Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 30:1-27

30  Hezekiya a rhumela mapapila etikweni hinkwaro ra Israyele+ ni le Yuda, u tsalele na Efrayimi+ na Manase,+ leswaku va ta endlwini ya Yehovha+ eYerusalema va ta endlela Yehovha Xikwembu xa Israyele paseka.+  Hambiswiritano, hosi ni tihosana+ ta yona ni nhlengeletano+ hinkwayo leyi nga eYerusalema va boha ku endla paseka hi n’hweti ya vumbirhi;+  a va swi kotanga ku yi endla hi nkarhi wolowo,+ hikuva hi hala tlhelo a ku nga ri na vaprista+ lava ringaneke lava a va tihlawulekisile va tlhela va hlawulekisa ni vanhu, kasi hi tlhelo lerin’wana a va nga hlengeletananga eYerusalema.  Mhaka leyi a yi lulamile ematihlweni ya hosi ni le matihlweni ya nhlengeletano hinkwayo.+  Hiloko va boha ku twarisa+ rito etikweni hinkwaro ra Israyele, ku sukela eBera-xeba+ ku ya eDani,+ leswaku va ta va ta endlela Yehovha Xikwembu xa Israyele paseka eYerusalema; hikuva a va nga talanga lava va endliseke xileswi+ hi ku landza leswi tsariweke.+  Hiloko lava va tsutsumaka+ ni mapapila lama humaka evokweni ra hosi ni tihosana+ ta yona va huma va ya etikweni hinkwaro ra Israyele ni le Yuda, hi ku landza xileriso xa hosi, va ku: “N’wina vana va Israyele, vuyelani+ eka Yehovha Xikwembu+ xa Abrahama, Isaka na Israyele, leswaku yena a vuyela eka lava va balekeke+ lava va siyiweke eka n’wina exandleni xa tihosi ta Asiriya.+  Mi nga tshuki mi fana ni vatata wa n’wina+ ni vamakwenu lava va endleke hi ndlela yo pfumala ku tshembeka eka Yehovha Xikwembu xa vatata wa vona, lerova a va endla xilo xo hlamariwa,+ hilaha mi swi vonaka hakona.  Mi nga tshuki mi sihalarisa tinhamu+ ta n’wina hilaha vatata wa n’wina va endleke hakona. Nyikani Yehovha+ ndhawu, mi ta evukwetsimelweni+ byakwe lebyi a byi hlawulekiseke+ hilaha ku nga riki na makumu, mi tirhela+ Yehovha Xikwembu xa n’wina, leswaku ku hlundzuka+ kakwe lokukulu ku tlhela, ku nga ti eka n’wina.  Hikuva loko mi tlhelela+ eka Yehovha, vamakwenu ni vana va n’wina va ta kombiwa tintswalo+ emahlweni ka lava va va endlaka makhumbi, va pfumeleriwa ku tlhelela etikweni leri;+ hikuva Yehovha Xikwembu xa n’wina u ni nsovo+ ni tintswalo,+ a nge xi susi xikandza xakwe eka n’wina loko mi vuyela eka yena.”+ 10  Kutani lava va tsutsumaka+ va ya emahlweni, va hundza muti wun’wana va ya eka wun’wana etikweni ra Efrayimi hinkwaro+ na Manase, va ya ni le Zebuloni; kambe vanhu a va ya emahlweni va va vungunya ni ku va hlekula.+ 11  I vanhu+ va le Axere, Manase na Zebuloni ntsena lava va titsongahateke+ lerova va ta eYerusalema. 12  Voko ra Xikwembu xa ntiyiso a ri ri eYuda leswaku ri va nyika mbilu yin’we,+ leswaku va endla xileriso+ xa hosi ni xa tihosana emhakeni ya Yehovha.+ 13  Va hlengeletana eYerusalema,+ vanhu vo tala, leswaku va endla nkhuvo+ wa swinkwa leswo-ke-comela hi n’hweti ya vumbirhi,+ nhlengeletano leyi nga ni vunyingi lebyikulu ngopfu. 