Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 35:1-27

35  Kutani Yosiya+ a endlela Yehovha paseka+ eYerusalema, va tlhava xitlhavelo+ xa paseka hi siku ra vu-14+ ra n’hweti yo sungula.+  Hiloko a veka vaprista ehenhla ka swilo leswi va swi khathalelaka,+ a va khutaza+ evutirhelini bya yindlu ya Yehovha.+  A ya emahlweni a byela Valevhi, valeteri+ va tiko hinkwaro ra Israyele, lava va kwetsimaka eka Yehovha, a ku: “Vekani Areka yo kwetsima+ endlwini+ leyi Solomoni n’wana wa Davhida lowa hosi ya Israyele a yi akeke; a hi ndzhwalo lowu nga ta va emakatleni ya n’wina.+ Sweswi tirhelani+ Yehovha Xikwembu xa n’wina ni vanhu vakwe va Israyele.  Endlani malunghiselelo hi ku ya hi yindlu ya vatata wa n’wina,+ hi ku landza mintlawa ya n’wina,+ malunghana ni leswi swi tsariweke+ hi Davhida lowa hosi ya Israyele ni leswi swi tsariweke+ hi Solomoni n’wana wakwe.  Yimani+ endhawini yo kwetsima hi ku ya hi mintlawa ya yindlu ya vatata wa vamakwenu, vana va vanhu, ni xiphemu xa yindlu ya vatatana+ lexi xi nga xa Valevhi.+  Mi tlhava xitlhavelo xa paseka,+ mi tihlawulekisa+ ni ku lunghiselela vamakwenu leswaku va endla hi ku landza rito ra Yehovha ha Muxe.”+  Yosiya a nyikela eka vana va vanhu mintlhambi, swinyimpfana swa xinuna ni swiphongho leswitsongo, hinkwaswo leswi swi nga ta va switlhavelo swa paseka swa hinkwavo lava va nga ta kumeka, swi va 30 000, tihomu ti va 3 000.+ Leswi a swi huma enhundzwini ya hosi.+  Tihosana+ ta yona ti endla munyikelo wu va gandzelo ra ku tirhandzela ra vanhu,+ ra vaprista ni ra Valevhi. Hilkiya,+ Zakariya na Yehiyele va va varhangeri va yindlu ya Xikwembu xa ntiyiso, va nyika vaprista switlhavelo swa paseka swa 2 600 ni tihomu ta 300.  Kutani Konaniya, Xemaya na Nethanele vamakwavo, na Haxabiya, Yeyiyele na Yozabadi, tindhuna ta Valevhi, va nyikela eka Valevhi switlhavelo swa paseka swa 5 000 ni tihomu ta 500. 10  Ntirho wu lunghiseleriwa,+ vaprista va hambeta va yima+ etindhawini+ ta vona ni Valevhi hi mintlawa ya vona,+ hi ku landza xileriso xa hosi.+ 11  Va dlaya xitlhavelo xa paseka,+ kutani vaprista+ va xuva+ ngati hi mavoko, loko Valevhi va ri karhi va yevula madzovo.+ 12  Ku tlula kwalaho, va lunghiselela magandzelo yo hisiwa leswaku va ma nyika mintlawa+ hi ku ya hi yindlu ya vatata wa vona,+ eka vana va vanhu leswaku va nyikela+ eka Yehovha hi ku landza leswi tsariweke ebukwini ya Muxe;+ va endla tano ni hi tihomu. 13  Va sweka+ gandzelo ra paseka+ endzilweni hi ku landza ntolovelo wa kona; ni swilo leswi endliweke swi kwetsima va swi sweka+ etimbiteni to sweka ni le timbiteni ta matshaku ya xirhendzevutana ni le minkambaneni, endzhaku ka sweswo va ri tisa hi ku hatlisa eka vana hinkwavo va vanhu.+ 14  Endzhaku ka sweswo va tilunghiselela vona ni vaprista,+ hikuva vaprista, ku nga vana va Aroni a va ri karhi va humesa switlhavelo swo hisiwa,+ ni mafurha+ kukondza ku va vusiku, loko ku ri Valevhi va tilunghiselela+ vona ni vaprista, vana va Aroni. 