Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 32:1-33

32  Endzhaku ka swilo leswi ni ku tshembeka loku,+ Senakeribi+ hosi ya Asiriya+ a fika a rhendzela Yuda, a dzima mixaxa a sivelela miti leyi tiyisiweke,+ a hambeta a ehleketa ku yi endla yi va yakwe hi ku yi nghenela.  Loko Hezekiya a vona leswaku Senakeribi u tile xikandza+ xakwe xi lunghekele ku lwa na Yerusalema,  kutani a endla xiboho ni tihosana+ takwe ni vavanuna vakwe va matimba leswaku va seletela swihlovo swa mati leswi a swi ri ehandle ka muti;+ hiloko va n’wi pfuna.  Kutani vanhu vo tala va hlengeletana, va seletela minseledyana hinkwayo ni xinambyana+ lexi khulukaka exikarhi ka tiko, va ku: “Ha yini tihosi ta Asiriya ti fanele ti fika ti kuma mati yo tala ngopfu?”  Ku tlula kwalaho, a va ni xivindzi, a aka rirhangu+ hinkwaro leri mbundzumuxiweke ni ku pfuxa swihondzo+ ehenhla ka rona, a aka rirhangu rin’wana ehandle,+ a lunghisa Xitsunga+ xa Muti wa Davhida, a endla miseve+ yo tala ni switlhangu.+  A veka tindhuna+ ta nyimpi ehenhla ka vanhu, a ti hlengeleta ti ta eka yena entsendzeleni+ wa nyangwa ya muti, a vulavula a fikelela mbilu+ ya tona, a ku:  “Vanani ni xivindzi mi tiya.+ Mi nga tshuki mi chava+ kumbe mi chavisiwa+ hi hosi ya Asiriya+ ni hi ntshungu hinkwawo lowu nga na yona;+ hikuva hina hi ni vo tala ku tlula lava yona yi nga na vona.  Yena u ni voko ra nyama,+ kambe hina hi na Yehovha Xikwembu xa hina loyi a nga ta hi pfuna+ ni ku hi lwela tinyimpi.”+ Vanhu va sungula ku titshega hi marito ya Hezekiya lowa hosi ya Yuda.+  Senakeribi+ lowa hosi ya Asiriya u rhumele malandza yakwe eYerusalema endzhaku ka leswi, loko a ha ri eLakixi,+ vuthu rakwe hinkwaro ra matimba ri ri na yena,+ ma ya eka Hezekiya lowa hosi ya Yuda ni le ka Vayudiya hinkwavo lava a va ri eYerusalema, a ku: 10  “Senakeribi hosi ya Asiriya u te,+ ‘Xana mi tshembe yini leswi mi tshamaka mi miyerile, mi rhendzeriwile eYerusalema?+ 11  Xana Hezekiya+ a nga mi yengi+ leswaku a mi nyiketa mi dlayiwa hi ndlala ni hi torha, a ku: “Yehovha Xikwembu xa hina xi ta hi kutsula exandleni xa hosi ya Asiriya”?+ 12  Xana a hi yena Hezekiya la suseke tindhawu takwe leti tlakukeke+ ni tialitari takwe,+ kutani a byela Yuda na Yerusalema, a ku: “Mi fanele mi nkhinsama+ emahlweni ka alitari yin’we,+ mi mbulukisa+ xitlhavelo ehenhla ka yona”? 13  Xana a mi swi tivi leswi mina ni vatata wa mina hi swi endleke eka vanhu hinkwavo va matiko?+ Xana swikwembu+ swa matiko swi swi kotile ku kutsula tiko ra swona evokweni ra mina? 14  Hi xihi exikarhi ka swikwembu swa matiko lawa vatata wa mina va ma nyiketeke endzovisweni lexi xi swi koteke ku kutsula vanhu va xona evokweni ra mina, lerova Xikwembu xa n’wina xi nga swi kota ku mi kutsula evokweni ra mina?+ 15  Sweswi mi nga tshuki mi pfumela leswaku Hezekiya a mi xisa+ kumbe a mi yenga+ hi ndlela leyi, mi nga vi na ripfumelo eka yena, hikuva a xi kona xikwembu xa tiko ro karhi kumbe mfumo wo karhi lexi koteke ku kutsula vanhu va xona evokweni ra mina ni le vokweni ra vatata wa mina. Xana Xikwembu xa n’wina xi nga swi kotisa ku yini ku mi kutsula evokweni ra mina!’”