Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 26:1-23

26  Kutani vanhu+ hinkwavo va Yuda va teka Uzhiya,+ yena a ri ni malembe ya 16 hi vukhale, va n’wi endla+ hosi ematshan’weni ya Amaziya+ tata wakwe.  Hi yena la pfuxeke Elata,+ kutani a wu vuyisela eYuda endzhaku ka hosi leyi etleleke ni vatata wakwe.+  Uzhiya+ a a ri ni malembe ya 16 hi vukhale loko a sungula ku fuma, u fume malembe ya 52 eYerusalema. Vito ra mana wakwe a ku ri Yekoliya+ wa le Yerusalema.  A hambeta a endla leswi lulameke ematihlweni ya Yehovha,+ hi ku landza hinkwaswo leswi Amaziya tata wakwe a swi endleke.+  A ya emahlweni a susumeteleka ku lava+ Xikwembu emasikwini ya Zakariya, muleteri emhakeni ya ku chava Xikwembu xa ntiyiso;+ naswona emasikwini lawa a a lava Yehovha ha wona, Xikwembu xa ntiyiso xi n’wi katekisile.+  A huma a ya lwa ni Vafilisita,+ a boxa rirhangu ra Gati+ ni rirhangu ra Yabine+ ni rirhangu ra Axidodo,+ endzhaku ka sweswo a aka miti etikweni ra Axidodo+ ni le xikarhi ka Vafilisita.  Xikwembu xa ntiyiso xi hambeta xi n’wi pfuna+ ku lwa ni Vafilisita ni Vaarabiya+ lava a va tshama eGurubali ni le Mewunimi.+  Vaamone+ va sungula ku humesa ndzuvo+ eka Uzhiya. Eku heteleleni ndhuma+ yakwe yi fika aEgipta, hikuva a a kombise ntamu lowukulu ngopfu.  Tlhandlakambirhi, Uzhiya u ake swihondzo+ eYerusalema ekusuhi ni Nyangwa ya le Yinhleni+ ni le kusuhi ni Nyangwa ya le Nkoveni+ ni le kusuhi ni Rirhangu ro Tshega Muako, a swi tiyisa. 10  Ku tlula kwalaho, u ake swihondzo+ emananga, a cela swihlovo swo tala (hikuva a ku ri ni swifuwo swo tala ngopfu leswi a swi ri swa yena), ni le Xefela+ ni le tikweni leri andlalekeke. A ku ri ni varimi ni varimi va masimu ya vhinya etintshaveni ni le Karimeli, hikuva a a rhandza vurimi. 11  Tlhandlakambirhi, Uzhiya a va ni vandla leri nghenelaka nyimpi, leri ri humaka ri ya evusocheni hi mintlawa ya masocha,+ hi nhlayo ya ku tsarisiwa+ ka rona hi voko ra Yeyiyele lowa matsalana+ na Maseya ndhuna leyi lawuriwaka+ hi Hananiya wa tihosana ta hosi.+ 12  Nhlayo hinkwayo ya varhangeri va vatatana,+ ya vavanuna va vurhena,+ va matimba,+ a ku ri 2 600. 13  Mavuthu ya nyimpi lawa a ma lawuriwa hi vona a ma ri vavanuna va 307 500 lava a va lwa nyimpi, hi matimba ya vandla ra nyimpi ku pfuna hosi leswaku yi lwa ni nala wa yona.+ 14  Uzhiya a ya emahlweni a va lunghiselela vuthu hinkwaro, switlhangu+ ni matlhari+ ni swihuku+ ni tinguvu ta mahakatimba ya nsimbi+ ni mavurha+ ni maribye ya xipelupelu.+ 15  Ku tlula kwalaho, eYerusalema u endle michini yo lwa nyimpi, leyi yi qambhiweke hi vamaki, leswaku yi va ehenhla ka swihondzo+ ni le henhla ka yinhla, leswaku yi copa miseve ni maribye lamakulu. Hiloko ndhuma+ yakwe yi fika ekule ngopfu, hikuva a a pfuniwe hi ndlela yo hlamarisa kukondza a va ni matimba. 16  Kambe, hi ku hatlisa loko a va ni matimba, mbilu yakwe yi titlakusa+ kukondza a vanga ku onhaka,+ lerova a endla hi ndlela leyi pfumalaka ku tshembeka eka Yehovha Xikwembu xakwe, a fika etempeleni ya Yehovha ku ta hisa mirhi ya risuna ehenhla ka alitari ya murhi wa risuna.+ 17  Xikan’we-kan’we Azariya lowa muprista a ri ni vaprista va Yehovha, vavanuna va vurhena, va matimba va 80, va n’wi sala endzhaku. 18  Hiloko va suka va yima va lwa na Uzhiya lowa hosi,+ va ku eka yena: “A hi ntirho wa wena,+ Wena Uzhiya, ku hisela Yehovha murhi wa risuna, kambe i ntirho wa vaprista, vana va Aroni,+ lava va hlawulekisiweke, ku hisa murhi wa risuna. Huma evukwetsimelweni; hikuva u endle hi ndlela leyi nga tshembekangiki, naswona Yehovha Xikwembu a nge ku vangamisi.”+ 19  Kambe Uzhiya a hlundzuka+ a ha khome xibya xo hisela+ murhi wa risuna, loko a ha karihele vaprista, ku huma+ nhlokonho+ emombyeni wakwe emahlweni ka vaprista endlwini ya Yehovha etlhelo ka alitari ya murhi wa risuna. 20  Loko Azariya lowa muprista lonkulu ni vaprista lavan’wana hinkwavo va hundzukela eka yena, waswivo, a a biwe hi nhlokonho emombyeni!+ Hiloko va n’wi humesa kwalaho hi ku hatlisa, na yena a hatlisela ku huma, hikuva Yehovha a a n’wi bile.+ 21  Uzhiya+ lowa hosi a hambeta a va ni nhlokonho ku fikela esikwini ra ku fa kakwe, naswona a hambeta a tshama endlwini a nga endli nchumu, tanihi leswi a a ri ni nhlokonho;+ hikuva a a hambanisiwe ni yindlu ya Yehovha, kasi Yohatama n’wana wakwe a langutela yindlu ya hosi, a avanyisa vanhu va tiko. 22  Timhaka letin’wana ta Uzhiya,+ to sungula ni to hetelela, Esaya+ n’wana wa Amotsi+ lowa muprofeta u ti tsarile. 23  Eku heteleleni Uzhiya a etlela ni vatata wakwe; kutani va n’wi lahla ni vatata wakwe, eswilahlweni swa tihosi,+ hikuva va te: “U ni nhlokonho.” Kutani Yohatama+ n’wana wakwe a sungula ku fuma ematshan’weni ya yena.

Tinhlamuselo ta le hansi