Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Timotiya 2:1-26

2  Hikokwalaho, wena n’wananga,+ hambeta u kuma matimba+ eka musa lowu nga faneriwiki+ mayelana na Kreste Yesu,  naswona swilo leswi u swi tweke eka mina hi ku seketeriwa hi timbhoni+ to tala, swilo leswi swi nyike vanhu vo tshembeka, lava, na vona, va nga ta faneleka kahle ku swi dyondzisa van’wana.+  Tanihi socha+ lerinene ra Kreste Yesu teka xiphemu xa wena eku tiyiseleni ka nhlomulo.+  A nga kona munhu la nga socha+ la tinghenisaka entirhweni wa bindzu wa vutomi,+ leswaku a ta amukeriwa hi loyi a n’wi tsariseke ku va socha.  Ku tlula kwalaho, hambiloko munhu a hlanganyela emphikizanweni emintlangweni,+ a nga tlhandlekiwi harhi handle ka loko a hlanganyele emphikizanweni hi ku ya hi milawu ya kona.  Murimi la tirhaka hi matimba u fanele a va wo sungula ku dya mihandzu+ ya kona.  Tshama u ri karhi u ehleketa hi leswi ndzi swi vulaka; hakunene Hosi yi ta ku nyika ku twisisa+ eka swilo hinkwaswo.  Tsundzuka leswaku Yesu Kreste u pfuxiwile eka lava feke+ naswona a a ri wa mbewu+ ya Davhida, hi ku ya hi mahungu lamanene lawa ndzi ma chumayelaka;+  lawa mayelana na wona ndzi tiyiselelaka nhlomulo ku fikela etimpecanini+ ta khotso tanihi muendli wa leswo biha. Nilokoswiritano, rito ra Xikwembu a ri bohiwanga.+ 10  Hikwalaho ka leswi, ndzi hambeta ndzi tiyisela swilo hinkwaswo hikwalaho ka vahlawuriwa,+ leswaku na vona va ta kuma ku ponisiwa evun’weni na Kreste Yesu ku katsa ni ku vangama+ loku nga heriki. 11  Rito+ leri ra tshembeka: Hakunene loko hi fe swin’we, hi ta tlhela hi hanya swin’we;+ 12  loko hi ya emahlweni hi tiyisela, hi ta tlhela hi va tihosi+ swin’we; loko hi landzula,+ na yena u ta hi landzula; 13  loko hi nga tshembeki, yena u tshama a tshembekile,+ hikuva a nge tilandzuli. 14  Hambeta u va tsundzuxa+ swilo leswi, va lerise+ tanihi mbhoni+ emahlweni ka Xikwembu, leswaku va nga kanetani hi marito,+ nchumu lowu nga pfuniki nikatsongo hikuva wu pfilunganya lava yingisaka. 15  Endla hinkwaswo leswi u nga swi kotaka leswaku u tivonakarisa u amukeleka+ eka Xikwembu, u ri mutirhi+ la nga riki na nchumu wo khomiwa hi tingana ha wona,+ u ri tamela khwatsi+ rito ra ntiyiso. 16  Kambe papalata mavulavulelo ya hava lama lwisanaka ni leswo kwetsima;+ hikuva va ta ya emahlweni va nga xi xiximi+ Xikwembu hilaha ku tlurisaka, 17  naswona rito ra vona ri ta hangalaka ku fana ni xilondza+ lexi hlakataka miri. Himenayo na Fileto va wela eka nhlayo+ yoleyo. 18  Vanhu lava va hambukile entiyisweni,+ va vula leswaku ku pfuka ka vafi se ku humelerile;+ naswona va onha ripfumelo ra van’wana.+ 19  Eka sweswo hinkwaswo, masungulo lama tiyeke ya Xikwembu ma tshama ma yimile,+ ma ri ni mfungho lowu: “Yehovha wa va tiva lava nga vakwe,”+ naswona: “Un’wana ni un’wana la vitanaka vito ra Yehovha+ a a fularhele leswi nga lulamangiki.”+ 20  Naswona endlwini leyikulu a ku na swibya swa nsuku ni swa silivhere ntsena kambe ni leswi vatliweke hi ntsandza ni swa vumba, swin’wana i swa xikongomelo lexi xiximekaka kambe swin’wanyana i swa xikongomelo lexi nga xiximekiki.+ 21  Hikokwalaho, loko munhu a papalata leswo hetelela, u ta va xibya xa xikongomelo xo xiximeka, xo kwetsima, lexi nga mpfuno eka n’wini wa xona, lexi lunghekeleke ntirho+ wun’wana ni wun’wana lowunene. 22  Xisweswo, balekela ku navela loku fambisanaka ni vuntshwa,+ kambe lavisisa ku lulama,+ ripfumelo, rirhandzu, ku rhula,+ swin’we ni lava va vitanaka Hosi hi mbilu+ yo basa. 23  Ku tlula kwalaho, fularhela swivutiso+ swa vuphukuphuku ni swo pfumala vutivi, hi ku tiva leswaku swi tswala tinyimpi.+ 24  Kambe hlonga ra Hosi a ri fanelanga ri lwa,+ kambe ri fanele ri olova eka hinkwavo,+ ri fanelekela ku dyondzisa,+ ri tikhoma eka leswo biha,+ 25  ri va letela hi ku rhula lava nga ni mboyamelo+ lowu nga riki wunene; hikuva swi nga ha endleka Xikwembu xi va nyika ku hundzuka+ loku yisaka evutivini lebyi kongomeke bya ntiyiso,+ 26  kutani va vuyela emianakanyweni ya vona leyi faneleke, va chupula entlhan’wini+ wa Diyavulosi, va swi vona leswaku u va phase va ri karhi va hanya+ leswaku va endla ku rhandza ka yena.

Tinhlamuselo ta le hansi