Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 9:1-31

9  Kutani hosi ya xisati ya le Xeba+ yi twa xiviko malunghana na Solomoni, hiloko yi fika yi ringa Solomoni hi swivutiso+ leswi rharhanganeke eYerusalema, yi ri ni nxaxamelo lowukulu ngopfu ni tikamela+ leti rhwaleke mafurha ya balsama,+ ni nsuku+ wo tala ngopfu ni maribye ya risima.+ Eku heteleleni yi fika eka Solomoni, yi vulavula na yena swilo hinkwaswo leswi a swi ri embilwini ya yona.+  Solomoni na yena a yi byela timhaka ta yona hinkwato,+ a ku nga ri na mhaka leyi tumbeleleke Solomoni leyi a nga yi byelangiki yona.+  Loko hosi ya xisati ya le Xeba yi vona vutlhari+ bya Solomoni ni yindlu leyi a yi akeke,+  ni swakudya swa tafula+ rakwe ni ndlela leyi malandza yakwe a ma tshama ha yona ni ntirho wa le tafuleni wa vaphameri vakwe ni tinguvu ta vona+ ni ndlela leyi a a nyikiwa swakunwa ha yona+ ni tinguvu ta vona, ni switlhavelo swakwe swo hisiwa+ leswi a a swi humesela yindlu ya Yehovha nkarhi ni nkarhi,+ a ka ha vanga na moya eka yona.  Hiloko yi ku eka hosi: “Rito leri ndzi ri tweke etikweni ra mina malunghana ni timhaka ta wena ni vutlhari bya wena i ntiyiso.+  A ndzi vanga na ripfumelo+ emaritweni ya vona ku fikela loko ndzi ta leswaku mahlo ya mina ma tivonela hi woxe;+ kutani waswivo, a ndzi byeriwanga hambi ku ri hafu ya vutlhari bya wena byo tala.+ U xi tlula ekule xiviko lexi ndzi xi tweke.+  Ku tsaka+ vavanuna va wena, ni malandza ya wena lawa ma yimaka emahlweni ka wena nkarhi hinkwawo naswona ma yingisa vutlhari bya wena.+  Onge Yehovha Xikwembu xa wena a nga dzunisiwa,+ loyi a ku tsakeleke+ hi ku ku veka exiluvelweni xa yena+ u va hosi ya Yehovha Xikwembu xa wena;+ hikuva Xikwembu xa wena xi rhandze+ Israyele, ku ri endla ri yima hilaha ku nga riki na makumu, kutani xi ku veka u va hosi+ ya vona leswaku u humesa xiboho xa vuavanyisi+ ni ku lulama.”+  Hiloko yi nyika hosi titalenta ta nsuku ta 120,+ ni mafurha+ ya balsama yo tala ngopfu ni maribye ya risima;+ a ma vanga kona mafurha ya balsama lama fanaka ni lawa hosi ya xisati ya Xeba yi ma nyikeke Hosi Solomoni.+ 10  Handle ka sweswo, malandza ya Hiramu+ ni malandza ya Solomoni lama tiseke nsuku+ ku suka eOfiri ma tise timhandzi ta mirhi ya algama+ ni maribye ya risima.+ 11  Kutani hosi yi tirhisa timhandzi ta mirhi ya algama ku endla swikhandziyo+ swa yindlu ya Yehovha ni swa yindlu ya hosi+ ni tiharipa+ ni swichayachayana+ swa switende swa vayimbeleri,+ a ku nga si tshama ku voniwa swo fana na swona etikweni ra Yuda. 12  Hosi Solomoni a nyika hosi ya xisati+ ya Xeba hinkwaswo leswi swi yi tsakisaka leswi yi swi kombeleke, ku nga hlayiwi swilo leswi yi swi tiseleke hosi. Hiloko yi hundzuluka yi famba, yona ni malandza ya yona.+ 13  Ntiko wa nsuku lowu wu fikeke eka Solomoni hi lembe rin’we a ku ri titalenta ta nsuku ta 666,+ 14  ku nga hlayiwi leswi a swi tisiwa hi vavanuna lava va endzaka ni vabindzuri+ ni tihosi hinkwato ta Vaarabiya+ ni tindhuna-nkulu ta tiko, lava a va tisa nsuku ni silivhere eka Solomoni. 