Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 25:1-28

25  Amaziya+ u ve hosi a ri ni malembe ya 25 hi vukhale, naswona u fume malembe ya 29 eYerusalema. Vito ra mana wakwe a ku ri Yowadana+ wa le Yerusalema.  A hambeta a endla leswi lulameke ematihlweni ya Yehovha,+ kambe ku nga ri hi mbilu leyi hetisekeke.+  Hi ku hatlisa loko mfumo wu tiya ehenhla ka yena, xikan’we-kan’we a dlaya+ malandza+ yakwe lawa ma dlayeke hosi, ku nga tata wakwe.+  Vana va wona a nga va dlayanga, kambe u endle hi ku landza leswi swi tsariweke enawini, ebukwini ya Muxe,+ laha Yehovha a leriseke, a ku: “Vatatana va nga tshuki va fela vana,+ ni vana va nga tshuki va fela vatatana;+ kambe un’wana ni un’wana u fanele a fela xidyoho xakwe.”+  Amaziya a hlengeleta Yuda, a wu yimisa hi ku landza yindlu ya vatatana,+ hi varhangeri va magidi+ ni varhangeri va madzana+ va tiko ra Yuda hinkwaro na Benjamini; hiloko a va tsarisa ku sukela emalembeni ya 20+ hi vukhale ku ya ehenhla, eku heteleleni a kuma va ri vavanuna lava va hlawulekeke, lava yaka enyimpini, lava va tamelaka tlhari+ ni xitlhangu lexikulu,+ va ri 300 000.  Ku tlula kwalaho, eIsrayele a thola vavanuna va vurhena, va matimba lava ringanaka 100 000 hi titalenta ta silivhere ta 100.  Kutani munhu wo karhi wa Xikwembu xa ntiyiso,+ a fika eka yena, a ku: “Wena hosi, u nga tshuki u pfumelela vuthu ra tiko ra Israyele ri ta na wena, hikuva Yehovha a nga n’wi seketeli Israyele,+ hileswaku, vana va Efrayimi hinkwavo.  Kambe wena tana, teka goza, vana ni xivindzi xa nyimpi.+ Xikwembu xa ntiyiso xi nga endla leswaku u khunguvanyeka emahlweni ka nala; hikuva Xikwembu xi ni matimba ya ku pfuna+ ni ya ku khunguvanyisa.”+  Hiloko Amaziya+ a byela munhu wa Xikwembu xa ntiyiso a ku: “Kambe ku ta endliwa yini hi titalenta ta 100 leti ndzi ti nyikeke masocha ya Israyele?”+ Hiloko munhu wa Xikwembu xa ntiyiso a ku: “Yehovha wa swi kota ku ku nyika swo tala ngopfu ku tlula leswi.”+ 10  Hiloko Amaziya a ma hambanisa, hileswaku, masocha lawa ma teke eka yena ma huma aEfrayimi, ma ya endhawini ya wona vini. Kambe, ma wu hlundzukela ngopfu Yuda, lerova ma vuyela endhawini ya wona ma hlundzuke ngopfu.+ 11  Loko ku ri Amaziya, a va ni xivindzi, a rhangela vanhu vakwe va ya eNkoveni wa Munyu;+ a dlaya vana va Seyiri,+ va 10 000.+ 12  Vana va Yuda va khome va 10 000 va ha hanya. Kutani va va tisa ehenhla ka ribye, va va cukumeta va ri ehenhla ka ribye; hiloko hinkwavo ka vona, va pandzeka hi le xikarhi.+ 13  Loko ku ri swirho swa masocha lawa Amaziya a ma tlheriseke leswaku ma nga fambi na yena enyimpini,+ ma sungula ku hlasela miti ya Yuda hi xitshuketa, ku suka eSamariya+ ku ya fika eBeta-horoni,+ va dlaya vanhu lava ringanaka 3 000 naswona va phanga swo tala. 14  Kambe endzhaku ka loko Amaziya a vuye eku dlayeni ka Vaedomu, a vuya ni swikwembu+ swa vana va Seyiri, a swi veka swi va swikwembu swakwe,+ a sungula ku nkhinsama emahlweni ka swona,+ a swi mbulukisela+ xitlhavelo. 