Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Vakorinto 1:1-24

1  Pawulo, muapostola+ wa Kreste Yesu hi ku rhandza ka Xikwembu, na Timotiya+ makwerhu, eka vandlha ra Xikwembu leri nga eKorinto, swin’we ni vakwetsimi+ hinkwavo lava nga hinkwako eAkaya:+  Onge mi nga va ni musa lowu nga faneriwiki ni ku rhula leswi humaka eka Xikwembu Tata wa hina ni le ka Hosi Yesu Kreste.+  A ku dzunisiwe Xikwembu tlhelo Tata+ wa Hosi ya hina Yesu Kreste, Tatana la nga ni tintswalo+ letikulu tlhelo Xikwembu xa nchavelelo+ hinkwawo,  lexi hi chavelelaka enhlomulweni+ wa hina hinkwawo, leswaku hi ta swi kota ku chavelela+ lava nga emahlomulweni ya mixaka-xaka hi nchavelelo lowu Xikwembu+ xi hi chavelelaka ha wona.  Hikuva ndlela leyi ku xaniseka ka Kreste ku andzaka ha yona eka hina,+ kutani ni nchavelelo lowu hi wu kumaka wa andza ha Kreste.+  Hambiloko hi ri enhlomulweni, swi endla leswaku mi kuma nchavelelo ni ku ponisiwa;+ kumbe loko hi chaveleriwa, swi endla leswaku mi kuma nchavelelo lowu mi endlaka mi tiyisela ku xaniseka loku na hina hi langutanaka na kona.+  Ntshembo wa hina ha n’wina a wu tsekatseki, hilaha hi swi tivaka hakona leswaku, leswi na n’wina mi xanisekaka, hi ndlela leyi fanaka na n’wina mi ta kuma nchavelelo.+  Hikuva a hi naveli leswaku mi nga tivi nchumu vamakwerhu, malunghana ni nhlomulo lowu wu hi endlekeleke emugangeni wa Asiya,+ leswaku a hi ri ehansi ka ntshikilelo lowukulu ngopfu lowu tlulaka ntamu wa hina, lerova a hi nga tiyiseki nikatsongo ni hi vutomi+ bya hina.  Entiyisweni, a hi titwa endzeni ka hina leswaku hi kume xigwevo xa rifu. Leswi swi endleke hi xikongomelo xa leswaku hi nga titshembi,+ kambe hi tshemba Xikwembu lexi pfuxaka lava feke.+ 10  Xi hi ponisile eka nchumu lowukulu ngopfu wo tanihi rifu naswona xi ta hi ponisa;+ hi tshembe xona leswaku xi ta ya emahlweni xi hi ponisa.+ 11  Na n’wina mi nga pfuna hi ku hi+ kombelela, leswaku vo tala va ta hi nkhensela+ hileswi hi nyikiweke swona hi musa hikwalaho ka swikandza+ swo tala leswi khongelaka. 12  Hikuva nchumu lowu hi tibumaka ha wona, lowu ripfalo ra hina ri nyikelaka vumbhoni+ ha wona, hileswaku hi tikhomile emisaveni, hi vukwetsimi ni vutshembeki bya vukwembu, ku nga ri hi ku tlhariha+ hi tlhelo ra nyama, kambe hi musa lowu nga faneriwiki wa Xikwembu, ngopfu-ngopfu eka n’wina. 13  Hakunene a hi mi tsaleli swilo swin’wana loko ku nga ri leswi mi swi tivaka kahle ni leswi mi swi xiyaka; leswi ndzi tshembaka leswaku mi ta hambeta mi swi xiya ku yisa emakumu,+ 14  hilaha na n’wina mi swi xiyeke hakona, hi mpimo wo karhi, leswaku hina hi xivangelo xa n’wina xa ku tibuma,+ tanihi leswi na n’wina mi nga ta va xivangelo xa hina xa ku tibuma hi siku ra Hosi ya hina Yesu.+ 15  Kutani, hi ku tiyiseka loku, a ndzi kunguhate ku ta eka n’wina,+ leswaku mi ta va ni nkarhi wa vumbirhi+ wa ku tsaka, 16  loko ndzi hundze hi le ka n’wina, ndzi ya eMakedoniya,+ ndzi tlhela ndzi vuya eka n’wina+ ndzi huma eMakedoniya naswona mi ndzi heleketanyana+ ndzi ya eYudiya. 17  Xisweswo, loko ndzi ri ni kungu ro tano, a ndzi nga tlangi+ nikatsongo, a hi swona ke? Kumbe loko ku ri ni swilo leswi ndzi kongomaka ku swi endla, xana ndzi kongoma ku swi endla hi tlhelo ra nyama,+ leswaku ndzi ku “Ina, Ina” na “E-e, E-e”?+ 18  Kambe ku nga tshembiwa Xikwembu leswaku mhaka leyi hi yi kongomisaka eka n’wina yi nga vi Ina yi tlhela yi va E-e. 19  Hikuva N’wana wa Xikwembu,+ Kreste Yesu, loyi hi chumayeleke ha yena exikarhi ka n’wina, ku nga mina na Silvhano na Timotiya,+ a a nga ri Ina a tlhela a va E-e, kambe eka yena+ Ina a a ri Ina. 20  Hikuva ku nga khathariseki leswaku switshembiso+ swa Xikwembu swi tarise ku yini, swi ve Ina ha yena.+ Hikokwalaho ha yena ku vuriwa leswaku “Amen”+ eka Xikwembu leswaku xi vangamisiwa ha hina. 21  Kambe Xikwembu hi xona xi tiyisekisisaka leswaku n’wina swin’we na hina hi va ka Kreste naswona hi xona xi hi toteke.+ 22  Xi tlhele xi veka ni mfungho+ wa xona eka hina naswona xi hi nyike xitiyisekiso+ xa leswi nga ta ta, ku nga moya,+ etimbilwini ta hina. 23  Kutani ndzi vitana Xikwembu leswaku xi va mbhoni+ leyi lwisanaka ni moya-xiviri wa mina leswaku i ku mi tsetselela,+ leswi ndzi nga si taka eKorinto. 24  Ku nga ri swona leswaku hi valawuri+ va ripfumelo ra n’wina, kambe hi vatirhi-kuloni+ entsakweni wa n’wina, hikuva mi yimile+ hikwalaho ka ripfumelo+ ra n’wina.

Tinhlamuselo ta le hansi