Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

2 Tikronika 22:1-12

22  Kutani vaaki va Yerusalema va endla Ahaziya+ n’wana wakwe lontsongo eka hinkwavo a va hosi ematshan’weni yakwe, (hikuva vuthu ra vaphangi leri ri teke ni Vaarabiya+ enxaxeni a ri va dlaye hinkwavo lavakulu,)+ kutani Ahaziya n’wana wa Yehorama a sungula ku fuma eYuda.  Ahaziya a a ri ni malembe ya 22 hi vukhale loko a sungula ku fuma,+ u fume lembe rin’we eYerusalema. Vito ra mana wakwe a ku ri Ataliya+ ntukulu wa Omri.+  Na yena u fambe etindleleni ta yindlu ya Akabu,+ hikuva mana wakwe+ hi yena la n’wi kuceteleke ku endla hi ndlela yo homboloka.  A ya emahlweni a endla swo biha ematihlweni ya Yehovha, ku fana ni yindlu ya Akabu, hikuva vona va ve vatsundzuxi+ vakwe endzhaku ka ku fa ka tata wakwe, leswi swi n’wi tiseleke khombo.  U fambe hi ku landza xitsundzuxo xa vona,+ lerova a famba na Yehorama+ n’wana wa Akabu, hosi ya Israyele ku ya lwa na Hazayele+ hosi ya Siriya eRhamoti-giliyadi,+ laha vacopi va nga tlhava Yehorama.+  Hiloko a tlhelela eYizriyele+ leswaku a ya tshunguriwa timbanga leti va n’wi handzuleke tona eRhama+ loko a lwa na Hazayele hosi ya Siriya. Loko ku ri Azariya+ n’wana wa Yehorama,+ hosi ya Yuda, u rhelerile a ya vona Yehorama+ n’wana wa Akabu eYizriyele, hikuva a a vabya.+  Kambe a swi huma eka Xikwembu+ leswaku Ahaziya a wa+ hikwalaho ka leswi a teke eka Yehorama; loko a fika, u fambe+ na Yehorama a ya eka Yehu+ ntukulu wa Nimxi,+ loyi Yehovha a n’wi toteke+ leswaku a herisa yindlu ya Akabu.+  Kuteloko Yehu a ve ni njhekanjhekisano ni yindlu ya Akabu,+ u kume tihosana ta Yuda ni vana va vamakwavo va Ahaziya,+ vatirheli va Ahaziya, hiloko a va dlaya.+  Kutani a famba a ya lava Ahaziya, eku heteleleni va n’wi khoma,+ tanihi leswi a a tumbele eSamariya,+ va n’wi tisa eka Yehu. Hiloko va n’wi dlaya, va n’wi lahla,+ hikuva va te: “I ntukulu wa Yehoxafati,+ loyi a laveke Yehovha hi mbilu yakwe hinkwayo.”+ A a nga ha ri kona un’wana endlwini ya Ahaziya loyi a a ta va ni matimba ya mfumo. 10  Loko ku ri Ataliya+ mana wa Ahaziya, a vona leswaku n’wana wakwe u file. Hiloko a suka a yima a lovisa vana hinkwavo va vuhosi bya yindlu ya Yuda.+ 11  Kambe, Yehoxabati+ n’wana wa hosi wa nhwanyana u teke Yehowaxi+ n’wana wa Ahaziya, a n’wi yiva exikarhi ka vana va hosi lava a va ta dlayiwa, a n’wi veka yena ni wansati la n’wi wundlaka ekamareni ra le ndzeni ra xilawu. Kutani Yehoxabati n’wana wa Hosi Yehorama,+ nsati wa Yoyada+ lowa muprista, (hikuva yena a a ri makwavo wa xisati wa Ahaziya,) a n’wi tumbeta hikwalaho ka Ataliya, a nga n’wi dlayanga.+ 12  A tshama na vona a tumbetiwile endlwini ya Xikwembu xa ntiyiso ku ringana malembe ya tsevu,+ hi nkarhi lowu Ataliya a a ri hosi ya xisati+ etikweni.+

Tinhlamuselo ta le hansi