Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 24:1-27

24  Yehowaxi a a ri ni malembe ya nkombo hi vukhale loko a sungula ku fuma,+ u fume malembe ya 40 eYerusalema.+ Vito ra mana wakwe a ku ri Sibhiya la humaka eBera-xeba.+  Yehowaxi+ a hambeta a endla leswi lulameke ematihlweni+ ya Yehovha emasikwini hinkwawo ya Yoyada lowa muprista.+  Yoyada a n’wi kumela vasati vambirhi, kutani a va tata wa vana va majaha ni va vanhwanyana.+  Endzhaku ka sweswo swi va embilwini ya Yehowaxi leswaku a pfuxeta yindlu ya Yehovha.+  Hiloko a hlengeleta vaprista+ ni Valevhi, a ku eka vona: “Humani mi ya emitini ya Yuda, mi hlengeleta mali etikweni hinkwaro ra Israyele leswaku mi lunghisa+ yindlu ya Xikwembu xa n’wina lembe ni lembe;+ loko ku ri n’wina, mi fanele mi endla hi ku hatlisa emhakeni leyi.” Valevhi a va endlanga hi ku hatlisa.+  Kutani hosi yi vitana Yoyada lowa murhangeri, yi ku eka yena:+ “Ha yini u nga lavanga nhlamuselo ya Valevhi yo tisa xibalo xo hlawuleka lexi lerisiweke hi Muxe+ nandza wa Yehovha, ni xa nhlengeletano ya Israyele, xa ntsonga wa Vumbhoni+ xi huma eYuda ni le Yerusalema?  Loko ku ri Ataliya, wansati wo homboloka, vana+ vakwe a va tshove va nghena endlwini ya Xikwembu xa ntiyiso,+ va nyikele swilo hinkwaswo swo kwetsima+ swa le ndlwini ya Yehovha eka Vabali.”+  Hiloko hosi yi humesa rito, kutani va endla bokisi,+ va ri veka ehandle ka nyangwa ya yindlu ya Yehovha.  Endzhaku ka sweswo va huwelela eYuda na Yerusalema leswaku ku tisiwa xibalo+ xo hlawuleka eka Yehovha lexi Muxe+ nandza wa Xikwembu xa ntiyiso a leriseke Israyele emananga leswaku ri xi tisa. 10  Tihosana+ hinkwato ni vanhu hinkwavo va sungula ku tsaka,+ kutani va hambeta va xi tisa ni ku xi hoxa ebokisini+ kukondza hinkwavo va nyikerile. 11  Hi nkarhi lowu faneleke a tisa bokisi leswaku ri hlayisiwa hi hosi ri ri evokweni ra Valevhi,+ hi ku hatlisa loko va vona leswaku a ku ri ni mali yo tala,+ matsalana+ wa hosi ni mulerisi wa muprista lonkulu a va fika, va chulula bokisi, va ri tlakusa va ri vuyisela endhawini ya rona. A va endla tano siku ni siku, lerova va hlengeleta mali yo tala. 12  Kutani hosi na Yoyada a va yi nyika lava a va endla+ ntirho wa ku tirhela endlwini ya Yehovha,+ va thola vatsemi va maribye+ ni lava tivaka ntirho wa mavoko+ leswaku va pfuxa yindlu ya Yehovha,+ ni lava va tirhaka hi nsimbi ni koporo leswaku va lunghisa yindlu ya Yehovha.+ 13  Lava va endlaka ntirho va sungula ku tirha,+ ntirho wa ku lunghisa wu ya emahlweni evokweni ra vona, eku heteleleni va yimisa yindlu ya Xikwembu xa ntiyiso hilaha pulani yi nga hakona, va yi tiyisa. 14  Hi ku hatlisa loko va hetile, va tisa mali hinkwayo emahlweni ka hosi na Yoyada, va endla swingolongondzwana swa yindlu ya Yehovha, swingolongondzwana swa vutirheli+ ni swa ku endla magandzelo ni swinwelo+ ni swingolongondzwana swa nsuku+ ni swa silivhere; va humesa switlhavelo swo hisiwa+ endlwini ya Yehovha nkarhi hinkwawo, emasikwini hinkwawo ya Yoyada. 