Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 36:1-23

36  Kutani vanhu va tiko va teka Yowohazi+ n’wana wa Yosiya va n’wi endla hosi eYerusalema+ ematshan’weni ya tata wakwe.  Yowohazi a a ri ni malembe ya 23 hi vukhale loko a sungula ku fuma, u fume tin’hweti tinharhu eYerusalema.+  Hambiswiritano, hosi ya Egipta yi n’wi susile eYerusalema,+ yi rihisa tiko titalenta ta silivhere+ ta 100 ni talenta ya nsuku.  Hosi+ ya Egipta yi tlhela yi endla Eliyakimi+ makwavo a va hosi ya Yuda na Yerusalema, yi cinca vito rakwe ku va Yoyakimi; kambe Neko+ u teke Yowohazi makwavo a n’wi tisa aEgipta.+  Yoyakimi+ a a ri ni malembe ya 25 hi vukhale loko a sungula ku fuma, u fume malembe ya 11 eYerusalema;+ a ya emahlweni a endla swo biha ematihlweni ya Yehovha Xikwembu xakwe.+  Nebukadnetsara+ hosi ya Babilona u n’wi terile+ a ta n’wi boha hi tinketana timbirhi ta koporo leswaku a n’wi yisa eBabilona.+  Nebukadnetsara+ u teke swingolongondzwana+ swin’wana swa yindlu ya Yehovha a swi yisa eBabilona, kutani a swi veka exigodlweni xakwe eBabilona.+  Loko ku ri timhaka+ letin’wana ta Yoyakimi ni swilo swakwe leswi nyenyetsaka+ leswi a swi endleke ni leswi a a ta hehliwa ha swona, swi tsariwile eBukwini+ ya Tihosi ta Israyele na Yuda; Yoyakini+ n’wana wakwe a sungula ku fuma ematshan’weni ya yena.  Yoyakini+ a a ri ni malembe ya 18 hi vukhale loko a sungula ku fuma, u fume eYerusalema tin’hweti tinharhu+ ni masiku ya khume; a ya emahlweni a endla swo biha ematihlweni ya Yehovha.+ 10  Eku sunguleni+ ka lembe, Hosi Nebukadnetsara a rhumela+ vanhu leswaku va n’wi tisa eBabilona+ swin’we ni swilo leswi navelekaka swa yindlu ya Yehovha.+ Ku tlula kwalaho, a endla Sedekiyasi+ n’wana wa makwavo wa tata wakwe hosi ya Yuda na Yerusalema.+ 11  Sedekiyasi+ a a ri ni malembe ya 21 hi vukhale loko a sungula ku fuma, u fume eYerusalema malembe ya 11.+ 12  U hambete a endla leswo biha+ ematihlweni ya Yehovha Xikwembu xakwe. A nga titsongahatanga+ eka Yeremiya+ lowa muprofeta+ hilaha Yehovha a a lerise hakona. 13  U tlhele a xandzukela+ na Hosi Nebukadnetsara, loyi a n’wi hlambanyiseke hi Xikwembu;+ a hambeta a sihalarisa+ nhamu yakwe ni ku nonon’hwisa+ mbilu yakwe leswaku a nga tlheleli eka Yehovha Xikwembu xa Israyele. 14  Hambi ku ri tindhuna hinkwato ta vaprista+ ni vanhu va endle hi ndlela yo pfumala ku tshembeka hi mpimo lowukulu, hi ku landza swilo hinkwaswo swo nyenyetsa+ swa matiko, lerova va nyamisa yindlu ya Yehovha leyi a a yi hlawulekisile eYerusalema.+ 15  Yehovha Xikwembu xa vatata wa vona a hambeta a va rhumela varhumiwa vakwe ku va sola,+ hi ku phindha-phindha, hikuva u tsetselele vanhu+ vakwe ni vutshamo byakwe.+ 16  Kambe a va ya emahlweni va monya+ varhumiwa va Xikwembu xa ntiyiso ni ku ma langutela ehansi marito+ yakwe ni ku vungunya+ vaprofeta vakwe, kukondza vukarhi+ bya Yehovha byi wela vanhu vakwe, ku nga ha vi na ku tshunguriwa.+ 17  Hiloko a va tisela hosi ya Vakalidiya,+ leyi yi dlayeke majaha ya vona hi banga+ endlwini ya vukwetsimelo bya vona,+ a yi va tsetselelanga, jaha kumbe nhwana, la kuleke kumbe la hlakaleke.+ Hinkwavo U va nyikete evokweni ra yona. 18  Swingolongondzwana hinkwaswo,+ leswikulu+ ni leswitsongo, swa yindlu ya Xikwembu xa ntiyiso ni xuma+ xa yindlu ya Yehovha ni xuma xa hosi+ ni xa tihosana, hinkwaswo yi swi tise eBabilona. 19  Hiloko yi hisa yindlu ya Xikwembu+ xa ntiyiso ni ku hirimuxa rirhangu+ ra Yerusalema; yi swi hisa hi ndzilo swihondzo swa wona hinkwaswo swo tshama eka swona ni swilo swa wona leswi navelekaka,+ leswaku yi vanga ku onhaka.+ 20  Ku tlula kwalaho, yi teka lava va poneke banga yi va yisa evukhumbini eBabilona,+ va va malandza ya yona+ ni vana va yona, kukondza vuhosi bya Peresiya+ byi sungula ku fuma; 21  leswaku ku hetiseka rito ra Yehovha hi nomu wa Yeremiya,+ kukondza tiko ri hlayisa tisavata ta rona.+ Ri hlayise savata emasikwini hinkwawo lawa a ri pfumala vaaki, leswaku ku hela malembe ya 70.+ 22  Hi lembe ro sungula ra Korexe+ hosi ya Peresiya,+ leswaku ku hetiseka rito+ ra Yehovha leri teke hi nomu wa Yeremiya,+ Yehovha a pfuxa moya+ wa Korexe hosi ya Peresiya, leswaku a huwelela xirilo emfun’weni wakwe hinkwawo, ni ku tsala,+ a ku: 23  “Korexe hosi ya Peresiya+ u te, ‘Yehovha Xikwembu xa matilo u ndzi nyike mimfumo hinkwayo ya misava,+ naswona u ndzi lerise leswaku ndzi n’wi akela yindlu eYerusalema, leyi yi nga eYuda.+ Un’wana ni un’wana la nga kona exikarhi ka n’wina hinkwenu,+ Yehovha Xikwembu xakwe a a ve na yena.+ Hikwalaho a a tlhandluke.’”+

Tinhlamuselo ta le hansi