15  Hosi Solomoni a ya emahlweni a endla switlhangu leswikulu swa nsuku+ lowu pfanganisiweke swa 200 (u nameke tixikele ta 600 ta nsuku lowu pfanganisiweke ehenhla ka xitlhangu xin’wana ni xin’wana lexikulu),+ 16  ni switlhangu leswitsongo swa nsuku lowu pfanganisiweke swa 300 (u nameke timayina tinharhu ta nsuku ehenhla ka xitlhangu xin’wana ni xin’wana lexitsongo).+ Hiloko hosi yi swi veka eNdlwini ya Khwati ra le Lebanoni.+ 17  Ku tlula kwalaho, hosi yi endla xiluvelo lexikulu hi timhondzo ta tindlopfu yi xi nameka nsuku wo tenga.+ 18  A ku ri ni swikhandziyo swa tsevu leswi yaka exiluvelweni, xiluvelo a xi ri ni vunavelo lebyi endliweke hi nsuku, (a swi hlanganile), naswona a ku ri ni swo tshega mavoko eka tlhelo leri ni le ka tlhelo lerin’wana ra ndhawu yo tshama eka yona, tinghala timbirhi+ a ti yime etlhelo ka swo tshega mavoko.+ 19  A ku ri ni tinghala ta 12+ leti a ti yime kwalaho ehenhla ka swikhandziyo swa tsevu eka tlhelo leri ni le ka tlhelo lerin’wana. A ku na mfumo wun’wana lowu a wu ri ni leti a ti endliwe ku fana na tona.+ 20  Swibya hinkwaswo swo nwela eka swona+ swa Hosi Solomoni a swi ri swa nsuku,+ ni swibya hinkwaswo swa Yindlu ya Khwati ra le Lebanoni+ a swi ri swa nsuku wo tenga. A ku nga ri na nchumu xa silivhere; a yi tekiwa yi nga ri nchumu nikatsongo+ emasikwini ya Solomoni. 21  Hikuva swikepe swa hosi a swi ya eTaraxixi+ swin’we ni malandza ya Hiramu.+ Swikepe swa le Taraxixi a swi ta kan’we endzhaku ka malembe man’wana ni man’wana manharhu, swi rhwele nsuku ni silivhere,+ timhondzo ta tindlopfu,+ tinkawu ni tiphikoko.+ 22  Hikwalaho Hosi Solomoni a a ri nkulu hi rifuwo+ ni vutlhari+ ku tlula tihosi tin’wana hinkwato ta misava. 23  Tihosi hinkwato ta misava a ti lava+ xikandza xa Solomoni leswaku ti twa vutlhari byakwe,+ lebyi Xikwembu xa ntiyiso xi byi ngheniseke embilwini yakwe.+ 24  Yin’wana ni yin’wana a yi tisa nyiko ya yona,+ swilo swa silivhere ni swilo swa nsuku+ ni tinguvu,+ swihlomo swa nyimpi ni mafurha ya balsama, tihanci ni timeyila, ku ri mhaka ya lembe ni lembe.+ 25  Solomoni a va ni swivala swa tihanci swa 4 000,+ ni makalichi+ ya tihanci ya 12 000, a swi yimisa emitini ya makalichi+ ni le kusuhi ni hosi eYerusalema. 26  A va mufumi wa tihosi hinkwato ku suka eNambyeni ku ya etikweni ra Vafilisita ni ku ya endzilakaneni wa Egipta.+ 27  Ku tlula kwalaho, hosi yi endla silivhere yi fana ni maribye eYerusalema; timhandzi ta mikedari yi ti endla ti tala ku fana ni swinkuwana+ leswi swi nga eXefela+ hi vunyingi.+ 28  A ku ri ni lava a va tisa tihanci+ eka Solomoni ku suka aEgipta+ ni le matikweni laman’wana hinkwawo. 29  Loko ku ri timhaka letin’wana ta Solomoni,+ to sungula ni to hetelela, xana a ti tsariwanga exikarhi ka marito ya Natani+ lowa muprofeta ni le ka vuprofeta bya Ahiya+ lowa le Xilo+ ni le ka rungula ra swivono swa Ido+ la vonaka swivono malunghana na Yerobuwamu+ n’wana wa Nebati?+ 30  Solomoni a ya emahlweni a fuma eYerusalema ehenhla ka tiko hinkwaro ra Israyele ku ringana malembe ya 40. 31  Eku heteleleni Solomoni a etlela ni vatata wakwe. Va n’wi lahla eMutini wa Davhida tata wakwe;+ Rehobuwama+ n’wana wakwe a sungula ku fuma ematshan’weni yakwe.+

Tinhlamuselo ta le hansi