14  Hiloko va suka va yima va susa tialitari+ leti a ti ri eYerusalema, va susa tialitari+ hinkwato ta mirhi ya risuna va ti lahlela enkoveni wa Kedroni.+ 15  Endzhaku ka sweswo va tlhava xitlhavelo xa paseka+ hi siku ra vu-14 ra n’hweti ya vumbirhi; vaprista ni Valevhi a va tsongahatiwile, lerova va tihlawulekisa,+ va tisa magandzelo yo hisiwa endlwini ya Yehovha. 16  Va hambeta va yima+ endhawini ya vona hi ku ya hi nawu wa vona, hi ku landza nawu wa Muxe munhu wa Xikwembu xa ntiyiso, vaprista+ va xuva ngati leyi amukeriweke evokweni ra Valevhi. 17  Hikuva a va tele enhlengeletanweni lava a va nga tihlawulekisanga; naswona Valevhi+ a va langutela ku tlhaviwa ka switlhavelo swa paseka+ swa hinkwavo lava a va nga basanga, leswaku va va hlawulekisa eka Yehovha. 18  Vanhu a va tele, vo tala va huma aEfrayimi+ ni le ka Manase,+ Isakara na Zebuloni,+ lava a va nga tibasisanga,+ hikwalaho a va yi dyanga paseka hi ku landza leswi swi tsariweke;+ kambe Hezekiya a va khongelela,+ a ku: “Onge Yehovha lonene+ a nga pfumelela 19  un’wana ni un’wana la lunghiseleleke mbilu+ yakwe leswaku a lavisisa Xikwembu xa ntiyiso, ku nga Yehovha, Xikwembu xa vatata wakwe, hambileswi a nga tengiseriwangiki leswi kwetsimaka.”+ 20  Hiloko Yehovha a yingisa Hezekiya, a tshungula vanhu.+ 21  Kutani vana va Israyele lava va kumiweke eYerusalema va endle nkhuvo+ wa swinkwa leswo-ke-comela masiku ya nkombo hi ku tsaka lokukulu;+ Valevhi+ ni vaprista+ a va dzunisa Yehovha siku ni siku hi swichayachayana leswi twalaka ngopfu, ina, va dzunisa Yehovha.+ 22  Tlhandlakambirhi, Hezekiya a vulavula a fikelela mbilu+ ya Valevhi hinkwavo lava a va endla hi vutlhari lebyinene eka Yehovha.+ Kutani va dya nkhuvo lowu hlawuriweke ku ringana masiku ya nkombo,+ va endla switlhavelo swa xinakulobye+ ni ku tiphofula+ eka Yehovha Xikwembu xa vatata wa vona. 23  Kutani nhlengeletano hinkwayo yi boha+ ku wu endla masiku man’wana ya nkombo,+ hiloko va wu endla masiku ya nkombo hi ku tsaka. 24  Hikuva Hezekiya hosi ya Yuda u nyikele+ enhlengeletanweni hi tinkunzi ta 1 000 ni tinyimpfu ta 7 000, tihosana+ tona ti nyikele enhlengeletanweni hi tinkunzi ta 1 000 ni tinyimpfu ta 10 000; vaprista+ va hambeta va tihlawulekisa hi nhlayo leyikulu. 25  Nhlengeletano hinkwayo ya Yuda+ ni vaprista ni Valevhi+ ni nhlengeletano hinkwayo leyi yi humaka eIsrayele+ ni valuveri+ lava va humaka etikweni ra Israyele+ ni lava va tshamaka eYuda va hambeta va tsaka.+ 26  Kutani ku va ni ku tsaka lokukulu eYerusalema, hikuva ku sukela emasikwini ya Solomoni+ n’wana wa Davhida, hosi ya Israyele, a ku vanga kona ku tsaka ko fana ni loku eYerusalema.+ 27  Eku heteleleni vaprista, ku nga Valevhi, va suka va yima va katekisa+ vanhu; kutani ku yingisiwa rito ra vona, lerova xikhongelo xa vona xi fika eku kwetsimeni ka yena, ematilweni.+

Tinhlamuselo ta le hansi