15  Hiloko Yehovha a hlundzukela Amaziya, a rhuma muprofeta eka yena, a ku: “Ha yini u lavisise+ swikwembu+ swa vanhu leswi swi nga va kutsulangiki vanhu va swona evokweni ra wena?”+ 16  Xikan’we-kan’we loko hosi yi vulavula na yena, a ku eka yona: “Xana hi ku veke ku va mutsundzuxi wa hosi?+ Tshika leswaku swi ku fambela kahle.+ Ha yini va fanele va ku dlaya?” Hiloko muprofeta a tshika, kambe a ku: “Kunene ndza swi tiva leswaku Xikwembu xi bohe ku ku lovisa,+ hikuva u endle leswi+ naswona a wu xi yingisanga xitsundzuxo xa mina.”+ 17  Kutani Amaziya hosi ya Yuda a boha makungu, a rhumela eka Yehowaxi n’wana wa Yowohazi, n’wana wa Yehu hosi ya Israyele,+ a ku: “Tana! A hi langutane exikandzeni.”+ 18  Hiloko Yehowaxi hosi ya Israyele a rhumela rito eka Amaziya hosi ya Yuda, a ku:+ “Mfava wa mitwa lowu a wu ri eLebanoni, wu rhumele rito eka mukedari lowu a wu ri eLebanoni,+ wu ku, ‘Nyiketa n’wana wa wena a va nsati wa n’wana wa mina.’+ Kambe xivandzana+ xa nhova lexi a xi ri eLebanoni xi hundza kutani xi kandziyela mfava wa mitwa. 19  U tibyele u ku, Phela u dlaye Edomu.+ Mbilu+ ya wena yi ku tlakusile leswaku u vangamisiwa.+ Sweswi hambeta u tshama endlwini ya wena.+ Ha yini u nghenela madzolonga u ri exikhundleni xo biha,+ u boheka ku wa, wena na Yuda ri ri na wena?”+ 20  Kambe Amaziya a nga yingisanga; hikuva a ku ri xikongomelo xa Xikwembu+ xa ntiyiso leswaku xi va nyiketa evokweni rakwe, hikuva va lavisise swikwembu swa Edomu.+ 21  Kutani Yehowaxi ho-si ya Israyele a tlhandluka,+ va langutana exikandzeni,+ yena na Amaziya hosi ya Yuda, eBeta-xemexe,+ lowu nga wa Yuda. 22  Tiko ra Yuda hinkwaro ri hluriwa emahlweni ka Israyele,+ lerova un’wana ni un’wana a balekela entsongeni wakwe.+ 23  A ku ri Amaziya hosi ya Yuda, n’wana wa Yehowaxi, n’wana wa Yowohazi loyi Yehowaxi hosi ya Israyele a n’wi khomeke+ eBeta-xemexe, endzhaku ka sweswo a n’wi tisa eYerusalema,+ a endla vangwa erirhangwini ra Yerusalema, ku suka eNyangweni ya Efrayimi+ ku fika eNyangweni ya le Yinhleni,+ swisungunu swa 400. 24  Kutani a teka nsuku hinkwawo ni silivhere ni swilo hinkwaswo leswi a swi kumeka endlwini ya Xikwembu xa ntiyiso swi ri na Obede-edomu+ ni vatameri va xuma xa yindlu ya hosi+ ni vabohiwa, hiloko a vuyela eSamariya.+ 25  Amaziya+ n’wana wa Yehowaxi hosi ya Yuda a hambeta a hanya malembe ya 15+ endzhaku ka rifu ra Yehowaxi+ n’wana wa Yowohazi hosi ya Israyele. 26  Loko ku ri timhaka letin’wana ta Amaziya, to sungula ni to hetelela,+ waswivo, xana a ti tsariwanga eBukwini+ ya Tihosi ta Yuda na Israyele?+ 27  Ku sukela enkarhini lowu Amaziya a hambukeke ha wona eku landzeleni Yehovha, va endle xikhiri+ xo lwa na yena eYerusalema. Hi ku famba ka nkarhi u balekele eLakixi;+ va rhumela vanhu va ya n’wi lava eLakixi va n’wi dlayela kona.+ 28  Hiloko va n’wi rhwala hi tihanci+ va ya n’wi lahla ni vatata wakwe emutini wa Yuda.+

Tinhlamuselo ta le hansi