Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 23:1-21

23  Hi lembe ra vunkombo, Yoyada+ a va ni xivindzi, a teka tindhuna ta madzana,+ ku nga Azariya n’wana wa Yerohamu, Iximayele n’wana wa Yehohanani, Azariya n’wana wa Obede, Maseya n’wana wa Adaya na Elixafati n’wana wa Zikiri, a endla ntwanano na tona.  Endzhaku ka sweswo va rhendzeleka ni tiko ra Yuda hinkwaro va hlengeleta Valevhi+ emitini hinkwayo ya Yuda ni varhangeri+ va tindlu ta vatatana+ va Israyele. Kutani va fika eYerusalema.  Hiloko nhlengeletano hinkwayo yi endla ntwanano+ ni hosi endlwini+ ya Xikwembu xa ntiyiso, endzhaku ka sweswo a ku eka vona: “Maswivo! N’wana+ wa hosi hi yena la nga ta fuma,+ hilaha Yehovha a tshembiseke hakona malunghana ni vana va Davhida.+  Mi ta endla leswi: xiphemu xa n’wina xa n’we-xa-nharhu lexi taka hi savata,+ xa vaprista+ ni xa Valevhi,+ xi ta va valanguteri va tinyangwa;+  xiphemu xa n’we-xa-nharhu xi ta va endlwini ya hosi;+ ni xiphemu xa n’we-xa-nharhu xi ta va eNyangweni ya Masungulo;+ vanhu hinkwavo va ta va eswivaveni+ swa yindlu ya Yehovha.  Mi nga tshuki mi pfumelela munhu un’wana a nghena endlwini ya Yehovha+ loko ku nga ri vaprista ni Valevhi lava va tirhelaka.+ Lava hi vona lava va nga ta nghena, hikuva i ntlawa wo kwetsima,+ vanhu hinkwavo va ta hlayisa vutihlamuleri lebyi eka Yehovha.  Valevhi va fanele va rhendzela hosi matlhelo hinkwawo,+ un’wana ni un’wana a tamele matlhari yakwe; mani na mani la taka endlwini, u fanele a dlayiwa. Hambetani mi va ni hosi loko yi nghena niloko yi huma.”  Valevhi ni tiko ra Yuda hinkwaro va endla hi ku landza hinkwaswo leswi Yoyada+ lowa muprista a swi leriseke.+ Hiloko un’wana ni un’wana a teka vavanuna vakwe lava a va nghena hi savata swin’we ni lava a va huma hi savata,+ hikuva Yoyada lowa muprista a a nga yi ntshunxanga mintlawa+ leyi entirhweni.  Ku tlula kwalaho, Yoyada lowa muprista a nyika tindhuna ta madzana+ mafumu ni switlhangu ni switlhangu swa xirhendzevutana+ leswi a swi ri swa Hosi Davhida,+ leswi a swi ri endlwini ya Xikwembu xa ntiyiso.+ 10  Hiloko a yimisa vanhu hinkwavo,+ un’wana ni un’wana a tamele nseve wakwe, ku sukela etlhelweni ra xinene ra yindlu ku ya etlhelweni ra ximatsi ra yindlu, ekusuhi ni alitari ni le kusuhi ni yindlu, matlhelo hinkwawo ekusuhi ni hosi. 11  Kutani va humesa+ n’wana wa hosi, va n’wi tlhandleka xidlodlo+ ni Vumbhoni+ va n’wi endla hosi, hiloko Yoyada ni vana vakwe va n’wi tota+ va ku: “Hosi a yi hanye!”+ 12  Loko Ataliya a twa swigingi swa vanhu lava va tsutsumaka, va dzunisa hosi,+ xikan’we-kan’we a ya eka vanhu endlwini ya Yehovha. 13  Kutani a languta, hosi a yi yime ekusuhi ni phuphu+ ra yona evunghenweni, ku ri ni tihosana+ ni timhalamhala+ ekusuhi ni hosi, naswona vanhu hinkwavo va tiko a va tsakile,+ va yimba+ timhalamhala, ni vayimbeleri+ va ri ni swichayachayana swa risimu ni lava va endlaka xikombiso xa ku dzunisa. Xikan’we-kan’we Ataliya a handzula tinguvu takwe hi le xikarhi a ku: “Xikhiri! Xikhiri!”+ 14  Kambe Yoyada lowa muprista a humesa tindhuna ta madzana, leti vekiweke ta vandla ra nyimpi, a ku eka tona: “N’wi humeseni endzeni ka tilayini;+ loko ku ri un’wana ni un’wana la n’wi salaka endzhaku, u fanele a dlayiwa hi banga!” Hikuva muprista u te: “Mi nga n’wi dlayeli endlwini ya Yehovha.” 15  Hiloko va n’wi khoma. Loko a fika evunghenweni bya nyangwa ya tihanci ta yindlu ya hosi, xikan’we-kan’we va n’wi dlayela kwalaho.+ 16  Kutani Yoyada a endla ntwanano exikarhi ka yena ni vanhu hinkwavo ni hosi leswaku va ya emahlweni va ri vanhu+ va Yehovha. 17  Endzhaku ka sweswo vanhu hinkwavo va fika endlwini ya Bali, va yi hirimuxa;+ va hahlula tialitari+ takwe ni swifaniso swakwe,+ kutani va dlaya+ Matani+ lowa muprista wa Bali emahlweni ka tialitari. 18  Ku tlula kwalaho, Yoyada a tamerisa vaprista ni Valevhi swikhundlha swa le ndlwini ya Yehovha, lava Davhida+ a va vekeke va ri mintlawa leswaku va lawula yindlu ya Yehovha, va humesa switlhavelo swo hisiwa swa Yehovha hi ku landza leswi tsariweke enawini wa Muxe,+ hi ku tsaka ni risimu emavokweni ya Davhida. 19  Kutani a veka varindzi va tinyangwa+ etinyangweni+ ta yindlu ya Yehovha leswaku munhu la nga basangiki a nga tshuki a nghena hambi ku ri hi ndlela yihi. 20  Hiloko a teka tindhuna ta madzana+ ni lava va nga tihosi ni lava va fumaka vanhu ni vanhu hinkwavo va tiko, a susa hosi endlwini ya Yehovha.+ Kutani va ta va kongome nyangwa ya le henhla endlwini ya hosi, va tshamisisa hosi exiluvelweni+ xa mfumo. 21  Vanhu hinkwavo va tiko va ya emahlweni va tsaka;+ muti hi woxe a wu kavanyetiwanga, Ataliya va n’wi dlaye hi banga.+

Tinhlamuselo ta le hansi