+ 16  Malandza yakwe ma vulavula leswi engetelekeke ku lwa na Yehovha Xikwembu+ xa ntiyiso na Hezekiya nandza wa yena. 17  U tsale+ ni mapapila a rhukana Yehovha Xikwembu xa Israyele+ ni ku n’wi hlekula, a ku: “Xikwembu xa Hezekiya a xi nge va kutsuli vanhu va xona evokweni+ ra mina ku fana ni swikwembu+ swa tinxaka ta matiko leswi swi nga va kutsulangiki vanhu va swona evokweni ra mina.” 18  Va hambeta+ va huwelela hi rito+ lerikulu hi ririmi ra Vayuda+ eka vanhu va Yerusalema lava a va ri ehenhla ka rirhangu, ku va chavisa+ ni ku va karhata, leswaku va teka muti. 19  Va ya emahlweni va hlekula+ Xikwembu xa Yerusalema+ hi ndlela leyi fanaka ni leyi va endleke ha yona eka swikwembu swa vanhu va misava, leswi swi nga ntirho wa mavoko ya vanhu.+ 20  Kambe Hezekiya+ lowa hosi na Esaya+ n’wana wa Amotsi,+ lowa muprofeta,+ va hambeta va khongela malunghana ni leswi,+ va huwelela ematilweni va kombela mpfuno.+ 21  Yehovha a rhumela ntsumi,+ yi herisa wanuna un’wana ni un’wana wa vurhena, wa matimba,+ ni murhangeri ni ndhuna enxaxeni wa hosi ya Asiriya,+ lerova yi tlhelela etikweni ra yona yi ri ni tingana. Endzhaku ka sweswo yi nghena endlwini ya xikwembu xa yona, kwalaho van’wana lava va humeke eswirhweni swa yona swa le ndzeni va yi dlaya hi banga.+ 22  Kutani Yehovha a ponisa Hezekiya ni vaaki va Yerusalema evokweni ra Senakeribi lowa hosi ya Asiriya,+ ni le vokweni ra lava van’wana hinkwavo, a va wisisa matlhelo hinkwawo.+ 23  A ku ri ni vo tala lava a va tisa tinyiko+ eka Yehovha eYerusalema ni swilo swo hlawuleka eka Hezekiya hosi ya Yuda,+ kutani a tlakusiwa+ ematihlweni ya matiko hinkwawo endzhaku ka sweswo. 24  Emasikwini wolawo Hezekiya a vabyela ku fa,+ hiloko a sungula ku khongela+ eka Yehovha. Kutani A vulavula na yena,+ A n’wi nyika xihlamariso.+ 25  Kambe Hezekiya a nga tlheriselanga+ hi ku ya hi ndlela leyi a pfuniweke ha yona, mbilu yakwe yi titlakusa,+ a hlundzukeriwa+ yena na Yuda na Yerusalema. 26  Kambe, Hezekiya a titsongahata+ eku titlakuseni ka mbilu yakwe, yena ni vaaki va Yerusalema, Yehovha a nga va hlundzukelanga emasikwini ya Hezekiya.+ 27  Hezekiya a va ni rifuwo ni ku vangama hi mpimo lowukulu ngopfu;+ a tiendlela switlati swa silivhere ni nsuku+ ni maribye ya risima+ ni mafurha ya balsama+ ni switlhangu+ ni swilo hinkwaswo leswi navelekaka;+ 28  ni vuhlayiselo+ bya ntshovelo wa mavele ni vhinyo leyintshwa+ ni mafurha, ni swivala+ swa swifuwo swa mixaka yo hambana-hambana ni swivala swa mintlhambi. 29  A tikumela miti, ni swifuwo swa ntlhambi+ wa tinyimpfu ni ntlhambi+ wa tihomu hi vutalo; hikuva Xikwembu xi n’wi nyike nhundzu yo tala ngopfu.+ 30  Hezekiya hi yena la siveke+ xihlovo xa le henhla xa mati+ ya Gihoni+ ni ku hambeta a ma kongomisa ma lulama ku ya evupela-dyambu eMutini wa Davhida,+ Hezekiya a humelela entirhweni wun’wana ni wun’wana wakwe.+ 31  Ku rhumeriwe+ vavulavuleri va tihosana ta Babilona+ eka yena leswaku va vutisisa xihlamariso+ lexi endlekeke etikweni, Xikwembu xa ntiyiso xi n’wi tshikile+ leswaku xi n’wi ringa,+ ku tiva hinkwaswo leswi nga embilwini yakwe.+ 32  Loko ku ri timhaka+ letin’wana ta Hezekiya ni swiendlo swakwe swa musa wa rirhandzu,+ swi tsariwile exivonweni xa Esaya lowa muprofeta, n’wana wa Amotsi,+ eBukwini+ ya Tihosi ta Yuda na Israyele. 33  Eku heteleleni Hezekiya a etlela ni vatata wakwe,+ va n’wi lahla entlhandlukweni wa swilahlo swa vana va Davhida;+ tiko ra Yuda hinkwaro ni vaaki va Yerusalema va n’wi xiximile eku feni kakwe.+ Manase+ n’wana wakwe a sungula ku fuma ematshan’weni yakwe.

Tinhlamuselo ta le hansi