, evusikwini+ bya nkelunkelu ko tala, endlaleni ni le torheni,+ eku pfumaleni ka swakudya+ ko tala, exirhamini ni le ku sweleni. 28  Handle ka swilo sweswo swa le handle, ku ni leswi swi ndzi kavanyetaka siku ni siku, ku vilela hi mavandlha+ hinkwawo. 29  I mani la tsaneke,+ kutani mina ndzi nga tsani? I mani la khunguvanyekaka, kutani mina ndzi nga hlundzuki? 30  Loko ku fanele ku va ni ku tibuma, ndzi ta tibuma+ hi swilo leswi yelanaka ni ku tsana ka mina. 31  Xikwembu ni Tata wa Hosi ya hina Yesu, xona lexi faneleke xi vongiwa hi masiku, xa swi tiva leswaku a ndzi hembi. 32  EDamaska, ndhuna-nkulu ehansi ka Areta lowa hosi a yi rindza muti wa Vadamaska leswaku yi ndzi khoma,+ 33  kambe ndzi nembeletiwe hi xirhundzu+ efasitereni ra rirhangu kutani ndzi baleka mavoko ya yona.

Tinhlamuselo ta le hansi