Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 27:1-9

27  Yohatama+ a a ri ni malembe ya 25 hi vukhale loko a sungula ku fuma, u fume malembe ya 16 eYerusalema. Vito ra mana wakwe a ku ri Yeruxa,+ n’wana wa Sadoki.  A hambeta a endla leswi lulameke ematihlweni ya Yehovha,+ hi ku landza hinkwaswo leswi Uzhiya tata wakwe a swi endleke.+ Ntsena yena a nga nghenelelanga etempeleni ya Yehovha.+ Hambiswiritano, vanhu a va ha endla swo biha.+  Yena u ake nyangwa+ ya le henhla ya yindlu ya Yehovha, u endle ntirho lowukulu wa ku aka erirhangwini ra Ofeli.+  U ake miti+ endhawini ya tintshava ya Yuda,+ u ake miti leyi tiyeke+ ni swihondzo+ emakhwatini.+  Yena u lwe ni hosi ya vana va Amone,+ eku heteleleni a vonaka a ri ni matimba ku va tlula, lerova vana va Amone va n’wi nyika titalenta ta silivhere ta 100 hi lembe ni koroni+ ya mpimo wa tikoro ta 10 000+ ni maxalana ya mpimo wa tikoro ta 10 000.+ Vana va Amone va n’wi hakele hi sweswo, ni le lembeni ra vumbirhi ni ra vunharhu.+  Kutani Yohatama a hambeta a titiyisa, hikuva a a lunghiselele tindlela takwe emahlweni ka Yehovha Xikwembu xakwe.+  Loko ku ri timhaka letin’wana ta Yohatama+ ni tinyimpi takwe hinkwato ni tindlela takwe, swi tsariwile eBukwini+ ya Tihosi ta Israyele ni ta Yuda.  U sungule ku fuma a ri ni malembe ya 25 hi vukhale, a fuma malembe ya 16 eYerusalema.+  Eku heteleleni Yohatama a etlela ni vatata wakwe,+ va n’wi lahla eMutini wa Davhida.+ Kutani Akazi+ n’wana wakwe a sungula ku fuma ematshan’weni ya yena.

Tinhlamuselo ta le hansi