Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 10:1-18

10  Kutani mina, Pawulo, ndzi mi kombela hi ku rhula+ ni musa+ wa Kreste, hambileswi ndzi langutekaka+ ndzi solekile exikarhi ka n’wina, kasi loko ndzi nga ri kona ndzi ni vurhena eka n’wina.+  Hakunene ndza kombela leswaku, loko ndzi ri kona, ndzi nga tirhisi vurhena hi ku tiyiseka loku ndzi ehleketaka leswaku ndzi na kona ko teka magoza+ ya vurhena ku lwisana ni van’wana lava va hi tekaka onge hi loko hi famba hi ku ya hi leswi hi nga swona enyameni.  Hikuva hambiloko hi famba hi ku ya hi nyama,+ a hi lwi nyimpi hi ku ya hi leswi hi nga swona enyameni.+  Hikuva matlhari ya nyimpi ya hina a hi ya nyama,+ kambe Xikwembu+ hi xona xi ma nyikaka matimba leswaku ma wisetela swilo leswi simekiweke swi tiya.  Hikuva hi wisa makungu ni swilo hinkwaswo leswi tlakukeke leswi lwisanaka ni vutivi bya Xikwembu;+ hi tisa miehleketo hinkwayo evukhumbini leswaku hi yi endla yi yingisa Kreste;  naswona hi tshama hi lunghekele ku tisa nxupulo eka ku pfumala ku yingisa+ kun’wana ni kun’wana, hi ku hatlisa endzhaku ka loko ku yingisa ka n’wina ku hetisisiwe+ hi xitalo.  Mi languta swilo hi ku ya hi ku languteka ka swona.+ Loko munhu a titshemba leswaku i wa ka Kreste, a a tlhele a tsundzuka mhaka leyi, leswaku, leswi a nga wa ka Kreste, na hina hi tano.+  Hikuva hambiloko ndzo tibuma+ ngopfu ku tlurisa hi matimba lawa Hosi yi hi nyikeke wona leswaku hi mi aka, hi nga mi hirimuxi,+ a ndzi nge khomisiwi tingana,  leswaku ndzi nga vonaki ndzi lava ku mi tshukisa hi mapapila ya mina. 10  Hikuva, va ri: “Mapapila yakwe ma ni ntikelo naswona ma ni matimba, kambe loko a ri kona hi xiviri u tsanile+ naswona mhaka yakwe ya soleka.”+ 11  Munhu wo tano a a tsundzuke leswaku leswi hi nga swona hi rito ra hina hi ku tirhisa mapapila loko hi nga ri kona, hi ta va swona ni loko hi ri kona.+ 12  Hikuva a hi xinyati hi tikatsa exikarhi ka van’wana kumbe hi tifanisa ni van’wana lava tibumabumelaka.+ Hakunene leswi va tipimaka hi voxe naswona va tifanisaka hi voxe, a va na ku twisisa.+ 13  Loko ku ri hina hi ta tibuma, ku nga ri ehandle ka mindzilakana+ leyi hi vekeriweke yona, kambe hi ku ya hi ndzilakana wa tiko leri Xikwembu xi hi aveleke rona hi mpimo wo karhi, lowu xi wu endleke wu fika ni le ka n’wina.+ 14  Kunene a hi titshambuluti ku tlurisa onge hi loko hi nga fikanga eka n’wina, hikuva hi hina vo sungula ku fika ni le ka n’wina hi ri karhi hi vula mahungu lamanene malunghana na Kreste.+ 15  E-e, a hi tibumi ehandle ka mindzilakana leyi hi vekeriweke yona emintirhweni ya un’wanyana,+ kambe hi ni ntshembo wa leswaku, loko ripfumelo ra n’wina ri kula,+ hi ta endliwa lavakulu eka n’wina malunghana ni tiko+ ra hina. Kutani hi ta tala swinene, 16  hi vula mahungu lamanene ematikweni lama nga halahaya ka n’wina,+ leswaku hi nga tibumi hi tiko ra un’wanyana laha swilo ana se swi lunghisiweke kona. 17  “Kambe loyi a tibumaka, a a tibume eka Yehovha.”+ 18  Hikuva a nga amukeriwi+ loyi a tibumabumelaka, kambe ku amukeriwa+ munhu la bumabumeriwaka hi Yehovha.+

Tinhlamuselo ta le hansi