Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 5:1-14

5  Eku heteleleni ntirho hinkwawo lowu Solomoni a a fanele a wu endla malunghana ni yindlu ya Yehovha wu hela,+ kutani Solomoni a sungula ku nghenisa swilo leswi Davhida tata wakwe+ a swi endleke swi kwetsima; a nghenisa silivhere, nsuku ni swingolongondzwana hinkwaswo exumeni xa yindlu ya Xikwembu xa ntiyiso.+  Hi wona nkarhi lowu ha wona Solomoni a hlengeleteke vakulukumba va Israyele,+ varhangeri hinkwavo va tinyimba,+ tindhuna+ ta tindlu ta vatatana ta vana va Israyele eYerusalema, leswaku ku humesiwa+ areka+ ya ntwanano wa Yehovha eMutini wa Davhida,+ ku nga Siyoni.+  Hiloko vavanuna hinkwavo va Israyele va hlengeletana eka hosi enkhubyeni wa n’hweti ya vunkombo.+  Kutani vakulukumba hinkwavo va Israyele va fika,+ Valevhi va sungula ku rhwala Areka.+  Hiloko va fika va tlhandlukisa Areka+ ni ntsonga wa nhlangano+ ni swingolongondzwana+ hinkwaswo swo kwetsima leswi a swi ri entsongeni. Vaprista, ku nga Valevhi va swi humesa.+  Kutani Hosi Solomoni ni nhlengeletano hinkwayo ya Vaisrayele lava a va hlangana na yena hilaha va twaneke hakona, a va ri emahlweni ka Areka va endla switlhavelo+ hi tinyimpfu ni tihomu leti a ti nga hlayeki hi ku tala.  Hiloko vaprista va nghenisa areka ya ntwanano wa Yehovha endhawini ya yona, ekamareni ra le ndzeni-ndzeni+ ra yindlu, eNdhawini yo Kwetsima Ngopfu,+ ehansi ka timpapa ta makerubu.+  Makerubu a ma tshama ma phurumule timpapa ta wona ehenhla ka ndhawu ya Areka lerova makerubu a ma funengete Areka ni tinsika+ ta yona ku suka ehenhla.+  Kambe tinsika a ti lehile lerova makumu ya tinsika a ma vonaka loko u ri eNdhawini yo Kwetsima, emahlweni ka kamara ra le ndzeni-ndzeni, kambe a ti nga vonaki ehandle, ta ha ri kwalaho ku fikela esikwini leri.+ 10  A ku nga ri na nchumu endzeni ka Areka loko ku nga ri swiphepherhele swimbirhi+ leswi Muxe a nyikiweke swona eHorebe,+ loko Yehovha a endla ntwanano+ ni vana va Israyele loko va huma aEgipta.+ 11  Kuteloko vaprista va huma endhawini yo kwetsima (hikuva loko ku ri vaprista hinkwavo lava a va ta kumeka, a va ta tihlawulekisa+—a ku nga ri na xilaveko xa leswaku va tikarhata hi mintlawa);+ 12  ni Valevhi+ lava a va ri vayimbeleri lava a va ri va vona hinkwavo, va Asafa,+ va Hemani,+ va Yedutani+ ni va vana va vona ni va vamakwavo lava a va ambale lapi ro vevuka,+ va ri ni swiphambati ni swichayachayana swa switende+ ni tiharipa,+ a va yime evuxeni bya alitari va ri ni vaprista va 120 lava va yimbaka timhalamhala;+ 13  hi ku hatlisa loko vayimbi va timhalamhala ni vayimbeleri va hlanganile swin’we ku humesa mpfumawulo wun’we+ wo dzunisa ni ku nkhensa Yehovha, ni hi ku hatlisa loko va tlakuse mpfumawulo hi timhalamhala ni hi swiphambati ni hi swichayachayana swa risimu+ ni ku dzunisa+ Yehovha, “hikuva hi lonene,+ ni musa wakwe wa rirhandzu i wa hilaha ku nga riki na makumu,”+ yindlu yi tala papa,+ yona yindlu ya Yehovha,+ 14  naswona vaprista a va nga swi koti ku yima va tirhela hikwalaho ka papa+ leri; hikuva ku vangama+ ka Yehovha a ku tate yindlu ya Xikwembu xa ntiyiso.

Tinhlamuselo ta le hansi