Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 3:1-17

3  Eku heteleleni Solomoni a sungula ku aka yindlu ya Yehovha+ le Yerusalema eNtshaveni ya Moriya,+ laha [Yehovha] a humeleleke kona eka Davhida tata wakwe,+ endhawini leyi Davhida a yi lunghiseleleke yi va xivuya xa Orinani+ lowa Muyebusi.  Hiloko a sungula ku aka hi n’hweti ya vumbirhi hi siku ra vumbirhi, elembeni ra vumune ra ku fuma kakwe.+  Solomoni u veke swilo leswi swi va masungulo ya ku aka yindlu ya Xikwembu xa ntiyiso, ku leha ka swisungunu hi mpimo wo sungula ku va swisungunu swa 60, ku anama ku va swisungunu swa 20.+  Rikupakupa+ leri a ri ri emahlweni ka ku leha a ri ri swisungunu swa 20 emahlweni ka ku anama ka yindlu, ku tlakuka ka rona a ku ri 120; hiloko a nameka nsuku wo tenga endzeni ka rona.  Yindlu leyikulu+ a yi fulela hi timhandzi ta yunipa, ehenhla ka tona a vehela nsuku lowunene,+ hiloko a veka swifaniso swa murhi wa ncindzu+ ni tinketana ehenhla ka yona.+  Ku tlula kwalaho, a nameka yindlu hi ribye ra risima leswaku yi saseka;+ naswona nsuku+ wa kona a wu ri nsuku lowu humaka etikweni ra nsuku.  Hiloko a nameka yindlu, timhandzi ta lwangu, tinyangwa ni makhumbi ni tinyangwa hi nsuku;+ a tlhela a kovotla makerubu ehenhla ka makhumbi.+  Kutani a aka yindlu ya Ndhawu yo Kwetsima Ngopfu,+ ku leha ka yona loko ku pimanisiwa ni ku anama ka yindlu ku ri swisungunu swa 20,+ ku anama ka yona ku ri swisungunu swa 20; kutani a yi nameka nsuku lowunene lowu nga titalenta ta 600.  Ntiko wa swipikiri+ a ku ri tixikele ta nsuku ta 50; ni makamara ya le henhla ka lwangu a ma nameka nsuku. 10  Kutani a endla makerubu mambirhi endlwini ya Ndhawu yo Kwetsima Ngopfu+ hilaha swifaniso swi endliwaka hakona, a swi nameka nsuku.+ 11  Loko ku ri timpapa ta makerubu,+ ku leha ka tona a ku ri swisungunu swa 20, ripapa rin’we ra swisungunu swa ntlhanu ri fika ekhumbini ra yindlu, ni ripapa lerin’wana ri ri swisungunu swa ntlhanu ri fika eka ripapa rin’wana ra kerubu.+ 12  Ripapa ra kerubu yin’we leri nga swisungunu swa ntlhanu a ri fika ekhumbini ra yindlu, ni ripapa lerin’wana leri nga swisungunu swa ntlhanu a ri khumbana ni ripapa ra kerubu leyin’wana.+ 13  Timpapa ta makerubu lawa a ti pfuleke swisungunu swa 20; a ma yime hi milenge swikandza swa wona swi langute endzeni. 14  Ku tlula kwalaho, u endle nguvu leyi sirhelelaka+ hi harani ya wasi+ ni voya lebyi pendiweke byi va bya xivunguvungu ni krimsoni ni lapi ro vevuka, a vehela makerubu ehenhla ka yona.+ 15  Kutani a endla tiphuphu timbirhi emahlweni ka yindlu,+ ti lehe swisungunu swa 35, naswona xidlodlo+ xa phuphu lexi a xi ri ehenhla ka yin’wana ni yin’wana a xi lehe swisungunu swa ntlhanu. 16  Ku tlula kwalaho, a endla tinketana+ hi ndlela leyi sindza ra le nhan’wini ri endliwaka ha yona, a ti veka ehenhla ka tiphuphu, a endla tigrenada ta 100,+ a ti veka etinketanini. 17  A yimisa tiphuphu emahlweni ka tempele, yin’we exineneni, yin’we eximatsini, endzhaku ka sweswo leyi yi nga exineneni a yi thya vito ra Yakini kasi leyi yi nga eximatsini a yi thya vito ra Bowasi.+

Tinhlamuselo ta le hansi