15  Loko ku ri vayimbeleri,+ vana va Asafa,+ a va ri exikhundlheni xa vona hi ku landza xileriso xa Davhida+ ni xa Asafa+ ni xa Hemani+ ni xa Yedutani+ la vonaka swivono+ swa hosi; varindzi va tinyangwa+ a va ri etinyangweni to hambana-hambana.+ A swi nga laveki leswaku va kendluka entirhweni wa vona, hikuva vamakwavo, ku nga Valevhi, a va va lunghiselerile.+ 16  Ntirho hinkwawo wa Yehovha a wu lunghiseleriwile esikwini rero leswaku ku endliwa paseka+ ni ku humesa magandzelo yo hisiwa ehenhla ka alitari ya Yehovha, hi ku landza xileriso xa Hosi Yosiya.+ 17  Vana va Israyele lava a va ta kumeka a va endla paseka+ hi nkarhi wolowo ni nkhuvo wa swinkwa leswo-ke-comela ku ringana masiku ya nkombo.+ 18  A ku nga si tshama ku endliwa paseka leyi fanaka na yona eIsrayele ku sukela emasikwini ya Samuwele lowa muprofeta,+ ni tihosi+ letin’wana ta Israyele a ti nga si tshama ti endla paseka yo fana ni leyi Yosiya ni vaprista ni Valevhi ni tiko ra Yuda hinkwaro ni ra Israyele, lava a va ta kumeka eka vaaki va Yerusalema va yi endleke. 19  Paseka leyi yi endliwe hi lembe ra vu-18 ra ku fuma ka Yosiya.+ 20  Endzhaku ka leswi hinkwaswo loko Yosiya a lunghiselele yindlu, Neko+ hosi ya Egipta+ a humelela ku ta lwa eKarikemixi+ ekusuhi ni Yufrata. Kutani Yosiya+ a huma ku ya hlangana na yena.+ 21  Kutani a n’wi rhumela varhumiwa, a ku: “Xana ndzi na yini na wena, Wena hosi ya Yuda? A ndzi telanga ku ta lwa na wena namuntlha, kambe ndzi tele ku ta lwa ni yindlu yin’wana leyi Xikwembu xi vuleke leswaku ndzi fanele ndzi yi vangela mpfilumpfilu. Tlhela, leswaku u pona hikwalaho ka Xikwembu lexi xi nga na mina, u nga endli leswaku xi ku lovisa.”+ 22  Yosiya a nga xi hundzulanga xikandza xakwe xi suka eka yena,+ kambe leswaku a lwa na yena, u tiendle leswaku a nga n’wi tivi,+ a nga ma yingisanga marito ya Neko+ lama humaka enon’wini wa Xikwembu. Hikwalaho a fika ku ta lwa erivaleni ra Megido.+ 23  Vacopi+ va cope Hosi Yosiya, lerova hosi yi byela malandza ya yona yi ku: “Ndzi xikiseni, hikuva ndzi vaviseke ngopfu.”+ 24  Hiloko malandza yakwe ma n’wi xikisa ekalichini, ma n’wi khandziyisa kalichi ya vumbirhi ya nyimpi leyi a yi ri ya yena, ma n’wi tisa eYerusalema.+ Kutani a fa,+ a lahliwa esirheni ra vatata wakwe+; tiko ra Yuda hinkwaro ni ra Yerusalema, ma rila+ Yosiya. 25  Yeremiya+ a sungula ku yimbelelela+ Yosiya risimu ra xirilo; vayimbeleri hinkwavo va xinuna ni vayimbeleri va xisati+ va hambeta va vulavula hi Yosiya eka tinsimu ta vona ta xirilo ku fikela namuntlha; va ti veke ti va xileriso eIsrayele, waswivo, ti tsariwe exikarhi ka tinsimu ta xirilo.+ 26  Loko ku ri timhaka+ letin’wana ta Yosiya ni swiendlo swakwe swa musa wa rirhandzu,+ hi ku landza leswi swi tsariweke enawini+ wa Yehovha, 27  ni timhaka takwe, to sungula ni to hetelela,+ swi tsariwile eBukwini+ ya Tihosi ta Israyele na Yuda.

Tinhlamuselo ta le hansi