15  Yoyada a dyuhala, a enerisekile hi malembe,+ hakatsongo-tsongo a fa, a ri ni malembe ya 130 hi vukhale loko a fa. 16  Va n’wi lahla eMutini wa Davhida swin’we ni tihosi,+ hikuva a a endle leswinene eIsrayele+ ni le ka Xikwembu xa ntiyiso ni le ka yindlu ya xona. 17  Endzhaku ka rifu ra Yoyada, tihosana+ ta Yuda ti fika, ti nkhinsamela hosi. Hi nkarhi wolowo hosi yi ti yingisa.+ 18  Hakatsongo-tsongo ti tshika yindlu ya Yehovha Xikwembu xa vatata wa tona, ti sungula ku tirhela timhandzi to kwetsima+ ni swifaniso swa hava,+ lerova Yuda na Yerusalema yi hlundzukeriwa hikwalaho ka nandzu wa tona.+ 19  A hambeta a rhuma vaprofeta+ exikarhi ka vona leswaku va va vuyisela eka Yehovha; va hambeta va nyikela vumbhoni lebyi kanetanaka na vona, kambe a va yingisanga.+ 20  Moya+ wa Xikwembu wu talela+ Zakariya+ n’wana wa Yoyada+ lowa muprista, lerova a suka a yima emahlweni ka vanhu, a ku eka vona: “Xikwembu xa ntiyiso xi te, ‘Ha yini mi tlula swileriso swa Yehovha, lerova mi tsandzeka ku humelela?+ Hikwalaho ka leswi mi siyeke Yehovha, na yena u ta mi tshika.’”+ 21  Eku heteleleni va n’wi bohela xikhiri,+ kutani va n’wi khandla hi maribye+ hi ku landza xileriso xa hosi exivaveni xa yindlu ya Yehovha. 22  Yehowaxi lowa hosi a nga wu tsundzukanga musa wa rirhandzu wa Yoyada tata wakwe lowu a n’wi kombeke wona,+ lerova a dlaya n’wana wakwe, loyi, loko a ri kusuhi ni ku fa, a nga te: “Yehovha a a teke goza, a rihisa.”+ 23  Eku heleni+ ka lembe vandla ra nyimpi ra Siriya+ ri fika ri ta n’wi hlasela,+ kutani ri sungula ku hlasela Yuda na Yerusalema. Hiloko va herisa tihosana+ hinkwato ta tiko exikarhi ka vanhu, hinkwaswo leswi va swi phangeke va swi rhumela eka hosi ya Damaska.+ 24  Hikuva vandla ra nyimpi ra Vasiriya ri hlasele ri ri ritsongo,+ kambe Yehovha a nyiketa vandla ra nyimpi ro tala ngopfu evokweni ra rona,+ hikuva va siye Yehovha Xikwembu xa vatata wa vona; va avanyise Yehowaxi.+ 25  Loko va suka eka yena (hikuva va n’wi siye a ri ni swifo swo tala),+ malandza yakwe ma n’wi khira+ hikwalaho ka ngati+ ya vana va Yoyada+ lowa muprista; ma n’wi dlaya a ri exitshan’weni xakwe, kutani a fa.+ Hiloko va n’wi lahla eMutini wa Davhida,+ kambe a va n’wi lahlanga eswilahlweni swa tihosi.+ 26  Lava hi vona va nga n’wi khira: Zabada+ n’wana wa Ximeyata lowa Muamone na Yohozabadi n’wana wa Ximriti lowa Mumowabu. 27  Loko ku ri vana vakwe ni ku avanyisiwa ka yena lokukulu,+ ni ku simekiwa+ ka yindlu ya Xikwembu xa ntiyiso, swi tsariwile enhlamuselweni ya Buku+ ya Tihosi. Amaziya+ n’wana wakwe a sungula ku fuma ematshan’weni ya yena.

Tinhlamuselo ta le hansi