Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 31:1-21

31  Hi ku hatlisa loko va heta leswi hinkwaswo, Vaisrayele hinkwavo+ lava va kumiweke kwalaho va huma va ya emitini ya Yuda,+ va hahlula tinsika to kwetsima,+ va tsema timhandzi to kwetsima,+ va hirimuxa tindhawu leti tlakukeke+ ni tialitari+ etikweni ra Yuda+ hinkwaro na Benjamini na Efrayimi+ na Manase+ kukondza va heta; endzhaku ka sweswo vana va Israyele hinkwavo va tlhelela emitini ya vona, ha un’we endzhakeni yakwe.  Kutani Hezekiya a veka mintlawa+ ya vaprista ni Valevhi+ emintlaweni ya vona, ha un’we hi ku pfumelelana ni ntirho wakwe eka vaprista+ ni le ka Valevhi+ malunghana ni gandzelo ro hisiwa+ ni switlhavelo swa xinakulobye+ swa ku tirhela+ ni ku nkhensa+ ni ku dzunisa+ etinyangweni ta mixaxa ya Yehovha.  A ku ri ni xiphemu xa hosi lexi humaka enhundzwini+ yakwe xa magandzelo yo hisiwa,+ xa magandzelo yo hisiwa ya nimixo+ ni ya nimadyambu ni xa magandzelo yo hisiwa ya tisavata+ ni ya ku thwasa ka n’weti+ ni ya minkarhi ya minkhuvo,+ hi ku landza leswi swi tsariweke enawini wa Yehovha.+  Ku tlula kwalaho, a byela vanhu, ku nga vaaki va Yerusalema leswaku va va nyika xiphemu xa vaprista+ ni xa Valevhi,+ leswaku va wu namarhela+ swinene nawu wa Yehovha.+  Hi ku hatlisa loko rito ri huma, vana va Israyele+ va engetela swirhangana swa mavele,+ vhinyo leyintshwa,+ mafurha+ ni vulombe+ ni ntshovelo hinkwawo wa le masin’wini,+ ni vukhume bya hinkwaswo va byi tisa hi vunyingi.+  Vana va Israyele ni vana va Yuda lava a va tshama emitini ya Yuda,+ na vona va tisa vukhume bya tihomu ni tinyimpfu ni vukhume bya swilo swo kwetsima,+ swilo leswi swi hlawulekiseriweke Yehovha Xikwembu xa vona. Va swi tisa, va nyikela tinhulu ni tinhulu.  Hi n’hweti ya vunharhu+ va sungule tinhulu hi ku veka masungulo ya le hansi swinene, va heta hi n’hweti ya vunkombo.+  Loko Hezekiya ni tihosana+ va fika, va vona tinhulu, va dzunisa+ Yehovha ni vanhu vakwe, ku nga Israyele.+  Hi ku famba ka nkarhi Hezekiya a vutisisa hi vaprista ni Valevhi malunghana ni tinhulu.+ 10  Kutani Azariya+ muprista lonkulu wa yindlu ya Sadoki+ a ku eka yena, ina, a ku: “Ku sukela enkarhini lowu va sunguleke ha wona ku tisa munyikelo+ endlwini ya Yehovha, a va dya va xurha,+ ku sala swo tala;+ hikuva Yehovha u katekise vanhu vakwe,+ leswi swi siyiweke i swilo leswi swo tala.” 11  Hiloko Hezekiya a vula leswaku ku lunghiseleriwa makamara yo dyela+ eka wona endlwini ya Yehovha. Kutani va ma lunghiselela. 12  Va hambeta va tisa munyikelo+ ni vukhume+ ni swilo swo kwetsima hi ku tshembeka;+ Konaniya lowa Mulevhi a a va langutela, a ri murhangeri wa vona, Ximeyi makwavo a a ri wa vumbirhi. 13  Kutani Yehiyele, Azaziya, Nahati, Asahele, Yerimoto, Yozabadi, Eliyele, Isimakaya, Mahata na Benaya a ku ri valerisi etlhelo ka Konaniya na Ximeyi makwavo, hi ku landza xileriso xa Hezekiya lowa hosi, Azariya+ a a ri murhangeri endlwini ya Xikwembu xa ntiyiso. 14  Kore n’wana wa Imina lowa Mulevhi a a ri murindzi wa nyangwa+ evuxeni,+ a langutela magandzelo ya ku tirhandzela+ ya Xikwembu xa ntiyiso, leswaku a humesa munyikelo+ wa Yehovha ni swilo swo kwetsima swinene.+ 15  Ehansi ka yena a ku ri na Edeni, Miniyamini, Yexuwa na Xemaya, Amariya na Xekaniya, emitini ya vaprista,+ exikhundlheni xa vuhlayisi,+ leswaku va nyika vamakwavo eka mintlawa leyin’wana hi ku ringana,+ lonkulu ni lontsongo;+ 16  ku nga hlayiwi vaxinuna lava va tsarisiweke hi ku ya hi swivongo+ lava va sukelaka emalembeni manharhu ku ya ehenhla,+ eka hinkwavo lava va taka endlwini ya Yehovha ku ri mhaka ya siku ni siku, leswaku va endla ntirho wa vona ku ri vutihlamuleri bya vona hi ku landza mintlawa ya vona. 17  Vaprista a va tsarisiwa hi ndlela leyi hi ku ya hi swivongo, hi yindlu ya vatata wa vona+ ni ya Valevhi,+ ku sukela emalembeni ya 20+ ku ya ehenhla, hi ku landza vutihlamuleri bya vona emintlaweni ya vona;+ 18  ku tsarisiwa hi ku ya hi swivongo exikarhi ka lavatsongo va vona, vasati va vona, vana va vona va majaha ni va vanhwanyana, enhlengeletanweni hinkwayo, hikuva va tihlawulekisela+ leswi swi kwetsimaka hikwalaho ka xikhundlha xa vona xa vuhlayisi;+ 19  ni le ka vana va Aroni,+ lava va nga vaprista, enhoveni+ leyi nga madyelo ya miti ya vona. Emitini hinkwayo yo hambana-hambana a ku ri ni vavanuna lava va hlawuriweke hi mavito ya vona, leswaku va avela waxinuna un’wana ni un’wana exikarhi ka vaprista ni le ka hinkwavo lava va tsarisiweke hi ku ya hi swivongo exikarhi ka Valevhi. 20  Hezekiya a endla hi ndlela leyi etikweni ra Yuda hinkwaro, a ya emahlweni a endla leswinene+ ni leswi swi lulameke+ ni ku tshembeka+ emahlweni ka Yehovha Xikwembu xakwe. 21  Ntirho wun’wana ni wun’wana lowu a wu sunguleke evutirhelini+ bya yindlu ya Xikwembu xa ntiyiso ni le nawini+ ni le xilerisweni xa ku lava+ Xikwembu xakwe, u wu endle hi mbilu+ yakwe hinkwayo, naswona u humelerile.+

Tinhlamuselo ta le hansi